Read MUKANDA WANZAMBI Luka 13 Bible Online

Luka 13 - MUKANDA WANZAMBI bible

Luka 13

¹Chena chilaakochu, antu amu amulejeli nsaŋu yawaŊaliliya abombashaniniyi Pilatu mashi awu hamu namashi ayimuna yawu yaketwiluwu.

²Yena hakuyakula nindi, Enu munatoŋojoki nenu awa aŊaliliya adiŋi akwanshidi abadika aŊaliliya ejima, nanochu chakabiluwu yumiyi tahindi?

³Nukuyileja nami, nehi; chiŋa mubalumuka munyichima yenu; neyi nehi, dichi mwamba kanoŋa ninenu nawa.

⁴Kela antu awa ikumi natanu nasatu aholokeleluwu kudi kaposhi kamuSilowami hikakuyijaha, enu munatoŋojoki nenu kuluwa kwawu kwabadikili kuluwa kwawantu ejima ashakama muYerusalema, tahindi?

⁵Nukuyileja nami, nehi; chiŋa mubalumuka munyichima yenu; neyi nehi, dichi mwamba kanoŋa ninenu nawa.

⁶Hakuyitila chishimu ichi nindi, Muntu wumu watumbili mutondu wachikuyu mwitempa dindi danyivinyu; hakwinza nakukeŋakeŋaku nyikabu, kuwana kwosi.

⁷Hakumwila mukwakuhemba nyivinyu nindi, Nyaka yejima yisatu iyi nenzaŋa nakukeŋakeŋaku nyikabu kumutondu iwu wachikuyu, kuyiwanaŋa nehi; wutemumu, indi wuvumbishaŋa tuhu kwawu heseki?

⁸Yena hakwakula nindi, Mwanta, wuleki mwaka wunu nichipachipuku, ninkuku wushi;

⁹neyi wukusoŋa chikuwaha, neyi kusoŋa nehi wakawutemi kweyi.

¹⁰Hasabata wadiŋi nakuleja antu mushikola yimu.

¹¹Kutala mudi mumbanda wedikaŋa demoni wawufwayi wanyaka ikumi nayitanu nayisatu; wakuminaŋa dakubandaŋila hohu, kutwesha kubanduka hela chanti nehi.

¹²Yesu chanamumoniyi, hakumutambi ka nindi, Eyi mumbanda, wufwayi weyi wunakusubuki dehi.

¹³Hakumunaŋika makasindi, hohenohu oloka nikwoloka, hakumulemesha Nzambi.

¹⁴Nyuli yashikola hakutiya kutama nankashi nanochu chokiluwu muntu kudi Yesu hasabata; hakwila izaza dawantu nindi, Mafuku akukalakalaŋawu antu nyidimu yawu atanu nadimu, diwu mwadi kwinzaŋa nakuyuka, bayi hasabataku.

¹⁵Mwanta hakuyakula nindi, Enu anfwikiji! Komana enu himwasubulaŋa ŋombi yenu, hela chimbulu chenu mwitaŋa, mumutwala nakumunwisha meji hasabataku?

¹⁶Indi iwu mwana kaAbarahama wamumbanda, anakasuwu kudi Satana nyaka ikumi nayitanu nayisatu yejimiyi, chitami kumukasununa munyonji hasabata?

¹⁷Chanahoshiyi mazu awa, akwankunyi nindi atiya ninsonyi; izaza dawantu dejima hidikuzaŋalala nayuma yalema yeliliyi yejima.

¹⁸Dichi hakuhosha cheŋi nindi, Wanta waNzambi wunafwani neyi chumanyi? Nukuwufwikŋa nachumanyi?

¹⁹Wunafwani neyi kalubutu kamostadi katumbiliyi muntu mwitempa dindi; hikakukula, hikakwikala chiputa chacheni; atujila ahaluzwizu hiyakutuntama kunyitayi yachu.

²⁰Hakwila cheŋi nindi, Wanta waNzambi nukuwufwikija nachumanyi?

²¹Wunafwani neyi iluŋi danonenuwu kudi mumbanda, hakusha mumabaŋu awuŋa asatu, wuŋa wejima wiŋila niiluŋi.

²²Aholokela nimunjila yakuya kuYerusalema; hiyakuya nakuhitahita nimunyikala yamaneni, nimunyikala yanyanya, nakuleja antu ho-o.

²³Mimtu wumu hakumwila nindi, Eyi Mwanta, antu akuhandishawu antesha hohu, tahindi?

²⁴Yena hakuyila nindi, Kabilenu kwijila kuchisu chanyanya; nukuyileja nami amavulu amba kakeŋa kwijila mu, amba kakaŋanya.

²⁵Chamba kela mwanta wetala nanyamuki dehi, nenzeli dehi chenzelu, enu mwakatachika kwimana kuchisu hanzi nakudondomwena, nakubidika nenu, Mwanta twenzulwiluku. Yena wakayakula nindi, Ami kwami kuyiluka nehi, hela kumwafuma.

²⁶Himwakatachika kuhosha nenu, Twadiŋi nakudya nakunwa kumesu eyi, eyi nawa wadiŋi nakutuleja munyikala yetu.

²⁷Yena wakayila nindi, Nukuyileja nami, ami kwami kuyiluka nehi, hela kumwafuma. Nfumenu, enu akwakuluwa ejima.

²⁸Kwamba kekala kudila nikudisumona kumaji himwamba kamona Abarahama naIsaka naYakoba niatuprofwetu ejima muwanta waNzambi, hakwilenu anayumbili dehi hanzi.

²⁹Antu akumusela niakumujika niakukabeta nakabeta, amba kenza nakushakama muwanta waNzambi.

³⁰Tiyenu, akukuminina diwu akekala akusambila; akusambila diwu akekala akukuminina.

³¹AFwarisi amakwawu hiyakwinza nakumwila yena mpinji oyu nawu, Fumaku kunu, yaku kwacheŋi; muloŋa Herodi wudi nakukufunyina kukujaha.

³²Hakuyila nindi, Yenu mwakamuleji mumbu ona nenu, Yena neli nindi Talenu, nukufumisha ademoni nikuuka nilelu nikumadiki, ifuku dakalondelamu didakamanishawu nsaŋu jami jonsu.

³³Njila yami chiŋa niyenda lelu nikumadiki nikwifuku di kwawu, muloŋa kaprofwetu kumujahila kwacheŋi kutwesha nehi, chiŋa muYerusalema hohu.

³⁴Eyi Yerusalema, Yerusalema! Wajahaŋa atuprofwetu, waasaŋa malola awa akutemeshelaŋawu! O mafuku kuvula inakeŋaŋa nami nikuŋwŋi anyaneyi mumpuula, neyi chakuŋwijaŋayi chaadi anyanindi mumpuula jindi yomweni, enu kwenu kwonti kwenu!

³⁵Talenu, itala denu anayishiyilidu dineli dehi ihembi hohu. Nukuyileja nami, kunmona cheŋi chiŋa kwifuku dimwakela nenu, Kisu kisu iwu wukwinza mwijina daYehova.