Read MUKANDA WANZAMBI Zakaria 3 Bible Online

Zakaria 3 - MUKANDA WANZAMBI bible

Zakaria 3

¹Wanlejeli kapristu muneni Yoshuwa nemani kumesu aYehova, Satana niyena nemani kuchikasa chindi chachidiilu ekali chilumbu chindi.

²Yehova hakumwila Satana nindi, Eyi Satana, Yehova akuhosholi; eŋa, Yehova natondi Yerusalema akuhosholi. Yeniwu hidiyi kashinji kakuhukula mukesuku?

³Yoshuwa wadiŋi wavwala mahina amajilu, nemani kumesu akaŋelu.

⁴Yena hakwakula, hakuyila emeni kumesu indi, nindi, Muvúulenu mahina amajilu. Hakumwila nindi, Tala, nakufumishi dehi kuluwa kweyi, nakuvwiki dehi yakuvwala yalema.

⁵Nami, Amushi nkuku yayiwahi kunamutu windi. Dichi hiyakumusha nkuku yayiwahi kunamutu windi, hiyakumuvwika nimahina, iku kaŋelu kaYehova saŋa emenayi.

⁶Kaŋelu kaYehova hakumuhampumwina Yoshuwa,

⁷nindi, Yehova wamazaza nahoshi nindi, Neyi wakendaŋa munjila jami, neyi wakahemba lushiiku lwami, wakasompeshaŋa akwetala dami, wakahembaŋa nawa niyipaŋu yami, nakakwinka wiŋililu mukachi kanawa anemani kunu.

⁸Tiyaku dinu, eyi kapristu muneni Yoshuwa, nineyi niakwenu ashakamaŋa kumesu eyi; Muloŋa wena hiyamayala achinjikijilu chachiwahi. Tiya, nakaleta kambuŋami diyi mutayi.

⁹Tiya, ilola nadishi dehi kumesu aYoshuwa; helola dimu hadi mesu atanu nayedi. Yehova wamazaza nindi, Tiya, nakabazahu yakubaza, nakafumisha kuluwa kwetuŋiodu ifuku dimu hohu.

¹⁰Yehova wamazaza nindi, Hefuku odu mwakaditambikaŋa, iwu wakatambika mukwawu mwishina damuvinyu windi, iwu wakatambika mukwawu mwishina dachikuyu chindi.