Read MUKANDA WANZAMBI Numere 9 Bible Online

Numere 9 - MUKANDA WANZAMBI bible

Numere 9

¹Yehova wahosheli naMosi, mwisaŋa dakuSinayi, mukakweji kakusambila kamwaka wamuchiyedi nahafuminuwu mwituŋa daEjipitu,

²nindi, Anyana kaIsarela akadyaŋa paseka hachila aka chayu chakukana dehi.

³Mwifuku dekumi nakawana dakakweji aka, namelela, mwakayidyaŋa hachilaaka chayu chakukana dehi, mwakayidyaŋa nakwila mwayayidika yayu yejima nimuyijila yayu yejima.

⁴Mosi wahosheli nawanyana kaIsarela nindi akadyaŋa paseka.

⁵Adiili paseka mukakweji kakusambila mwifuku dakweji dekumi nakawana, namelela, mwisaŋa akuSina yi; mwalejelu wuMosi kudi Yehova mwejima, dimu mweliluwu anyana kaIsarela.

⁶Kwadiŋi amajala akwatili majilu namufu, akaŋenyi kudya paseka denoduifu ku; enjili kudi aMosi naAroni ifuku odu;

⁷owu amayala hiyakumwilanawu, Etu tunakwati dehi majilu namufu; anatulekeshelidi kulambulahimulambu waYehova hamu nawanyana kaIsarela hachila aka chawu chakukana dehi?

⁸Mosi wayilili nindi, Shakamenu, nitiyi mwakunlejelayi Yehova nsaŋu yenu.

⁹Yehova wahosheli naMosi,

¹⁰nindi, Hoshaku nawanyana kaIsarela, neyi, Neyi hadi mwinenu hela mwanenu wekala namajilu nansaŋu yamufu, indi kwiji wakekala munjila kwakulehi, akadyi tuhu paseka chakumudiila Yehova;

¹¹akachidyi mukakweji kamuchiyedi mwifuku dekumi nakawana namelela; akadyi namankendi akadi iluŋi namafu alula;

¹²kushiyahuyishika nikubudidi nehi, hela kukotolahu ifwaha nehi, akadya mwomwaya chidika chapaseka chejima.

¹³Ilaŋa muntu wutooka nabuli kwendamunjila wakaleka kudya paseka, yena muntu owu hadi akwawu akamufumishuhu, muloŋa nabuli kulambula himulambu waYehova muchilaaka chawuchakukana dehi, owu muntu wakakoola nshidi yindi.

¹⁴Neyi kudi mwenyi wayipeeka nakeŋi kumudiila Yehova paseka, chiŋa ela mwomwaya chidika chapaseka; chidika chenu chochimu hohu ni mwenyi nimwenimbu.

¹⁵Ifuku dalemenuwu tabanaka ivu dabutili tabanaka, doditenti dawunsahu, namelela dadiŋi hatabanaka hidikumwekanaŋa neyi kesi nikubudidi.

¹⁶Dichi dadiŋi mafuku ejima, ivu dadibutili nawufuku hihakumwekananeyi kesi.

¹⁷Chanyamukilaŋa ivu hetenti, anyana kaIsarela hiyakwenda, kukushakama ivu diku kwakuteekawu anyana kaIsarela.

¹⁸Anyana kaIsarela kwenda chiŋa ayileja kudi Yehova, kuteeka chiŋa ayileja kudi Yehova; neyi ivu saŋa dashakamina hatabanaka niwena saŋa ashakaminawu.

¹⁹Neyi ivu dinalabili hatabanaka mafuku amavulu, anyana kaIsarela hiyakwovwahila mwanashiikiyi Yehova, kwenda nehi.

²⁰Hekwawu hashakaminaŋa ivu hatabanaka mafuku antesha, niwena hiyakushakama mwomwayilejeliyi Yehova, kwenda nawa endeli mwomwayilejeliyi Yehova.

²¹Hekwawu ivu dashakamini kufumisha kumelela nakushika kubudidi; chidanyamukili ivu nabudidi hiyakwenda, honsu hakunyamukila ivu, helanamwana hela nawufuku, hiyakwenda.

²²Hela himafuku ayedi indi kwiji hikakweji indi kwiji himwaka, ivu saŋa dalabila hatabanaka, chochidashakamahu, anyana kaIsarela niwena saŋa ashakaminawu muchilombuchawu, kwenda nehi; ilaŋa neyi dikunyamuka hiyakwenda,

²³kuteekakwakuyileja kudi Yehova, kwenda kwakuyileja kudi Yehova; ovwahilili mwayishiikiliyi Yehova, mwomwalejeluwu Mosi kudi Yehova.