Read MUKANDA WANZAMBI MAlaki 3 Bible Online

MAlaki 3 - MUKANDA WANZAMBI bible

MAlaki 3

¹Yehova wamazaza nindi, Tiyenu, hinukutemesha ntemesha yami, akaloŋeshaŋahu dehi njila kunakaya, niMwanta mwakeŋakeŋaŋa, wakenza kutembeli yindi chakukasumwisha; diyi nterresha yachitiyaŋenu imwatiyaloŋa kuwaha, tiyenu, hakwinza.

²Hinyi wakekala naŋovu ifuku dakenzayi? Hinyi wakemana hakamwekanayi? Muloŋa yena wudi neyi kesi kamukwakuzakasa, wudi neyi njapawu yamukwakutookesha mahina.

³Wakashakama neyi mukwakuzakasa, neyi mukwakutookesha siliva, waka-tookesha anyana kaLevi, wakayizakasa neyi chazakasaŋawu wuru nasiliva, nichakahimulambu lawu Yehova nyilambu yakuloŋa.

⁴Henohu himulambu waYuda naYerusalema wakamutiyisha Yehova kuwaha, neyi hamafuku akumwaka, neyi kunyaka yakusambila.

⁵Yehova wamazaza nindi, Ami nakakundama kwakwihi nanenu kulonda kusompesha, nakekala chinsahu chakuyinyakela akwakupanda, niayivumbi, niakwakusanyika chakutwamba, niakwakudiila aŋamba wufwetu wawukombi, niantuluwa, nianshona, nakanyakela niashinjekaŋa mwenyi kumbadi, abulaŋa kuntiya woma.

⁶Muloŋa ami Yehova hinabalumukaŋaku, dichi chimunabulili kunoŋa, enu anyana kaYakoba.

⁷Yehova wamazaza nindi, Kufumisha kumafuku adiŋuwu ankakulula jenu, enu kwakwambuka munshimbi jami hohu, kujihembaŋa nehi. Funtenu cheŋi kudami, ami nawa nifunti kudenu. Enu nenu, Tukufunta ŋahi?

⁸Muntu amwiyi Nzambi? Eŋa, mwaŋiyaloŋa. Enu nenu, Tunakwiyidi? Munaŋiyi niyamwikumi, ninyilambu.

⁹Enu anayishiŋi ishiŋu; muloŋa mwaŋiyaloŋa, muziwu wejima.

¹⁰Yehova wamazaza nindi, Letenu yamwikumi yejima mwitala dakuswekela yuma, kulonda mwitala dami mwikali yakudya, muŋeseki dinu nachu, mutali neyi nukubula kuyenzulwila njanina jamwiwulu, nakayihuŋunwina nkisu yayivulu yakukaŋanya nihakuyitambwila.

¹¹Yehova wamazaza nindi, Ninami nakazuwila mukwakukisaŋana, kulonda akabuli kuyitamishila yuma yenu yamumaha; hela nyivinyu yenu yibuli kulukumuka hiyichidi kanda yishiki hachila aka chayu.

¹²Yehova wamazaza nindi, Antu akunyuza yejima akayitenenu nawu, Mwakooleka; muloŋa mwakekala ituŋa dadiwahi nankashi.

¹³Yehova nindi, Mazu enu anekali akudikaŋa nanami; enu nenu, Tunakuhoshi chatama ŋahi?

¹⁴Munahoshi nenu, Kumukalakela Nzambi hichuma chamukunkulwayi. Nenu, Chitunahembi nshimbi jindi, chitunendi nakudishonashona kumesu aYehova wamazaza, tunadiilumu ika?

¹⁵Nenu, Katataka tudi nakutena adinka wanta netu diwu amonaŋa kuwaha, mwalala, akoŋaŋa yakuluwa diwu atuŋaŋa nyikala; mwalala, amwesekaŋa Nzambi apulukaŋa.

¹⁶Henohu amutiyili Yehova woma ahanjikili mpanji jawu wumu namukwawu; Yehova watiyililuku, wachitiyili, asonekeli mukanda wakwanukaŋa nachu kumesu indi, wanawa amutiyilaŋa Yehova woma, atoŋojokelaŋa ijina dindi.

¹⁷Yehova wamazaza nindi, Akekala amami ifuku dinamba kaloŋeja yozelu yami yakudihetela; diwu nakatiyila wushona wudi neyi watiyilaŋa iyala mwanindi weyala wamukala kelaŋa.

¹⁸Henohu mwakafunta cheŋi, mwakashinshika nakwambula niwaloŋa niwatama, niwamukala kelaŋa Nzambi, niwabulaŋa kumukalakela.