Read MUKANDA WANZAMBI Numere 35 Bible Online

Numere 35 - MUKANDA WANZAMBI bible

Numere 35

¹Yehova wahosheli naMosi muyana yaMowabi kuYodana kuYeriku,

²nindi, Yileji anyana kaIsarela akayinki aLevi nyikala yawu yawuswanaya kushaka mamu; nimpata jawu janyeŋumukaku mwakayinkŋu aLevi.

³Nyikala yakekali yawu yakushakamamu, hakwila mpata janyeŋu muka kujakekali jayimuna yawu, nayuma yawu, nawanyama jawu.

⁴Mpata jakunyikala jimwakenka aLevi akajeseki kufumisha kumpwembuya mukala nakutwala kumpata nkotweli jachikasa ikombakaji, chochochuho kwi-ndo.

⁵Mwakeseki kunsa yamukala, mutamba wamusela nkotweli makombakaji ayedi, mutamba wakabeta kakuchidiilu nkotweli makombakaji ayedi, mutamba wakabeta kamujika nkotweli makombakaji ayedi, mutambawakabeta kakuchimunswa nkotweli makombakaji ayedi, mukala hakachi. Jendi deŋi jakekali mpata jawu jakunyikala.

⁶Hanyikala yimwakayinka anyana kaLevi, akayinki nyikala yakupulukila yitanu nawumu, diyi yimwakayi nkakwakute mukila mbanji; mwakayilunjikilaku nyikala makumi awana nanyi kala yiyedi.

⁷Nyikala yimwakayinka aLevi yejima yakekali makumi awana nanyi kala yitanu nayisatu; mwakayinkayu nimpata jayukumu.

⁸Tiyenu nsaŋu yanyikaloyu yimwakenka anyana kaIsarela yiikali yawu, kuyayivulu mwakanonuku yayivulu, kuyantesha mwakanonukuyantesha; wejima wenu mwakayinki aLevi nyikala yenu mwomwakashikila wuswana wenu wumwakaswana.

⁹Yehova wahosheli naMosi,

¹⁰nindi, Hoshaku nawanyana kaIsarela, wuyili neyi, Chimwakazambuka Yodana muyi mwituŋa daKenani,

¹¹mwakaambulinyikala yi kwawu yakekali nyikala yenu yakupulukila; kulondambanji najahi mukwawu chakuluwukila akatemukiluku.

¹²Nyikaloyuyakekali yenu yakupulukila kuchina mukwakutenda; kulonda mbanjiabuli kufwa, ninichi chakemanayi kumesu achipompelu nakumusompesha.

¹³Nyikala yimwakayinka yakekali nyikala yenu yakupulukila yitanunawumu.

¹⁴Mwakayinki nyikala yisatu kwishinadi daYodana, nimwituŋa daKenani mwakayinki nyikala yisatu; yakekali nyikala yakupulukila.

¹⁵Nyikaloyu yitanu nawumu yakekali yakupulukila nianyana kaIsarela, nienyi, niayipeeka; kulonda antu ejima akajaha akwawu chakuluwukila akate mukiluku.

¹⁶Hakwila neyi natapi mukwawu nachuma chachikuŋu mukwawuhakufwa, himbanji; mbanji chiŋa kumujaha hohu.

¹⁷Neyi namulundimukwawu nelola muchikasa, ilola dakufwa muntu, mukwawu hakufwa, himbanji; mbanji chiŋa kumujaha hohu.

¹⁸Hela neyi namweti mukwawunamutondu muchikasa, mutondu wakufwa muntu, mukwawu hakufwa, himbanji; mbanji chiŋa kumujaha hohu.

¹⁹Mukwakutenda mashi diyiakamujahi mbanji; hakamubulakenayi dihu hakamujahilayi.

²⁰Neyinamutapi chankunyi, indi kwiji namwasi chakumubelamina hakufwa;

²¹indi kwiji namweti nachikasa chindi chankunvi hakufwa, namwetimukwawu chiŋa kumujaha hohu; himbanji; mukwakutenda mashi akamujahi mbanji hakamubulakenayi.

²²Ilaŋa neyi namutapi mukwawu chakubula nkunyi, indi kwiji namwasichuma chakadi kumubelamina,

²³hela hiilola dakufwa muntu, hamumonaku, namwasidu tuhu, hakufwa, hadiŋi chilumbu chinduku, hakeŋakumukatishaku;

²⁴henohu chipompelu chakasompesha niwatapa mukwawu nimukwakutenda mashi mwomwaya wuŋaji iwu;

²⁵chipompelu chakamupulwishi mbanji kudi mukwakutenda mashi, chipompelu chakamufuntishi kumukala windi wakupulukila, kwatemukililyi; wakashakamaŋa kwenokuninichi chamba kafwayi kapristu muneni awayishiluwu manji ajila.

²⁶Ilaŋa neyi hakamwekana ifuku dakamotokayi mbanji muŋinza yamukala windi wakupulukila, kwatemukililiyi,

²⁷nimukwakutenda mashi hakamuwana ishinadi daŋinza yamukala windi wakupulukila, mukwakutenda mashi akamujahi mbanji, hakawana muloŋa wamashuku;

²⁸mutenowu washakama tuhu kwindi mumukala windi wakupulukila, ninichi chadikufwayi kapristu muneni; ilaŋa neyi kapristu muneni nafwi dehi, mbanji akafunti tuhu kumpata yindi.

²⁹Yumiyi yakekali chidika chenu chawuŋaji nimwamba kavwalikilaŋa anyanenu munyikala yenu yejima.

³⁰Neyi muntu wukujaha mukwawu, owu mbanji akamujahili wunsahu wakushimuna antu amavulu; ilaŋa chinsahu wumu kutwesha kushimuna wunsahu wakufwila muntu nehi.

³¹Kukúula wumi wambanji wudi nachitela chakufwa nehi, chiŋa kumujahahohu.

³²Muntu wakutemukila kumukala windi wakupulukila kumukúulaafunti cheŋi mwituŋa nehi, chiŋa kapristu nafwi.

³³Kulonda mwakabuli kutamisha ituŋa dimwakekala; muloŋa mashi diwu atamishaya ituŋa; ituŋa dinapwekeli mashi kutwesha kudifumisha chitela nehi, chiŋa namashi anowu wayipwekesheli.

³⁴Bayi mwakatamisha ituŋa dimwakashakamaku, dimu nakashakamami; muloŋa ami Yehova nashakama mukachi kawanyana kaIsarela.