Read MUKANDA WANZAMBI Numere 8 Bible Online

Numere 8 - MUKANDA WANZAMBI bible

Numere 8

¹Yehova wahosheli naMosi,

²nindi, Hoshaku naAroni wumwili neyi, Chiwukubutulaŋa manoŋu, owu manopu atanu nayedi, akatoŋekaŋa kwatala inoŋu dadeni dejina.

³Aroni ela nichochochu. Wabutwilimanoŋu enoŋu dejina kulonda atoŋekeluku chejeji kumesu enoŋu, mwomwa mulejelu wuMosi kudi Yehova.

⁴Tiyenu mwelililuwu inoŋu, dadiŋidawuru wakuchila chakuchila, niitanda dadu dakwimena dakuchila, ninkenu jadu jakuchila; inoŋu wadilili mwomwaya chifwikija chamulejeluwu Mosikudi Yehova.

⁵Yehova wahosheli naMosi,

⁶nindi, Mukachi kawanyana kaIsarela nonakumu aLevi, wuyitookeshi.

⁷Tiya chiwakayila kulonda kuyitookesha, wakayikupula meji akuyikosa nachu, akahitishi ntewula mwahita nyijimbayawu yejima, akakosi yuma yawu yakuvwala, akaditookeshi.

⁸Akata mbulini iyoŋa daŋombi weyala, nihimulambu wayu wawuŋa, wuŋa walembulukawakubomba namanji, wakatambuli niiyoŋa daŋombi weyala mukwawu, wamulambu wahanshidi.

⁹Hiwakashikŋa aLevi kumesu etenti dakubulakena, wakapompeshi chipompelu chawanyana kaIsarela chejima muchikuma.

¹⁰Wakashikiji aLevi kumesu aYehova; anyana kaIsarela akayinaŋiki aLevi makasawu.

¹¹Aroni hakanyinkesha aLevi kumesu aYehova, ekali himulambu wa kunyinkesha hanyijimba yawanyana kaIsarela, kulonda akakonaŋa mudimu waYehova.

¹²ALevi akanaŋiki makasawu hanyitu yawaŋombi, wakahimulambu li Yehova, wumu wamulambu wahanshidi, mukwawu wamulambu wakushita, kulonda kuyibuta nachu aLevi.

¹³Hiwakayimika aLevi kumesu aAroni, ni kumesu awanyanindi, hiwakayinyinkesha kumesu aYehova ekali himulambu wakunyinkesha.

¹⁴Mwenimu dimu wakayambwila aLevi mukachi kawanyana kaIsarela; aLevi akekalaŋamba la amami.

¹⁵Chakamanishawu mwejimimu aLevi hiyakeŋila dinu nakwila mudimu wetenti dakubulakena. Wakayitookeshi, wakayinyinkeshi ekali himulambu wakunyinkesha.

¹⁶Muloŋa nanyinkuwu dehi chikupu mukachi kawanyana kaIsarela; anahiŋi dehi mudi awedi awanyana kaIsarela ejima asambilaŋa kuvwalika mumavumu awamama jawu, nayitambuli dehi kwami.

¹⁷Muloŋa wedi ahadi anyana kaIsarela ejima ambala amami, niantu, nianyama; ifuku dinatapili awedi amwituŋa daEjipitu ejima, didu nadijilikililuwu nami ekali ambala amami.

¹⁸Natambuli dehi aLevi ahiŋi mudi awedi ejima amudi anyana kaIsarela.

¹⁹Nanoni dehi aLevi mukachi kawanyana kaIsarela, nayihani dehi kudi aAroni nawanyanindi, hichamukunkulu chawu kulonda wena akakoŋaŋa mudimu wawanyana kaIsarela mwitenti dakubulakena, kulonda akayililaŋa anyana kaIsarela yakuyi buta nachu, kulonda kwakabuli chipúpu mukachi kawanyana kaIsarela hakwinzanawu anyana kaIsarela kwakwihi namalala.

²⁰Dichi chayililuwu aLevi kudi aMosi naAroni nachipompelu chawanyana kaIsarela chejima; mwalejeluwu Mosi kudi Yehova nsaŋu jawaLevi dimu mwayililuwu anyana kaIsarela.

²¹ALevi adikoseli nshidi, akoseli mahinawu; Aroni hakuyilambula, hihimulambu wakunyinkesha kumesu aYehova; Aroni hakuyilila yakuyibuta nachu kulonda kuyitookesha.

²²Cheliliyumiyi yinamani dehi, aLevi hiyakwijila nimwitenti dakubulakena, nakwilanyidimu yawu kumesu aAroni ni kumesu awanyanindi; mwalejeluwu Mosikudi Yehova nsaŋu jawaLevi, dimu mwayililuwu.

²³Yehova wahosheli naMosi,

²⁴nindi, Tiya nsaŋu jawaLevi; kufumishaha nyaka makumi ayedi nayitanu nakutwala kumbidi, akeŋilaŋa nakukoŋa mudimu wetenti dakubulakena;

²⁵kufumisha kunyaka makumi atanu akalekakukoŋa mudimu wakwimena, kuwukoŋa cheŋi nehi;

²⁶ilaŋa akakalakalaŋa hamu nawana kwawu mwitenti dakubulakena, kulonda akahembaŋa yuma yayishiikawu, kukoŋa mudimu nehi. Dimu muwakayila aLevi nayuma yayishi ikawu.