Read MUKANDA WANZAMBI Luka 19 Bible Online

Luka 19 - MUKANDA WANZAMBI bible

Luka 19

¹Eŋila nimuYeriku, hakuya nakupandakanamu.

²Kutala iyala wumu, ijina dindi Zakewu, mukulumpi wawansonkeshi waheta,

³wakeŋa elaŋa kumona Yesu amwiluki chadiyi Ilaŋa wakaŋenyi nansaŋu yezaza dawantu, muloŋa yena wadiŋi wakiya.

⁴Hakutemukaŋahu dehi lufuchi, hakukandama kuchilembalemba kulonda amumoni, muloŋa diku kwakukeŋa kuhitilayi.

⁵Yesu chanashikiyi kwenoku, hakutala kwiwulu, hakumwila nindi, Eyi Zakewu, sulukaku swayi; lelu chiŋa nishakama kwitala deyi.

⁶Hakusuluka swayi, hakumutambula namuzaŋalu.

⁷Antu chanachimonuwu, hiyakunyinyita wejima wawu nawu, Nayi nakukama kudi iyala mukwanshidi.

⁸Zakewu hakwimana, hakumwila Mwanta nindi, Mwanta, tala, nukubalula mahetami hakachi, chibalu chimu nipaŋili atuzweŋi; neyi hadi muntu nadiila yawukombi, nukumufuntishila yiwana.

⁹Yesu hakumwila nindi, Lelu wamwinu wunenzi kwitalidi, nanochu chaneliyi niyena himwana kaAbarahama.

¹⁰Muloŋa Mwana kamuntu nenzi akakeŋakeŋi, akaamwini wajimbeli.

¹¹Chanatiyuwu yumiyi hakunuŋaku chishimu, muloŋa hadi kwakwihi naYerusalema, antu adiŋi nakutoŋojoka nawu wanta waNzambi keŋa wumwekani hohenohu.

¹²Dichi hakwila nindi, Chilolu wumu wayili kwituŋa dakwakulehi, nindi akatambuli wanta windi akafunti cheŋi.

¹³Hakutambika aŋamba jindi ikumi, hakuyipaŋila mpondi ikumi, hakuyila nindi, Landululenu kushika nihinakenza cheŋi.

¹⁴Ilaŋa kwamukala windi adiŋi amuhela, hiyakumutemeshela atuŋanda nawu, Kwonti kwetu yeniwu kwikala mwanta wetu.

¹⁵Chanafuntiyi cheŋi, natambuli dehi wanta, hakutambika aŋamba enkeliyi mali, kulonda eluki yanawanuwu kukulandulula.

¹⁶Watachi hakwinza kudi yena nindi, Eyi mwanta, kumpondi yeyi nawenuku jikwawu ikumi.

¹⁷Hakumwila nindi, Chachiwahi, eyi wuŋamba wamuwahi; chiwunashinshiki nakachuma kantesha, ikalaku mwanta wanyikala ikumi.

¹⁸Wamuchiyedi hakwinza nindi, Eyi mwanta, kumpondi yeyi nawenuku jitanu.

¹⁹Hakumwila niyena nawa nindi, Nineyi nawa ikalaku mwanta wanyikala yitanu.

²⁰Mukwawu hakwinza nindi, Eyi mwanta, tala mpondi yeyi iyi, nayiswekeli mwihina.

²¹Nakutiyili woma nanochu chiwazuwa; wenda wunona yiwabulili kutenteka, wenda wumuna kuwabulili kukuwa.

²²Hakumwila nindi, Eyi ŋamba watama, nukukusompesha namazu amukanwa keyeyi aweni. Welukili neyi ami nimuntu wazuwa, nenda ninona yinabulili kutenteka, nenda nimuna kunabulili kukuwa;

²³walekelelidi kusha mali ami mubanki, kulonda ichi chinenzi, niwani niyakulunjikahu?

²⁴Hakuyila antu emenuku nindi, Mutambulenu mpondi yindi, mwinkenu iwu wukweti mpondi ikumi.

²⁵Hiyakumwila nawu, Mwanta, wukweti mpondi ikumi.

²⁶Nindi, Nukuyileja nami wukweti akamulunjikila, wabula akamutambula ninaka kadiyi naku.

²⁷Ilaŋa awa akwankunyi nami abulili kukeŋa ami kwikala mwanta wawu, yiletenu kunu, muyŋahili kumesu ami.

²⁸Chanahoshiyi ochu, hakutwamina ŋahu dehi, hakukanduka kuYerusalema.

²⁹Chayilaŋayi nakushi ka kwakwihi naBetefwaji naBetani, kwokumpidi yaOliveta, hakutemesha atumbanji twindi ayedi,

³⁰nindi, Yenu kumukala wudi kumbidi wuna. Chimukushika mukumona mwana kachimbulu wakadi kwendelaŋahu dehi muntu, anamukasi; mwakamusubuli mumuleti kunu.

³¹Neyi muntu wukuyihula nindi, Mukumusubwiladi? mwakamwila nenu, Anamukeŋi kudi Mwanta.

³²Atemesheluwu hiyakuya, hiyakuwana mwomwayilejeliyi.

³³Chadiŋi nakusubulawu mwana kachimbulu, amuheteli hiyakuyila nawu, Mudi nakusubwiladi mwana kachimbulu?

³⁴Hiyakuyila nawu, Mwanta diyi namukeŋi.

³⁵Hiyakumuleta kudi Yesu, hiyakusha mahinawu hamwana kachimbulu, akandamishahu niYesu.

³⁶Chadiŋi nakuyayi, hiyakwala mahinawu mumukwakwa.

³⁷Chayilaŋayi nakushi ka kwakwihi nakwakunkumukila mpidi yaOliveta, izaza dawatumbanji dejima hidikutachika kuzaŋalala nakuhameka Nzambi nezu daŊovu, nanyidimu yanamonuwu dehi yejima.

³⁸Nawu, Kisu kisu Mwanta wukwinza mwijina daYehova; mwiwulu mwikali kuwunda, mwiwulu dakubadika mwikali kulema.

³⁹AFwarisi amakwawu adiŋi mwizaza hiyakumwila nawu, Eyi Nkuluŋaŋa, yihosholi atumbanji tweyi.

⁴⁰Kuchinka yena nindi, Nukuyileja nami, neyi awa akumwena malola akuvwakuka.

⁴¹Chayilaŋayi nakushi ka kwakwihi, amona niŋanda, hakuyidilila,

⁴²nindi, Lelu neyi wadiŋi weluka yuma yikukuletela kumwena! Heseka anayijindi wubuli kuyimona.

⁴³Muloŋa mafuku amba kakuwana, amba kakupundila mpwembu kudi akwankunyi neyi kwi-ndo; amba kakujikilila niniku nimku mbadi jejima;

⁴⁴amba kakunatila heseki kumu nawanyaneyi; mudeyi himwamba kashala ilola dimu dakunaŋamana hadiKwawuku; nanochu chiwabulili kwiluka mpinji yanakuhempuluwu.

⁴⁵Hakwijila mutembeli, hakutachika kutemunamu adiŋi nakulandishilamu.

⁴⁶Hakuyila nindi, Anasoneki nawu, Itala dami dakela itala dakulombela; ilaŋa enu kwenu munadibalumuni kwikala iyeŋu dawamakombi.

⁴⁷Hakuyiieja hefuku hefuku mutembeli. Akulumpi jawatupristu niansoneki nawantu alema hiyakukeŋa hakumujahila;

⁴⁸ilaŋa akaŋenyi kumona mwakwila, muloŋa antu ejima hiyakudihudika nakumutiyilila.