Read MUKANDA WANZAMBI Zakaria 2 Bible Online

Zakaria 2 - MUKANDA WANZAMBI bible

Zakaria 2

¹Nafumbwili cheŋi mesu ami, nami nitali, hikudi iyala wudi namwonji wakweseka nachu kuchikasa chindi.

²Hinukwihula nami, Wudi nakuya kudihi? Hakuŋila nindi, Neseki Yerusalema, nimoni nimwatohelayi, nimwalehelayi.

³Kutala kaŋelu wadiŋi nakuhosha nanami hakuya, kaŋelu mukwawu nawa hakwinza nakumukinkilila,

⁴hakumwila nindi, Temukaku wuleji iwu mukwenzi, neyi, MuYerusalema mwakashakama luntu lwasweja kuvula, niyimuna yasweja kuvula, neyi chashakamaŋawu munyikala yakadi mpwembu.

⁵Muloŋa Yehova nindi, Kudi yena nakekala mpwembu yakesi kwi-ndo, muloŋa kulema kwakekala mukachi kawu, yami.

⁶Yehova nindi, O-o! O-o! Temukenu mwituŋa dakabeta kakuchimunswa. Muloŋa Yehova nindi, Ami nayipalaŋeshi mwahita mpepela jamwiwulu jiwana.

⁷Eyi Ziyono-o! Eyi washakama hamu namwana kaBabiloni wamumbanda, temukaku.

⁸Muloŋa Yehova wamazaza nahoshi nindi, Helili kulema kunahiti dehi, wantemesheli kunyuza yakupupili. Muloŋa muntu wukukunkeyi, nakunki hakantu kadisu dindi.

⁹Tiyenu, ami nakazwiya chikasa chami hadi wena, akayipupa kudi adiŋi nakuyikalakela. Dihu himwakeluka nenu, Yehova wamazaza diyi nantemeshi.

¹⁰Yehova nindi, Eyi mwana kaZiyona wamumbanda, imbaku tumina, wuzaŋalali. Muloŋa yami nukwinzowu, nukushakama mukachi keyi.

¹¹Hefuku odu nyuza yayivulu yakadibomba naYehova, akekala antu ami. Nakashakama mukachi keyi, wakeluka neyi, Yehova wamazaza diyi nantemeshi kudeyi.

¹²Yehova wakaswana Yuda neyi iseka dindi damwituŋa dajila, wakatonda cheŋi Yerusalema.

¹³Enu antu ejima, mwenenu kumesu aYehova. Muloŋa nahinduki dehi mwashakamayi mwajila.