Read MUKANDA WANZAMBI Numere 6 Bible Online

Numere 6 - MUKANDA WANZAMBI bible

Numere 6

¹Yehova wahosheli naMosi,

²nindi, Hoshaku nawanyana kaIsarela, wuyili neyi, Neyi muntu weyala hela wamumbanda wukudishiila kuchuma chalema, nakwikala kaNaziri, nindi adambuli ekali wambala waYehova;

³akadambuli nikuvinyu nikuwalwa; kunwa hela vineŋa yavinyu, helavineŋa yawalwa nehi, kunwa meji anyikabu yamuvinyu nehi, hela kudyanyikabu yamuvinyu hela yituuta hela yayumu nehi.

⁴Mafuku akudambulayi ejima kudya chuma chakwila nayakufuma kumuvinyu hela nteta helaifuku nehi.

⁵Mafuku akwambuka kwadishiililiyi ejima, ntewula kuhita kunamutu windinehi; wakajilaŋa ho-o ninichi chakawanina mafuku adambwiliyi ekaliwambala waYehova, nyizenza yansuki jindi wakayilekapa tuhu.

⁶Mafuku ejima anadambuliyi kwikala waYehova kudata kudi mufunehi.

⁷Neyi tata yindi nafwi, hela mama yindi, hela mana kwindi, helamuhelindi, kudiŋilolaku nehi, muloŋa kwambuka kwamwambukilayi Nzambi yindi kudi kunamutu windi.

⁸Mafuku akwambukayi ejima najilili dehi Yehova.

⁹Neyi muntu namufwili kwakwihi chakukasumuka, niyena najiloli dehi namutu wakwambuka kwambukiliyi, akatewuli namutu windi ifuku dadikosayi, wakawutewula ifuku damu chitanu nachiyedi.

¹⁰Ifuku damu chitanu nachisatu hakaleta kudi kapristu kuchisu chetenti dakubulakena tutela tuyedi, hela anyana katupompa ayedi.

¹¹Kapristu akalambuli wumu wamulambu wahanshidi, mukwawu wamulambu wakushita, akamubuti nachu nanochu chanavulumuniyi hansaŋu yamufu, akajiliki namutu windi ifuku dodimu.

¹²Akamwambwili Yehova mafuku indi akwambuka, akaleti mwana kamukoku wachizamba chamwaka wumu chamulambu wakutanya, mafuku akusambila anayi dehi mumeji, muloŋa kwambuka kwaambukiliyi kunajiloli dehi.

¹³Tiyenu lushimbi lwakaNaziri lwahakawanishilayi mafuku indi aambukiliyi; akamuleta kuchisu chetenti dakubulakena;

¹⁴akahimulambu li Yehova himulambu windi, mwana kamukoku wumu wachizamba chamwaka wumu, wakadi ninaha hatamayi, wamulambu wakushita, ni mwana kamukoku wamukaji wumu wamwaka wumu, wakadi ninaha hatamayi, wamulambu wahanshidi, nichizamba chamukoku wumu wakadi ninaha hatamayi, wanyilambu yakuwunda,

¹⁵niibapu damankendi yakadi ilupi, nimankendi awuŋa walembuluka wakubomba namanji, nitumankendi twawubasa twakadi iluŋi twakukwita manji, nihimulambu wayu wawuŋa, nihimulambu wayu wakuhuŋununa.

¹⁶Kapristu hakayitula kumesu aYehova, hakalambula nihimulambu windi wahanshidi, nihimulambu windi wakushita;

¹⁷hakahimulambu la Yehova chizamba chachimuna wanyilambu yakuwunda, hamu nebaŋuda mankendi akadi iluŋi; kapristu akalambuli nihimulambu wayu wawuŋa, nihimulambu wayu wakuhuŋununa nawa.

¹⁸KaNaziri akatewili namutu wakwambukakwa ambukiliyi kuchisu chetenti dakubulakena, akanoni nsuki janamutu wakwambuka kwaambukiliyi, akajishi hakesi kadi mwishina dachimuna chanyilambu yakuwunda.

¹⁹Kapristu akanoni chikasa chachiza mbachakuteleka dehi, mwibaŋu akanonumu dinkendi dimu dakadi iluŋi, nikadinkendi kawubasa kamu kakadi iluŋi, akayishi mumakasa akaNaziri, hakelayi natewuli dehi kwambuka kwambukiliyi;

²⁰kapristu hakayinyinkesha himulambu wakunyinkesha kumesu aYehova; yumiyi ayijilikila kapristu, hamu nebwambu dakunyinkesha nimwendu wakuleleka nawa, neyi yumiyi yinamani dehi, kaNaziri hakadinwinaŋa kwindi nivinyu yindi.

²¹Lwenilu dilu lushimbi lwakaNaziri wukudishiila, nilwamulambu wukuhimulambu layi Yehova wakwambuka kwakaambukayi, kulunjikahu niniyiyanamoniyi; mwahita kudishiila kwadishiililiyi dimu mwakwilayi, mwomwayalushimbi lwakwambuka kwakaambukayi.

²²Yehova wahosheli naMosi,

²³nindi, Hoshaku naAroni nawanyanindi, neyi, Tiyenu mumwakakiswilaŋa anyana kaIsarela nkisu; mwakayilayanenu,

²⁴Yehova akukiswili nkisu, akuhembi.

²⁵Yehova akutoŋekeli mesu indi, akutoŋi.

²⁶Yehova akufumbwili mesu indi akutali, akuleteli kuwunda.

²⁷Dimu mwakashilawu ijina dami hadi anyana kaIsarela, ninami hinakayikiswilankisu.