Read MUKANDA WANZAMBI Numere 33 Bible Online

Numere 33 - MUKANDA WANZAMBI bible

Numere 33

¹Tiyenu mateeku endeluwu anyana kaIsarela, chafuminuwu mwituŋa daEjipitu, hamajita hamajita, chakuyitwala kudi Amosi na Aroni.

²Mosi wasonekeli mwendeleluwu mwahita mateeku awu mwayilejeluwu kudi Yehova. Tiyenu mateeku awu mwendeleluwu.

³Afumini kuRamesesa hakakweji kakusambila, hefuku dekumi nakatanuda kakweji kakusambila; ifuku dalondeli paseka, anyana kaIsarela afumini mwituŋa naŋovu, aEjipitu ejima ayitalaŋa,

⁴iku aEjipitu adi nakujiika awedi awu anajahiyi Yehova munyikala yawu; Yehova wasompesheli niakishi awu nawa, wayibabesheli.

⁵Anyana kaIsarela afumini kuRamesesa, ateekeli kuSukoti.

⁶Afumini kuSukoti, ateekeli kuEtami, kunsa yesaŋa.

⁷Afumini kuEtami, afuntiliha nyima ayili kuPihahiroti, kwatalaŋana naBayali Zefwoni, ateekeli kwakwihi naMigidoli.

⁸Afumini kwadiŋuwu kwakwihi naHahiroti, ahitili mukachi kakaluŋalwiji ayili mwisaŋa; endeli kwenda kwamafuku asatumwisaŋa daEtami, ateekeli kuMara.

⁹Afumini kuMara, ashikili kuElimi; kuElimi kwadiŋi tuseloki twameji ikumi natuyedi ninyikoma makumi atanu nayedi, ateekeli kwenoku.

¹⁰Afumini kuElimi, ateekeli kuKaluŋalwiji Kachinana.

¹¹Afumini kuKaluŋalwiji Kachinana, ateekeli mwisaŋa daSini.

¹²Afumini kwisaŋa daSini, ateekeli kuDofweka.

¹³Afumini kuDofweka, ateekeli kuAlushi.

¹⁴Afumini kuAlushi, ateekeli kuRefwidimi, kwabulili meji akunwa antu.

¹⁵Afumini kuRefwidimi, ateekeli mwisaŋa daSinayi.

¹⁶Afumini kwisaŋa daSinayi, ateekeli kuKibiroti Hatava.

¹⁷Afumini kuKibiroti Hatava, ateekeli kuHazeroti.

¹⁸Afumini kuHazeroti, ateekeli kuRitima.

¹⁹Afumini kuRitima, ateekeli kuRimoni Perezi.

²⁰Afumini kuRimoni Perezi, ateekeli kuLibina.

²¹Afumini kuLibina, ateekeli kuRisa.

²²Afumini kuRisa, ateekeli kuKehelata.

²³Afumini kuKehelata, ateekeli kumpidi yaShefwenai.

²⁴Afumini kumpidi yaShefwenai, ateekeli kuHarada.

²⁵Afumini kuHarada, ateekeli kuMakeheloti.

²⁶Afumini kuMakeheloti, ateekeli kuTahati.

²⁷Afumini kuTahati, ateekeli kuTera.

²⁸Afumini kuTera, ateekeli kuMitika.

²⁹Afumini kuMitika, ateekeli kuHashimona.

³⁰Afumini kuHashimona, ateekeli kuMoseroti.

³¹Afumini kuMoseroti, ateekeli kuBeneyakani.

³²Afumini kuBeneyakani, ateekeli kuHori Hagidi ŋadi.

³³Afumini kuHori Hagidi ŋadi, ateekeli kuYotata.

³⁴Afumini kuYotata, ateekeli kuAbarona.

³⁵Afumini kuAbarona, ateekeli kuEziyoni Geberi.

³⁶Afumini kuEziyoni Geberi, ateekeli mwisaŋa daZini kwoku kuKadeshi.

³⁷Afumini kuKadeshi, ateekeli kumpidi yaHori, kunsa yetuŋa daEdomi.

³⁸Kapristu Aroni wakandamini hampidi yaHori mwomwamulejeliyi yehova, wafwilili kwenoku mumwaka wamakumi awana nahafuminuwu anyana kaIsarela mwituŋa daEjipitu, mukakweji kamuchitanu, hefukudakakweji dakusambila.

³⁹Hafwiliyi kumpidi yaHori, Aroni washikilimunyaka nkulakaji namakumi ayedi nanyaka yisatu.

⁴⁰KaKenani, mwanta waAradi, washakamini kukabeta kakuchidiilu mwituŋa daKenani, watiyili chakwinzawu anyana kaIsarela.

⁴¹Afumini kumpidi yaHori, ateekeli kuZalimona.

⁴²Afumini kuZalimona, ateekeli kuPunoni.

⁴³Afumini kuPunoni, ateekeli kuOboti.

⁴⁴Afumini kuOboti, ateekeli kulye Abarimi, muŋinza yaMowabi.

⁴⁵Afumi nikulyimi, ateekeli kuDiboni Gadi.

⁴⁶Afumini kuDiboni Gadi, ateekeli kuAlimoni Dibilatayimi.

⁴⁷Afumini kuAlimoni Dibilatayimi, ateekeli hampidi jaAbarimi, kwakwihi naNebo.

⁴⁸Afumini kumpidiŋa Abarimi, ateekeli muyana yaMowabi kuYodana kuYeriku.

⁴⁹Ateekeli kuYodana, kufumisha kuBetiyeshimoti nakushika kuAbeli Shitimi muyana yaMowabi.

⁵⁰Yehova wahosheli naMosi muyana yaMowabi kuYodana kuYeriku,

⁵¹nindi, Hoshaku nawanyana kaIsarela, wuyili neyi, Chimwakazambu kaYodana muyi mwituŋa daKenani,

⁵²mwakatemuni ashakaŋa mwituŋa ejima kumwakayenu, mwakakisaŋani niakishi awu akusuŋununa ejima, mwakakisaŋani ninkishi jawu jakusuŋununa jejima, mwakasandi niyinaŋanaŋa yawu yejima;

⁵³mwakatambuli ituŋa, mwakashakamumu; muloŋa ituŋa nayinki dehi denu.

⁵⁴Ituŋa mwakadiswani nachinjikijilu chakusakula nachu, mwahita yisaka yenu; amavulu mwakayinki wuswana wawuvulu, antesha mwakayinki wuswana wantesha; kwamuholokela muntuchinjikijilu chindi diku kwindi; mwakaswanini mwomwekalila nyichidi yawankakulula jenu.

⁵⁵Neyi ashakama mwituŋa mwakabula kuyitemuna kumwakayenu, awa mwakashiya akekala neyi chikwanyumba yakulemeka mumesu enu, neyi chikwanyiŋa yakulemeka mumbavu jenu, akayikabishaŋa mwituŋa dimwakashakama.

⁵⁶Chakela munayifuukwilili wena dimunakayikoŋenu.