Read MUKANDA WANZAMBI Mika 7 Bible Online

Mika 7 - MUKANDA WANZAMBI bible

Mika 7

¹Lelu ami! Namoni neyi chamonaŋa muntu helabawu anakuŋuli dehi nyikabu yahamwaka wanvula, helaŋawu anahuhujoli dehi nyikabu yavinyu yayili nakushalashala. Kwosi kamukanji kakudyaku, hela kamukabu kachikuyu chakahila kinakeŋeluku.

²Antu akeŋa yuma yaNzambi anoŋa dehi hanu heseki, hadi antu hihanashali nawa muntu wolokaku. Wejima wawu mudimu wawu yowu kubelamina mashi hohu; iwu nakuzomba mana kwindi nakaleŋi, iwu nakuzomba mana kwindi nakaleŋi.

³Makasawu akwata kunyidimu yatama kulonda kuyikoŋa naŋovu; kalamba hakulomba maseleka, ninsompeshi niyena nawa chochu; muntu walema niyena nawa hakutenatena yatama yidi mumuchima windi, hiyakukasa ifunda.

⁴Muntu wabadika kuwaha wudumu wudi neyi chikwata. Muntu wabadika kwoloka wudumu wudi neyi ikoli danyiŋa. Ifuku dawakwenu atalatalaŋa, ifuku dakubabesha denza dehi; ichi dinu kululuta kwawu kunayiwani.

⁵Bayi mukuhwelela ibwambu denuku, mukwenu wayilejaŋa njila bayi mumusha kumuchimaku. Hemba chachiwahi chisu chakukanwa keyi, wubuli kumuleja iŋodeyi nakami mwibwambu deyi.

⁶Muloŋa mwana hakusawula tata yindi, mwana wamumbanda hakumunyamukila mama yindi, nimuku wamumbanda hakumunyamukila muku windi wamumbanda; ayilumbu jamuntu wowu antu ekala mwitala dindi yomwenindi.

⁷Hakwila ami nukutala kudi Yehova; nukuchiŋilila Nzambi yawamwinu wami. Nzambi yami wukutiya.

⁸Eyi chilumbu chami, bayi wakazaŋalala hachuma chinakamonaku. Chinakadimbuka nakanyamuka cheŋi; chinakashakama mumwidima Yehova wakekala chejeji chami.

⁹Nukukumina dakwitija kuhila kwaYehova muloŋa namuvulumuni dehi, nichamba kanhakwilayi, nichamba kanimanishilayi muloŋa wami. Wakaŋidisha kumwaana, nakamona kuloŋa kwindi.

¹⁰Chilumbu chami wakachimona, nsonyi yakamubuta wi-i; yena waŋilili nindi, Yehova Nzambi yeyi wudi kudihi? Mesu ami akamutala; ichi dinu akamudatola neyi maseki amunyikwakwa achakata.

¹¹Ifuku dakutuŋa mpwembu yeyi! Hefuku odu ŋinza akayiswŋi hahalehi.

¹²Hefuku odu kudeyi kwakenza akufuma kuAshuri, nikunyikala yakuEjipitu, niakufuma kuEjipitu ndo nikuKaloŋa, niakufuma kukaluŋalwiji nakaluŋalwiji, niakufuma kumpidi nampidi.

¹³Hela chochu, ituŋa dakela kwamahembi honu nansaŋu yawantu ashakamamu, nansaŋu yinafumi hyuma yakoŋaŋawu.

¹⁴Diishaŋa ntu eyi nankùnyi[1] yeyi, himukanka wanyikoku yawuswana weyi, washakama kanka wawu mwisaŋa dekala hakachi kaKarameli. Akadyaloŋa kwawu muBashani nimuGileyadi neyi hamafuku akunyaka.

¹⁵Nakamumwekeshela yuma yakuhayama neyi chinelili hamafuku iwafumini mwituŋa daEjipitu.

¹⁶Nyuza yakamona yumoyu yakatiya nsonyi jaŊovu jawu jejima. Akasha makasa kutunwa twawu, matu awu akajika.

¹⁷Akalasha lunkunu neyi tupela, neyi yuma yazalalaŋa hamaseki akafuma mwawu mwajika, akenza nakuzaala. Akenza nawoma Irudi Yehova Nzambi yawu, akatiya woma hansaŋu yeyi.

¹⁸Nzambinyi wudi neyi eyi, waanakenaŋa kuluwa, wapandakanaŋa hamuloŋa wawantu awuswana weyi anashali? Yena hazuwaŋa zuwee-ku, muloŋa watiyapa kuwaha nankashi naluwi.

¹⁹Yena wakabalumuka cheŋi, wakatutiyila wushona; wakadata kuluwa kwetu mwishina damwendu windi. Eyi wakanata nshidi jawu jejima mumanyiŋi akaluŋalwiji.

²⁰Wakamwekeshela Yakoba kashinshi keyi, wakamumwekeshela niAbarahama luwi lweyi luwasanyikili kudi ankakulula jetu kushankulu.