Read MUKANDA WANZAMBI Numere 30 Bible Online

Numere 30 - MUKANDA WANZAMBI bible

Numere 30

¹Mosi wahosheli nawanyanta anyichidi yawanyana kaIsarela, nindi, Tiyenu chuma chanatulejiyi Yehova.

²Nindi, Neyi iyala wukudishiilakudi Yehova, hela neyi wukusanyika kwakudishiŋa kwakudikasamumuchima windi, bayi akamotoka izu danahoshiyuku, chiŋa akela mumazuejima anafumi mukanwa kindi.

³Nimumbanda nawa neyi nadishiili kudi Yehova, nadikasi chakudikasa, wuchidi mwitala datata yindi, wuchidikansi,

⁴nitata yindi natiyi kudishiila kwanadishiiliyi, chanadikasiyi mumuchimawindi, nitata yindi namumweneni zo; henohu mwejima mwanadishiiliyimwakakola, ninoyu yanadikasiyi nachu mumuchima windi yakakola.

⁵Ilaŋ neyi tata yindi wakamulekesha mwifuku dakatiyayi, hela yanadishiiliyi, hela oyu yanadikasiyi nachu mumuchima windi, hiyakakolaku; Yehovawakamwanakena nanochu chanamulekeshiyi tata yindi.

⁶Neyi wasumbuka dehi neyala ohu hakudishiilayi, indi kwiji hakuhosha yina kanwa kindi yalufuchi, hakudikasa nachu mumuchima windi,

⁷ninfumwindinachitiyi, namumweneni zo mwifuku danachitiyiyi; henohu yanadishiiliyi yakakola, ninoyu yanadikasiyi nachu mumuchima windi yakakola.

⁸Hakwila neyi nfumwindi wakamulekesha mwifuku dakachitiyayi najahi dehi mwadishiililiyi, nimazu amukanwa kindi ahoshayi lufuchi, adikasayinachu mumuchima win di; Yehova wakamwana kena.

⁹Hakwinza yakudishiilayi mumbanda wantuluwa hela aseŋawu, yadikasayi nachu mumuchima windi, yejima yakamukolela.

¹⁰Neyi wadishiilili mwitala danfumwindi, hela neyi wadikasili mumuchima windi namwonji chakusanyika kwakudishiŋa,

¹¹ninfumwindi wachitiyili wamumweneneni zo kumulekesha nehi, henohu yadishiililiyi yejima yakakola, nimwadikasiliyi nachu mumuchima windi mwejima mwakakola.

¹²Ilaŋa neyi nfumwindi wayijahili mwifuku dayitiyiliyi, henohu mazu edikili mukanwa kindi ejima akutena kudishiilamu, hela akutena mwadikasililiyi mumuchima windi, hiyakakolaku; nfumwindi nayijahi dehi, Yehova wakamwanakena.

¹³Mwakudishiilayi mwejima nakusanyika kwakudishiŋa kwejima kwakukabisha muchima windi, nfumwindi natweshikukoleshamu, hela kujaha nfumwindi natweshi kujahamu.

¹⁴Ilaŋa neyinfumwindi wakadimwenena zo chikupu hefuku hefuku, kumuhoshamu nehi, henohu nakoleshi mwejima mwadishiililiyi, nimwadikasililiyi mwejima; nakoleshumu dehi nanochu chamweneniyi chakubula kumuhoshamu hatiyiliyimazu indi.

¹⁵Ilaŋa neyi wakajahamu munahiti dehi mafuku nahatiyayimazu indi, yena wakakoola kuluwa kwindi.

¹⁶Yeniyi diyi yidika yalejeluwu Mosi kudi Yehova yeyala naŋodindi, niyatata yamuntu namwanindi wamumbanda wuchidi kansi, wuchidi mwitala datata yindi.