Read MUKANDA WANZAMBI MAlaki 1 Bible Online

MAlaki 1 - MUKANDA WANZAMBI bible

MAlaki 1

¹Wuprofwetu waYehova wakuleja aIsarela kukanwa kaMalaki.

²Yehova nindi, Ami nayikeŋi, hakwila enu nenu, Wunatukeŋeli hadihi? Yehova nindi, Esawu himana kwaYakobaku? Hela chochu, ami nakeŋeli Yakoba;

³naheleli Esawu, mpidi jindi najibalumwini kwamahembi hohu, wuswana windi nawinkeli anyumbu amwisaŋa.

⁴Ochu chadi nakuhoshayi Edomi nindi, Kuhumuna anatuhumuni, ilaŋa etu kwetu tukufunta nakutuŋiulula mumahembi; Yehova wamazaza nahoshi nindi, Kutuŋiulula akatuŋulula, ilaŋa ami nakahumuna. Antu akayitena nawu, Hiŋinza yakubajama; nawu, Hiyantu anahililiyi Yehova chahaya nyaka.

⁵Mwakachimona namesu, mwakahosha nenu, Yehova ekali muneni kubadika nikwishinadi daŋinza yawaIsarela.

⁶Mwana walemeshaŋa tata yindi, nduŋu walemeshaŋa nkaka yindi. Neyi ami nitata, himwanlemeshela hadihi? Neyi ami ninkaka, himwantiyila woma hadihi? Dimu mwanayiliyi Yehova wamazaza enu atupristu mwadiwulaŋa ijina dami. Hakwila enu nenu, ijina deyi tunadidiwili hadihi?

⁷Enu antu mwalambulaŋa yakudya yajilola hakameŋa kami, mwili nenu, Tunakujiloleli hadihi? Ochu chimudi nakwila nenu, Mesa yaYehova hichuma chamukunkulwayi.

⁸China chimwalambulaŋa chimuna chaputa mesu, nenu aketuli, hichatamaku? Chimwalambulaŋa yifwayi nayakata, hichatamaku? Mulambuliyi ntahi nguvulu, wukukutiya kuwaha, tahindi? Wukukwitŋia, tahindi? Dimu mwanahoshiyi Yehova wamazaza.

⁹Yehova wamazaza neliuli nindi, Lembelelenu ntahi wuselewa kudi Nzambi, nenu atutoŋuhu. Iku saŋa mwakwatila yumiyi kumakasenu, wukwitŋiahu ntahi wumwodihi?

¹⁰Hakachi kenu hadinyi wukwenzela yenzelu, hela kubutula kesi hakameŋa kami chakadi kumufweta chuma? Yehova wamazaza nindi, Ami hinatiyi kuwaha nanenuku, hinakatambula himulambu kumakasenuku.

¹¹Yehova wamazaza nindi, Kufumisha kwatuntukilaŋa itaŋwa anamutuukishi kudahuminaŋa, ijina dami datoha hohu mukachi kawaJentili; ijina dami adochelaŋa insensi kwejima kwejima, adilambulaŋa nihimulambu wutooka, muloŋa ijina dami datoha mukachi kawaJentili.

¹²Ijina dami mwadiŋilolaŋa nanochu chimwahoshaŋa nenu, Mesa yaYehova hiyajilaku, ninyikabu yiduhu yakudya yiduhu, nenu yamukunkulwayi.

¹³Yehova wamazaza nindi, Mwahoshaŋa nawa nenu, Yayo, o kukabakana! Himukuyihumbahumba. Munaleti yimuna yakubuwabuwa, niyawufwayi, niyakata; dichi mwanlambulaŋa; ami nukutwesha kutambula kumakasenu yumiyi, tahindi? Dichi chanahoshiyi Yehova.

¹⁴Yehova wamazaza nindi, Mukwakudimbana, wukwila mwiyinda dindi mudi chizamba, hakudishiila munindi nukuhimulambu la, nkumininaku hakumuketwila Mwanta chuma chatama, ekali washiŋewa. Muloŋa ami niMwanta muneni, niijina dami aditiya woma mukachikawa Jentili.