Read MUKANDA WANZAMBI Deuteronoma 1 Bible Online

Deuteronoma 1 - MUKANDA WANZAMBI bible

Deuteronoma 1

¹Tiyenu mazu ahosheliyi Mosi nawaIsarela ejima kwishinadi daYodana, mwisaŋa, kuchana, mwatalaŋana naSufwi, hakachi kaParana, naTofweli, naLabani, naHazeroti, naDizahabi.

²Kufuma kuHorebi njilayampidi yaSeyiri nakushika kuKadeshi Baraneya hikwenda kwamafuku ikumi nadimu.

³Mumwaka wamakumi awana, mukakweji kekumi nakamu, mwifuku dakakweji dakusambila, Mosi wahosheli nawanyana kaIsarela mwejima mwamulejeliyi Yehova kuyileja;

⁴henohu natapi dehi Sihoni mwanta wawaAmori washakamini muHeshiboni, naOŋi mwanta wakuBashani washakamini muAshataroti kuEdereyi;

⁵kwishinadi daYodana, mwituŋa daMowabi, kwokwatachikililiyi Mosi kushimuna lushimbilu,

⁶nindi, Yehova Nzambi yetu wahosheli nanetu kuHorebi, nindi, Munashakami dehi hampidiyi hanalehi dehi,

⁷balumukenu mukwati cheŋi lwendu lwenu muyi mwituŋa dawaAmori damapidi, nikumpata jekalaku, nimuchana, ni mwituŋa damapidi, nimunkulu, nikukabeta kakuchidiilu, nikuchikumu chakaluŋalwiji, dodituŋa dawaKenani naLebanoni, lusunikukaloŋa keneni, yowu kaloŋa Yufurati.

⁸Talenu, nayishili dehi ituŋa kumesu enu; ipilenu mutambuli ituŋa dasanyikililiyi Yehova ankakululajenu Abarahama naIsaka naYakoba, nindi wakayinkadu nianyanawuamba kalondelaŋamu.

⁹Ami nahosheli nanenu henahana nami, Hinatweshi kukabakana nanenukanka wamuku.

¹⁰Yehova Nzambi yenu nayivulishi dehi, talenu lelumunavuli dehi neyi tutumbwa twamwiwulu.

¹¹Ninochu Yehova Nzambi yawankakulula jenu ayibadishi kuvula imumumunashiki dehi maŋampa ikombakaji, ayikiswili nkisu mwomwayikaniniyi dehi!

¹²Indi ami yaminuku kabakanaŋa nenu kanka wami nayidŋokojola yenu, nansaŋu jenu, nandombu jenu, tahindi?

¹³Kepenu amayala akwamaana, akweti kashinshi, atiyakana mwahita nyichidi yenu, ami nakayilishi anyanta jenu.

¹⁴Enu mwaŋa kwili nenu, Chuma chiwunahoshi chachiwahi tukwilamu.

¹⁵Dichi ami natambwili anyanta akunyichidi yenu, amayala akwetimaana, atiyakana, nayikunjikili kwikala anyanta jenu, wowu awakulumpi amakombakaji, niakulumpi amakulakaji, niakulumpi amakumi atanu, niakulumpimakumi, ekalaŋa atulala twenu mwahita nyichidi yenu.

¹⁶Nakonkomweneni ansompeshi jenu henahana, nami, Mwakatiyaŋa nsaŋujawana kwenu, mwakasompeshaŋa nsaŋu jamuntu namana kwindi chaloŋa, ngmwenyi ekalayi nindi.

¹⁷Chimwa kasompeshaŋa bayi mwakaakamaŋa antu kumesuku; mwakatiyililaŋa hamu niwanyanya nimuneni; bayi mwakatiyaŋa woma wamesu amuntuku; muloŋa wuŋaji wambala waNzambi; nsaŋu yakasweja kuyikalila mwakayileta kudami, ami nakayitiya.

¹⁸Henahananayilejeli yuma yejima yimwadi kwila.

¹⁹Twafumini kuHorebi, twahitili mwisaŋa dejima diŋa dasweja kutoha, dikweti woma nankashi dimwamweni, twahitili njila yetuŋa dawaAmori damapidi, mwatulejeliyi Yehova Nzambi yetu; twashikili kuKadeshi Baraneya.

²⁰Nayilili nami, Munashiki dehi kwituŋa dawaAmori damapidida kutwinkayi Yehova Nzambi yetu.

²¹Talaku ntahi Yehova Nzambi yeyi nakushili dehi ituŋa kumesu eyi; yaku wakaditambuli mwomwakuhosheliyi Yehova Nzambi yawankakulula jeyi; bayi wakatiya womaku, bayi wakaakamaku.

