Read MUKANDA WANZAMBI Numere 32 Bible Online

Numere 32 - MUKANDA WANZAMBI bible

Numere 32

¹Anyana kaRubeni nianyana kaGadi adiŋi nayimuna yayivulunankashi. Chamwenuwu ituŋa daYazeri, netuŋa daGileyadi, kutalaku kwakuwahi kushakamaku nayimuna,

²anyana kaGadi nianyana kaRubeni hiyakwinza nakuhosha naMosi, nakapristu Eleyazari, natulambatwachipompelu, nawu,

³Ataroti, naDiboni, naYazeri, naNimira, naHeshiboni, naEleyale, naSebami, naNebo, naBeyoni,

⁴dodituŋa dalukukiliyi Yehova kumesu achipompelu chaIsarela, ituŋa dawayimuna, ninetu ambuŋeyitukweti yimuna.

⁵Nawu, Neyi wunatutoŋuhu mwani atwinki etuambuŋeyi ituŋidi diikali detu; bayi atuzambwisha Yodanaku.

⁶Mosi wayilili anyana kaGadi nianyana kaRubeni, nindi, Ana kwenuayi kunjita, enu mushakami kunu?

⁷Mukuzeyesheladi nyichima yawanyana kaIsarela akaŋanyi kuzambuka ayi mwituŋa danayinkiyi Yehova?

⁸Dichi cheliluwu atata jenu hinayitemesheli afumi kuKadeshi Baraneya ayi nakutala ituŋa.

⁹Muloŋa wena chakandukiluwu muchinekinekicha Eshikoli, chamwenuwu ituŋa,

¹⁰azeyesheli nyichima yawanyana kaIsarela mwaka akaŋanyi kwijila mwituŋa dayinkeliyi Yehova. Yehova wazuwili, wasanyikili,

¹¹nindi, Chalala kwosi iyala wafumini muEjipitu, washika munyaka makumi ayedi hela wamotokamu, wakamonaituŋa dinasanyikilili Abarahama naIsaka naYakobaku. Muloŋabulilikunlonda chikupu,

¹²chiŋa yowu mwana kaYefune Kalebi kaKenizi hohu, namwana kaNuni Yoshuwa, diwu akamonamu; nanochu chalondeluwu Yehova chikupu.

¹³Yehova wazuwili naIsarela, wayikimbishili mwisaŋa nyaka makumi awana, ninichi chanoŋeluwu zo-o ikiŋu dawu dejima elilichatama kumesu aYehova.

¹⁴Talenu ntahi, munahiŋi dehi mudi atata jenu, enu chitaŋa chanshidi, musaŋumuni cheŋi kuzuwa kwaYehova kwasweja kwakuzuwila aIsarela.

¹⁵Neyi mukumushiya, niyena nawa wakayishi yacheŋi mwisaŋa, mwakajilisha tuhu antu awa ejima.

¹⁶Aswilili kwakwihi nayena, elili nawu, Tukutuŋa kunu mayinda ayimunayetu, ninyikala yawanyanetu anyanya;

¹⁷hakwila etu kwetu tukumanye katu kutwamina kukuya anyana kaIsarela, nichi chitwamba kayishikŋa mwawu; anyanetu anyanya akashakami munyikala yampwembu kuchina antu ashakama mwituŋa.

¹⁸Hitwakafunta cheŋi kumataletuku, kufunta chiŋa anyana kaIsarela anatambuli dehi wejima wawu wuswanawawu, iwu nawindi, iwu nawindi.

¹⁹Muloŋa etu kwetu hitwakaswaninahamu nawu kwishinadi daYodanaku, hela kumbidi; muloŋa wuswana wetutunawumoni dehi kwishinadi dinu daYodana kumusela.

²⁰Mosi wayilili nindi, Neyi mukwila mwenomu, neyi mukumanyekahi mukuya kumesu aYehova kunjita,

²¹neyi enu amayala ejima mwamanyeka dehi mukuzambuka Yodana kumesu aYehova, ninichi chamba katemunayi ayilumbu jindi kumesu indi,

²²niituŋa hidinafwomoki dehi kumesu aYehova; nkumininaku henohu himwakafunta tuhu, himwakekalana muloŋa hela kudi Yehova, hela kudi aIsarelaku; niituŋa dinu dakekaladenu kumesu aYehova.

²³Ilaŋa neyi kwonti kwenu, komana muna muvulumuni dehi Yehova; ilukenu nenu nshidi yenu yakayishintakesha.

²⁴Tuŋenu nyikala yawanyanenu anyanya nimayinda anyikoku yenu; mwakeli chimunahoshi namutunwa twenu.

²⁵Anyana kaGadi nianyana kaRubeni amwilili Mosi, nawu, Etu ambuŋeyitwakela mwanatulejiyi mwanta.

²⁶Ni anyanetu anyanya, niaŋodŋetu, ninyikoku yetu, niyimuna yetu yejima, yakashala kuna kunyikalaya Gileyadi;

²⁷hakwila etu ambuŋeyi tukuzambuka, etu amayala ejima twamanyeka dehi yanjita, tukuya kumesu aYehova kunjita, mwanahoshiyimwanta.

²⁸Mosi washiikili kapristu Eleyazari, namwana kaNuni Yoshuwa, nawanyanta amavumu awankakulula janyichidi yawanyana kaIsarela, hansaŋu yawu.

²⁹Mosi wayilili nindi, Neyi anyana kaGadi nianyana kaRubeni akuzambuka Yodana chimu nenu, amayala amanyeka dehi yanjita,

³⁰kumesu aYehova, niituŋa hidakafwomoka kumukuyenu; henohu mwakayinka ituŋa daGileyadi akadiheti; kwinza neyi akaleka kumanyeka nakuzambukanenu hamu, akatambula mpata jawu hamu nenu mwituŋa daKenani.

³¹Anyana kaGadi nianyana kaRubeni aakwili nawu, Mwanatwiliyi Yehova etu ambuŋeyi, dimu tukwila.

³²Tukumanyeka, tukuzambuka kumesu aYehova, tukuya mwituŋa daKenani, mpata yetu yawuswana yakashala kunu kwishinadi daYodana.

³³Mosi wayinkeli anyana kaGadi, nianyana kaRubeni, nimuza wachibalu waManase mwana kaYosefu ituŋa daSihoni mwanta wawaAmori, niituŋa daOgi mwanta wakuBashani, niituŋa ninyikala yekalamu, nimpata janyeŋumu kanyikala yamwituŋa mwahita ŋinza jawu.

³⁴Anyana kaGadi atuŋili Diboni, niAtaroti, niArowenai;

³⁵niAtaroti Shafwani, niYazeri, niYoŋebeha;

³⁶niBetinimira, niBetiharani; nyikala yampwembu, nimayinda anyikoku.

³⁷Anyana kaRubeni atuŋili Heshiboni, niEleyale, niKiriyatayimi,

³⁸niNebo, niBayali Meyoni, majinayu ayibalumwini, niSibima; nyikalayatuŋiluwu ayitumbili majina acheŋi.

³⁹Anyana kaMakiri mwana kaManase ayili kuGileyadi, alukukili ituŋa odu, amwaŋili aAmori adiŋumu.

⁴⁰Mosi wamwinkeli Makiri mwana kaManase, Gileyadi, washakaminumu.

⁴¹Yayiri mwana kaManase wayili, walukukili nyikala yadiŋumu, wayitumbili ijina nindi Havoti Yayiri.

⁴²Noba wayili, walukukili Kenati nitunyikalatwawu twanyanya, wawutumbili ijina nindi Noba, dodijina dindiyemweni.