Read MUKANDA WANZAMBI MATEU 28 Bible Online

MATEU 28 - MUKANDA WANZAMBI bible

MATEU 28

¹Ifuku dasabata chidelili hidikukeŋa kuhita, chikuneli hikwakwihi nankunku yakucha, ifuku dakusambila damulungu, Mariya Mandaleni niMariya mukwawu hiyakwinza nakutala kwijamu.

²Kwahitili mutentanshi waweni; muloŋa kaŋelu kaYehova wasulukili kwiwulu, wenjili nakulaŋumuna ilola, hakushakamahu.

³Kumutala wudi neyi chikwanzaji, mahinindi atooka to-o neyi chikwampeza;

⁴akwakuhemba hiyakumuzaala woma, hiyakwila neyi afu hohu.

⁵Kapelu hakuyila owu ambanda nindi, Bayi mutiya womaku, neluki nami mudi nakukeŋa Yesu apopelawu kukulusu.

⁶Hadi munuku, wasapuka dehi neyi chayilejeliyi. Inzenu mutali mwakamayi Mwanta.

⁷Yenu mwakaleji atumbanji twindi swayi nenu, Nasaŋuki dehi mudi afu. Tiyenu, wukuyaloŋahu dehi kuŊaliliya; diku kumwakamumwena. Tiyenu, nayileji dehi.

⁸Hiyakufuma kwijamu swayi, iku nawoma, iku namuzaŋalu waweni. Hiyakuya nakutwala nsaŋu kudi atumbanji twindi lufuchi.

⁹Kukasumuka Yesu nayibulakani dehi, hakuyila nindi, Kolenu. Hiyakwinza nakumukwata kunyendu yindi, hiyakumufukamina.

¹⁰Yesu hakuyila nindi, Bayi mutiya womaku; yenu mwakaleji ana kwami akayi kuŊaliliya, diku kwakanmwenawu.

¹¹Chayilaŋawu, mashidika akwakuhemba amakwawu hiyakwinza muŋanda, hiyakuleja awakulumpi jawatupristu mwamwenuwu mwejima.

¹²Chanapompuwu chimu nawawakulumpi, hiyakutiyaloŋana kwinka mashidika mali amavulu,

¹³nawu, Ilenu nenu atumbanji twindi enza nawufuku hitwadiŋi etu namutulu, hiyakumwiyamu.

¹⁴Neyi nguvulu wukutiya nsaŋu iyi, etu twakayimenaku kulonda mwakabuli kwakama.

¹⁵Dichi wena hiyakutambula mali owu, hiyakwila mwayilejeluwu; dichi izu idi ditiyakana nimudi aYudeya kushika nikwifuku dalelu.

¹⁶Hakwila atumbanji ikumi nawumu hiyakuya kumpidi yakuŋaliliva yayikaniniyi Yesu.

¹⁷Chanamumonuwu, hiyakudifukula kudi yena, ilaŋa amakwawu hiyakujinoka.

¹⁸Yesu hakwinza kudi wena, hakuhosha nawu; nindi, Ŋovu jamwiwulu nŋahamaseki jejima anajinyinki.

¹⁹Dichi yenu mwakelishi atumbanji munyuza yejima, mwakayipapatishi mwijina daTata, nidaMwana, nidaSpiritu Wajila;

²⁰Mwakayileji kuhemba yuma yejima yinayilejenu; tiyenu, ami nidi nenu mafuku ejima nikwakakumina nyaka.