Read MUKANDA WANZAMBI Mika 3 Bible Online

Mika 3 - MUKANDA WANZAMBI bible

Mika 3

¹Nahosheli nami, Enu awakulumpi awakwaYakoba, ninenu anyuli akumutana waIsarela, tiyenu mwani. Hiyenu mwatelela kwiluka wuŋajuku?

²Enu mwahelaŋa yayiwahi, mwakeŋa aŋa yatama; enu mwatabulaŋa makowa kunyijimba yawu, nimbiji kumafwahawu;

³enu mwadyaloŋambiji yawantu ami; mwowaŋa makowawu kunyijimba yawu, mwakotolaŋa nimafwahawu. Mwayitetaŋa neyi chakusha mwinuŋu, neyi mbiji yidi mwinuŋu yeneni.

⁴Henohu akabilela kudi Yehova, yena haketiyaku. Mwalala yena wakayiswekela mesu indi hampinji oyu, nanochu chanakoŋuwu yuma yatama yelaŋawu.

⁵Yehova nahoshi mazu akutena atuprofwetu aluwishaŋa ntu ami, asumanaŋa namaji awu, abidikaŋa nawu, Kwamwena; elaŋa neyi muntu kuyishila yuma namutunwa twawu nehi, hiyakumubutula ninjita.

⁶Dichi kudenu kwakekala wufuku, kulonda mwakabuli kumona chimwenu; kudenu kwakekala mwidima, kulonda mwakakaŋanyi kuhoŋa; itaŋwa dakayiholokela atuprofwetu, nimwaana wakeyila hadi wena bwi-i.

⁷Akwakumona akatiya nsonyi, akwakuhoŋa akakwata makasa kutunwa; mwalala, wejima wawu akajika makasa kunyivumbu yawu; muloŋa kwakula kwakufuma kudi Nzambi kwosi.

⁸Ilaŋa mi kwami chalala nenzali mbe naŋovu yakudi Spiritu yaYehova, niyawuŋaji, niyaŋovu, kulonda kuleja Yakoba muloŋa windi, niIsarela nshidi yindi.

⁹Enu awakulumpi akumutaŋa waYakoba, ninenu anyuli akumutaŋa waIsarela, mwatiyaloŋa wuŋaji kumuchima bwi, mwaheŋeshaŋa yuma yesekana, tiyenu chumichi.

¹⁰Atuŋaŋa Ziyona namashi, atuŋaŋa Yerusalema nakuheŋa.

¹¹Akulumpi jawu asompaŋa kulonda kudi ilamu wufwetu, atupristu twawu alejanaŋa kulonda kudi ilamu yuma, niatuprofwetu ahoŋaŋa kulonda kudi ilamu mali. Hela chochu, hiyakushilamena hadi Yehova, nawu, Yehova hadi mukachi ketuku? Nawu, Kwosi chuma chatama chakatuwanaku.

¹²Dichi Ziyona akamudima neyi iha hansaŋu yenwenu, niYerusalema wakabalumuka nyilumba nyilumba, nimpidi yetala yakekala neyi yinaŋanaŋa yamunyitondu.