Read MUKANDA WANZAMBI Numere 34 Bible Online

Numere 34 - MUKANDA WANZAMBI bible

Numere 34

¹Yehova wahosheli naMosi,

²nindi, Yileji anyana kaIsarela, wuyili neyi, Chimwakashika mwituŋa daKenani, dodituŋa dimwakatambula dawuswana, dodituŋa daKenani mwakumina ŋinza jadu,

³mutambawenu wakukabeta kakuchidiilu wakafumi kwisaŋa daZini yaEdomi, ŋinza yenu yakukabeta kakuchidiilu yakafumi kumbadiyejiya daMuŋwa yamusela

⁴ŋinza yenu yakabalumuki yakatalishi kukabetaka kuchidiilu kumukolu waAkarabimi, yakahitili kuZini; yakashiki kumbadiya Kadeshi Baraneya yakukabeta kakuchidiilu yakedikili kuHazari Adari, yakahiti nikuAzimoni;

⁵ŋinza yakabalumukili kuAzimoni yakayi kukaloŋa kaEjipitu, yakakumini kukalupalwŋi.

⁶Ŋinza yenu yakumujika yakekali kalupalwŋi keneni mwahita mukulishuwaku; diyi ŋinza yenu yakumujika.

⁷Tiyenu ŋinza yenu yakukabeta kakuchimunswa; mwakayi fumishilikukaluŋalwiji keneni, mwakadifundili nikumpidi yaHori;

⁸mwakafumishili kumpidi yaHori, mwakayifundi kuwiŋililu wakuHamati; ŋinza yakashikini kuZedadi;

⁹ŋinza yakedikili kuZifwironi, yakakumini kuHazari Enani; diyi ŋinza yenu yakukabeta kakuchimunswa.

¹⁰Ŋinza yenu yakumusela mwakayifundi kufumishila kuHazari Enani nakutwala kuShefwami;

¹¹ŋinza yakafumi kuShefwami yakakunku mukili kuRibila, kumbadi yaAyini yakumusela; ŋinza yakakunkumuki yakashikiku chikumu chejiya daKinereti chakumusela;

¹²ŋinza yakakunkumukili kuYodana, yakakumini kwijiya daMupwa; dimu mwakekalila ituŋa denumwakahitila Ŋinza jadu kwi-ndo.

¹³Mosi walejeli anyana kaIsarela, nindi, Denidi dodituŋa denu dimwaka swanana chinjikijilu chakusakula nachu, dayilejeliyi Yehova, nindiakayinki nyichidi yitanu naviwana namuchidi wachibalu;

¹⁴muloŋa muchidi wawanyana kaRubeni mwahita mavumu awankakulula jawu, nimuchidi wawanyana kaGadi mwahita mavumu awankakulula jawu, anatambuli dehi wuswana wawu, nimuchidi waManase wachibalu anatambuli dehi wuswana wawu;

¹⁵nyichidi yiyedi namuchidi wachibalu anatambuli dehi wuswana wawu kwishinadi daYodana kuYeriku, kumusela kwaselelaŋa itaŋwa.

¹⁶Yehova wahosheli naMosi,

¹⁷nindi, Tiya majina amayala akaya njaŋena ituŋa dimwakaswana; kapristu Eleyazari, namwana kaNuni Yoshuwa.

¹⁸Hanyichidi yejima mwakanonuhu kalamba wumu wumu aka anjaŋani ituŋa dakaswanawu.

¹⁹Tiya majina amayala; wakumuchidi waYuda, mwana kaYefune Kalebi.

²⁰Wakumuchidi wawanyana kaSimeyona, mwana kaAmihudi Shemuweli.

²¹Wakumuchidi waBenjamini, mwana kaKisiloni Elidadi.

²²Wakumuchidi wawanyana kaDani kalamba, mwana kaYoŋili Buki.

²³Awanyana kaYosefu; waku muchidi wawanyana kaManase kalamba, mwana kaEfwodi Haniyeli;

²⁴wakumuchidi wawanyana kaEfwenae mikalamba, mwana kaShifwitani Kemuweli.

²⁵Wakumuchidi wawanyana kaZebuluni kalamba, mwana kaParanaki Elizafwana.

²⁶Wakumuchidi wawanyana kaIsakari kalamba, mwana kaAzani Palitiyeli.

²⁷Wakumuchidi wawanyana kaAsheri kalamba, mwana kaShelomi Ahihudi.

²⁸Wakumuchidi wawanyana kaNafwatali kalamba, mwana kaAmihudi Pedaheli.

²⁹Wenawa diwu alejeliyi Yehova kuyanjaŋena anyana kaIsarela wuswana mwituŋa daKenani.