²²Mwaswilili kwakwihi nanami wejima wenu, mwelili nenu, Tutemeshaŋahu dehi amayala akatwendesheli ituŋa, akafunti cheŋi nakutulejanjila yitwakaya, nikunyikala yitwakashika.

²³Chumochu chantiyishili kuwaha nankashi; nafumishili hadenu mayala ikumi nayedi, hamuchidi iyala, hamuchidi iyala.

²⁴Abalumukili, akandukili hampidi, ashikili kuchinekineki chaEshikoli, achendesheli.

²⁵Asendeli mumakasawu yakudya yamwituŋa, atuleteleliyi, afuntili cheŋi nakutuleja nawu, Ituŋa dakutwinkayi Yehova Nzambi yetu hiituŋa dadiwahi.

²⁶Hela chochu himwetiyili kuya kwoku, mwadikaŋili, mwalekeli kwovwahila mwayilejeliyi Yehova Nzambi yenu;

²⁷mwatobatobeli mumatenti enu, nenu, Komana Yehova watuheleli, dichi chatufumishililiyi mwituŋa daEjipitu, walondeli atuhani kudi aAmori kulonda atujilumuni.

²⁸Nenu, Tukukanduka tuyi kudihi? Ana kwetu anatusuŋununi dehi nyichima mumavumu, aneli dehi nawu, Hiyantu atubadika nikuvula nikutaluka, ninyikala yamaneni yikweti nimpwembu jashika nimwiwulu, twamonamu nianyana kawaAnaki.

²⁹Ami nayilili henahana nami, Bayi muzaala womaku, bayi muyakamaku.

³⁰Yehova Nzambi yenu wukutwaminaku, diyi wukuyilwila, mwejima mwayikoŋeleliyi muEjipitu enu mumonaŋa namesu enu;

³¹nichi chiwamweni mwisaŋa chakwelekeliyi Yehova Nzambi yeyi, neyi chelekarjayi iyala mwanindi, munjila yimwenjili yejima nichi chimwashikili kunu.

³²Hela mwejimimu himwamwitiyili Yehova Nzambi yenuku,

³³kutoŋa diyi watwaminini munjila mumwenjilaŋa, nakuyikeŋela hakutuŋila matenti enu; nawufuku mukesi kakuyileja nachu njila yimukuya, namwaana mwivu.

³⁴Yehova watiyili mazu imwahosheli, wazuwili, wasanyikili,

³⁵nindi, Chalala kwaamu, hosi iyala niwumu wahekiŋu idi datama wamba kamonahu ituŋodu dadiwahi dinasanyikili nami nakayinka ankakulula jenuku,

³⁶chiŋa yowu mwana kaYefune Kalebi hohu, diyi wakadimona; ituŋa dadatiliyi nakamwinkadu niyena nianyanindi; muloŋa yena wamulondeli Yehova hachikupu.

³⁷Yehova wanzuwilili ninami nawa hanyijimba yenwenu, welili nindi, Nineyi nawa kwijila mwenomu nehi;

³⁸mwana kaNuni Yoshuwa, wemanaŋa kumesu eyi diyi wakeŋa ilamu; mwinki Ŋovu, muloŋa diyi wakayiswanishadu aIsarela.

³⁹Nianyanenu anyanya imwelili nenu akakwachika, nianyanenu abulili kwiluka hela mwamuwahi hela mwatama dena ifuku dina, diwu akeŋilamu, diwu nakenka ituŋodu, diwu akadiheta hidawu.

⁴⁰Hakwila enu balumukenu muholokeli munjila yenu muyi mwisaŋa njila yaKaluŋalwiji Kachinana.

⁴¹Henahana mwaŋakwili, mwaŋilili nenu, tunamuvulumuni dehi Yehova, tukukanduka twakalwi mwonsu mwanatulejiyi Yehova Nzambi yetu. Enu mwamanyekeli wonsu wenu yuma yenu yakwasa nachu njita, mwadihindili, nenu mwakakanduki hampidi.

⁴²Yehova waŋilili nindi, Kayili neyi, Bayi mukandukaku, bayi mulwaku; muloŋa ami kwami hinidi mukachi kenuku; akenza kayitapa tuhu kudi ayilumbu jenu.

⁴³Mwenomu dimu nahosheli nenu, enu kwenu kutiya nehi, mwadikaŋili nezu dayilejeliyi Yehova, mwakandukili hampidi naŋovu jenu hohu.

⁴⁴AAmori ashakamini hampidi yina ayilotokeleli; ayikupishili neyi chelaŋawu ampuka, ayitapili kuSeyiri, lusu nikuHorama.

⁴⁵Enu mwafuntili nakudilila kumesu aYehova; Yehova hatiyilili kwindi izu denuku, hela kushaku itu dindi nehi kwindi.

⁴⁶Mwashakamini kuKadeshi mafuku amavulu, mwomwashikili mafuku imwashakamini kwenoku.