Read MUKANDA WANZAMBI Zakaria 4 Bible Online

Zakaria 4 - MUKANDA WANZAMBI bible

Zakaria 4

¹Kaŋelu wadiŋi nakuhosha nanami wenjili cheŋi, wantonesheli neyi chatoneshaŋawu muntu namutulu twindi.

²Hakuŋihula nindi, Wunamonidi? Nami, Namoni hikudi inoŋu dawuru hohu dejima, nilupasa lwadu hewulu; nimanoŋu adu atanu nayedi hewulu, kumanoŋu ejima adi hewulu kudi nyiyeŋu yitanu nayiyedi.

³Kudi ninyiolive yiyedi kwakwihi, wumu kumbadi yalupasa yachidiilu, wukwawu kumbadi yalu yachimunswa.

⁴Hinukwakula, hinukumwihula kaŋelu wadiŋi nakuhosha nanami, nami, Eyi Mwanta wami, yeniyi hiyumanyi?

⁵Kaŋelu wadiŋi nakuhosha nanami hakwakula, hakuŋila nindi, Komana yumiyi hiwunayilukuku? Nami, Eŋa Mwanta wami.

⁶Yena hakwakula, hakuŋila nindi, Didu izu daYehova dakuleja Zerubabeli, nindi, Hichanjita hela chaŋovuku, chiŋa chaSpiritu yami hohu. Dimu mwanahoshiyi Yehova wamazaza.

⁷Eyi lupidi lweneni, yeyinyi? Kumesu aZerubabeli wakela chana. Yena wakedisha ilola dakunamutu, wakadibidika nindi, Luwi, luwi.

⁸Izu daYehova hidikwinza nawa cheŋi kudami,

⁹nindi, Makasa aZerubabeli diwu aalili chikuku chetalidi; makasindi nawa diwu akadimanisha; nineyi wakeluka neyi, Yehova wamazaza diyi nantemeshi kudenu.

¹⁰Muntwinyi nadiwuli ifuku dyuma yanyanya? Wenawa mesu atanu nayedi, wowu mesu aYehova, ayaloŋa lufuchi niniku niniku mwahita iseki dejima, akazaŋalala, akamona kuchikasa chaZerubabeli mwonji wakuzenzeleka wakweseka nachu itala.

¹¹Ami hinukwakula, hinukumwihula nami, Iyi nyiolive yiyedi yidi kumbadi yenoŋu yakuchidiilu, nikumbadi yadu yakuchimunswa, hiyumanyi?

¹²Hinukuhosha kamuchiyedi, hinukumwihula nami, Iyi nyitayi yanyiolive yidi kwakwihi nanyiyeŋu yawuru yiyedi mudi nakuhuŋunuka manji awuru, hiyumanyi?

¹³Yena hakuŋakula nindi, Komana yumiyi hiwunayilukuku? Nami, Eŋa Mwanta wami.

¹⁴Hakuŋila nindi, Wenawa wowu ayedi awayishawu dehi manji, emanaŋa kwakwihi naMwanta weseki dejima.