Read MUKANDA WANZAMBI Numere 36 Bible Online

Numere 36 - MUKANDA WANZAMBI bible

Numere 36

¹Anyanta akumavumu awankakulula jawu akuchisaka chawanyana kaGileyadi, mwana kaMakiri, Makiri mwana kaManase, wowuakuyisaka yawanyana kaYosefu, aswilili kwakwihi, ahosheleli kumesu aMosi, ni kumesu awatulamba, wowu anyanta akumavumu awankakululaja wanyana kaIsarela,

²elili nawu, Yehova walejeli mwanta wetu kwinkaanyana kaIsarela ituŋa dakuswana nachinjikijilu chakusakula nachu; mwanta wetu amulejeli kudi Yehova nindi akahani wuswana wamana kwetu Zelofwe hadikudi anyanindi awambanda.

³Neyi akusumbuka namayala akunyichidiya wanyana kaIsarela yacheŋi, wuswana wawu akawufumisha kuwuswana wawankakulula jetu, akawubombela kuwuswana wamuchidiwaneŋiluwu, hiwakafuma kuwuswana wetu wakuswana nachinjikijilu.

⁴Chakashika jubili yawanyana kaIsarela wuswana wawu akawubombela kuwuswana wamuchidi waneŋiluwu, wuswana wawu hiyakawufumisha kuwuswana wamuchidi wawankakulula jetu.

⁵Mosi wayilejeli anyana kaIsarela mwomwaya izu daYehova, nindi, Muchidi wawanyana kaYosefu anahoshi chachiwahi.

⁶Tiyenu chuma chanatulejiyi Yehova chahansaŋu yawanyana kaZelofwehadi awambanda, nindi, Akasumbuki nawonsu anakeŋuwu, hela chochu akasumbuki chiŋa nachisaka chakumuchidi wawankakulula jawu.

⁷Kulonda wuswana wawanyana kaIsarela wakabuli kututujoka wufuma muchidi iwu wuyamuchidi iwu; muloŋa anyana kaIsarela chiŋa akakela wejima wawu wuswana wamuchidi wawankakulula jawu.

⁸Anyana awambanda ejima akekali nawuswana wamuchidi himuchidi wawanyana kaIsarela, mumbanda akasumbukaŋa neyala wakuchisaka chamuchidi watata yindi, kulonda anyana kaIsarela akashakami wejima wawu nawuswana wawankakulula jawu.

⁹Kulonda kwakabuli kumwekana wuswana wakatutujoka wufuma muchidiiwu wuya muchidi wukwawuku; muloŋa nyichidi yawanyana kaIsarela chiŋa akakela wuswana wawu wejima wawu.

¹⁰Mwalejeluwu Mosi kudi Yehova dimu mweliluwu anyana kaZelofwehadi awambanda.

¹¹Mahala, naTiriza, naHoŋala, naMilika, naNowa, wowu anyana kaZelofwehadi, asumbukili nawanyana kawana kwatata yawu.

¹²Asumbukili namayala akuyisaka yawanyana kaManase mwana kaYosefu, niwuswana wawu washeli kumuchidi wachisaka chatata yawu.

¹³Kweniku diku kuleja nawuŋaji walejeliyi Yehova anyana kaIsarela kukanwa kaMosi, muyana yaMowabi kuYodana kuYeriku.