Read MUKANDA WANZAMBI Numere 5 Bible Online

Numere 5 - MUKANDA WANZAMBI bible

Numere 5

¹Yehova wahosheli naMosi,

²nindi, Yileji anyana kaIsarela akafumishi muchilombu akwambumba ejima niapwekaŋa ejima, nanajilolinamufu;

³mwekayifumishumu ni amayala niambanda, mwakayifumishi muchilombu akashakami kumpata, kulonda abuli kujilola chilombu chawu munashakamami.

⁴Anyana kaIsarela elili chochochu, ayifumishili muchilombu; mwahosheliyi Yehova naMosi dimu mweliluwu anyana kaIsarela.

⁵Yehova wahosheli naMosi,

⁶nindi, Hoshaku nawanyana kaIsarela neyi, Neyi kudi muntu hela hiiyala hela himumbanda, wukuvulumuna nshidi yavulumunaŋa antu, namotoki izu daYehova, owu muntu natanyi dehi.

⁷Aketeji mwanavulumunuwu, akafuti mwashikila muloŋa chikupu, akalunjikuku chibalu chamuchitanu, akamwinki owu adiyi nindi namuloŋa.

⁸Kwinza neyi kudi muntu wabula kawusoku windi akafutawu owu muloŋa, chuma chakamufutawu Yehova, chakekali chakapristu, akalunjiki hachizamba chakubuta, chochakamubutawu nachu.

⁹Nyilambu yejima yayumaya wanyana kaIsarela yajila yakuleleka yashikijaŋawu kudi kapristu yakekalaŋa yindi.

¹⁰Yajilikaŋawu nachu antu ejima yakekalaŋa yindi, yakamwinkaŋa wukapristu yejima yakekalaŋa yindi.

¹¹Yehova wahosheli naMosi,

¹²nindi, Hoshaku nawanyana kaIsarela, wuyili neyi, Neyi hadi iŋodamuntu nashiyi nfumwindi, namutamishi nfumwindi,

¹³nakami neyala wacheŋi namushimbi, nfumwindi kuchilukanehi, chinajindiki, najiloli dehi, kwosi chinsahu chakumushimunaku, kumukwata nachu nawa nehi;

¹⁴mukawu hiwukumuwana nfumwindi, hakumutiyila Iŋodindi mukawu, niyena mumbanda najiloli dehi; indi kwiji mukawu wunamuwani tuhu ŋana, hakutiyila Iŋodindi mukawu wakadikwindi kujilola;

¹⁵Iyala akashikiji Iŋodindi kudi kapristu, akamusendeli nihimulambu windi webaŋu dawuŋa wabali; bayi ahuŋunwinahu manjuku, hela kushahu nawa hbona nehi, muloŋa hihimulambu wawuŋa wamukawu, hihimulambu wawuŋa wakwanukisha nachu, wakwanukisha nachukuluwa.

¹⁶Kapristu akamushikŋi mumbanda kwakwihi, akamwimiki kumesu aYehova;

¹⁷kapristu akanoneni meji mwinuriu yewumba, kapristu akanoninawa lunkuŋu lwahamaseki amutabanaka, akalwishi mumeji owu;

¹⁸kapristu akamwimiki mumbanda kumesu aYehova, akamukasununi mumbandansuki, akashi mumakasa anowu mumbanda owu himulambu wawuŋa wakwanukishanachu, diwu himulambu wawuŋa wamukawu; iku kapristu nakwatimuchikasa chindi owu meji akululisha aleteshaŋa ishiŋu.

¹⁹Kapristu akamusanyikishi akamwili owu mumbanda, nindi, Neyi hiwunakami neyalaku, neyi hiwunashiyi nfumweyi hiwukuya nakujilolaku, wakapulukakumeji awa akululisha aleteshaŋa ishiŋu.

²⁰Kwinza neyi wunashiyinfumweyi, wunajiloli, wunakami neyala wacheŋi hidiyi nfumweyuku;

²¹henohu kapristu akamusanyikishi mumbanda kusanyika kweshiŋu, kapristu akamwili mumbanda nindi, Yehova akushiŋi, wikali chishimashima mukachi kawakwenu, Yehova akuzemuni itafu deyi, akunanishi ivumu deyi;

²²awa meji eshiriu akukwijila munyijiriwa yeyi akananisha ivumu deyi, akazemuna itafu deyi. Mumbanda akeli nindi, Amena, Amena.

²³Kapristu akasoneki mumukanda mashiŋu awa, akayijimi nameji akululisha.

²⁴Akamunwishi mumbanda owu meji akululisha aleteshaŋa shiŋu, owu meji aleteshaŋa ishiŋu akamwiŋila akalula.

²⁵Kapristu hakutambula muchikasa chamumbanda owu himulambu wawuŋa wamukawu, akawunyinkeshi kumesu aYehova, akawushikŋi kukameŋa.

²⁶Hahimulambu wawuŋa kapristu akazomonuhu wakwanukisha nachu, akawochi hakameŋa, nkumininaku hakumunwisha mumbanda owu meji.

²⁷Chakamunwishayi meji owu chakela neyi yena mumbanda najiloli, natamishi dehi nfumwindi, owu meji aleteshapa ishiŋu akamwiŋila akalula, niivumu dindi dakanana, niitafu dindi dakazemuka; owu mumbanda wakekala washiŋewa hakachikawa kwawu.

²⁸Kwinza neyi mumbanda hanajiloli kwinduku, watooka kwindi, wakapuluka kwindi, hakaba abaŋa nimavumu.

²⁹Lwenilu dilu lushimbi lwamukawu, lwakwila neyi mumbanda nashiyinfu mwindi najiloli;

³⁰indi kwiji mukawu wunamuwani dehi iyala, hakutiyila iŋodindi mukawu, hakumwimika mumbanda kumesu aYehova, kapristuhaku mukoŋa mwaya lushimbi lwejimilu.

³¹Iyala wakayipa kunsaŋuyakuluwa, hakwila mumbanda wakakoola kuluwa kwindi.