Read MUKANDA WANZAMBI Zefania 2 Bible Online

Zefania 2 - MUKANDA WANZAMBI bible

Zefania 2

¹Dipompeshenu hamu, eŋa, pompenu hamu, eyi muza wakadi nsonyi,

²hachidi kanda ayihaŋi neyi muzuŋu wukuleluka, nikuzuwa kwaYehova kwasweja kanda kuyiwani, niifuku dandombu yaYehova dichidi kanda diyiwani.

³Enu antu ahanu heseki mwadizoza, enu mwakoŋaŋa mwaya wuŋaji windi, keŋakeŋenu Yehova. Keŋakeŋenu kuloŋa, keŋakeŋenu kudizoza, wamba kela akayibatamisha mwifuku dakazuwayi Yehova.

⁴Muloŋa Gaza akamushiya kanka windi; niAshekeloni wakekala chihembi; antu amuAshidodi akayitemunamu hakachi kamwaana; Ekeroni akamubwita.

⁵Yayo, enu mwashakama kuchi kumu chakaluŋalwiji, enu akwamuza wawaKereti! Eyi Kenani, ituŋa dawaFwilistinu, izu daYehova didi nanenu nandombu. Nakakukisaŋana chikupu, himwakashakama nawa muntuku.

⁶Kuchi kumu chakaluŋalwiji kwakekala kuwudiilu wawayimuna, kuwutuŋilu wamatala awatubiŋa nimayinda ayimuna.

⁷Kuchi kumu kwakekala kwambala kwawakwamutaŋa waYuda anashaluku; akadiishilaŋaku yimuna yawu. Hamelela akakambamaŋa mumatala amuAshekeloni; muloŋa Yehova Nzambi yawu wakayitalaŋa, wakayifuntishila cheŋi awu ayili muwukoli.

⁸Ami natiyi kusawula kwanayisa wuluwu kudi aMowabi, nimatuka anayitukoluwu kudi aAmoni, anasawuluwu nachu antu ami, chakudisambawu naŋinza yawu.

⁹Dichi Yehova wamazaza, Nzambi yaIsarela, nindi, Chalala chinaha ndichi kwaamu, aMowabi akekala neyi Sodomi, anyana kaAmoni akekala neyi Gomora, kwakumenena tunyuŋi nimena amuŋwa, kumahembi ahaya nyaka. Antu ami anashaluku akayipupapupaŋa, antu akumuza wami anashaluku akayiheta.

¹⁰Chumichi chakafuma hakudivwimba kwawu, nanochu chasawiluwu antu aYehova wamazaza nakudisamba nawu.

¹¹Yehova wakekala wakutiya woma kudi wena; wakakosesha akishi ahanu heseki, niantu akadifukulaŋa kudi yena, iwu nakufuma kwindi, iwu nakufuma kwindi, kafwampi yitutu yamunyuza yejima.

¹²Enu aEtiyopiya nawa, akayijaha nampoku yami yakabali.

¹³Wakayolwela akwakabeta kakuchimunswa chikasa chindi nawa, wakakisaŋana Ashuri, niNineve wakamubalumuna kwikala mahembi, kwominina chau neyi isaŋa dakadi meji.

¹⁴Nyikanka yawayimuna yakakamujokaŋa mukachi kindi, ninyitundu yawanyama amumpata ejima. Ikubi nakansaka akakamaŋa hewulu dayipamba yamatalawu. Chikuŋulu wakahoshaŋa mujinjanina hu-hu. Ikololu wakahoshaŋa muyisu ka-a ka-a. Muloŋa mapalanga anyisida akusoŋa nashali dehi hatooka.

¹⁵Weniwu diwu mukala wadiŋi wazaŋajala, washakaminaŋa nakudiwujola, welilaŋa mumuchima windi nindi, Yami hanu, hikudi wacheŋuku. O chiwabalumuka dehi mahembi, kwakukamujokaŋa anyama! Antu ejima akahitaŋaku akamuyiŋila, akazwiyazwiya makasa nawu, Ehe-e!