Read MUKANDA WANZAMBI Deuteronoma 11 Bible Online

Deuteronoma 11 - MUKANDA WANZAMBI bible

Deuteronoma 11

¹Dichi dinu kakeŋi Yehova Nzambi yeyi, kahembi nimwanashiikiyi, nimuyidika yindi, nimuwuŋaji windi, nimwanakulejiyi, mafuku ejima.

²Ilukenu lelu; ochu nidi nakuhosha nawanyanenu anabuli kwiluka wanyi, muloŋa wena abulili kumona mwababesheliyi Yehova Nzambi yenu, hela ŋovu yindi, hela chikasa chindi chaŋovu, hela chikasa chindi chakwolola,

³hela yinjikijilu, hela nyidimu yindi yakoŋeliyi muEjipitu, yamukopeliyi Fwaro mwanta wakuEjipitu niituŋa dindi dejima;

⁴nimwakoŋeliyi njitaya muEjipitu nituwalu twawu nimakálu awu; chayikumpwiliyi nameji aKaluŋalwiji Kachinana hayihapiluwu, nichichayijilu mwiniyi Yehova nikwitaŋwa dalelu;

⁵nichichayilililiyi mwisaŋa kushika ndo nikunu;

⁶nichichamukopeliyi Datani naAbirami, anyana kaEliyabi, mwana kaRubeni; chidaasamini iseki kanwa kadu hidikuyiminya, niwena niakwamatalawu, nimatenti awu niyuma yayumi yejima yadiŋuwu nayu, mukachika waIsarela ejima.

⁷Ilaŋa enu aweni munamoni namesu enu mudimu waYehova weneni wakoŋeliyi wejima.

⁸Dichi dinu mwakahembaŋa kuleja kwejima kunakuleji lelu, kulondamwakakoli, mwakeŋili nakuheta ituŋa dimukuzambuka nakuheta;

⁹mwakavulishi mafuku enu mwituŋa dasanyikililiyi Yehova ankakulula jenu kuyinkaduniwena ni anyanawu, ituŋa datuloŋa twamayeli nawuchi.

¹⁰Muloŋa tuŋa dimukuya nakuheta hididi neyi ituŋa daEjipitu dimwafumini, dakwila wutumba mbutu yeyi, hiwukuyitukumwina namwendu weyi, neyi itempada mbokaku;

¹¹ilaŋa ituŋodu dimukuzambuka nakuheta, hiituŋa damapidi nayinekineki, danwaŋa meji anvula yamwiwulu;

¹²hiituŋa dakuhemba kudi Yehova Nzambi yeyi; dihu hekala mesu aYehova Nzambi yeyi hefukuhefuku, kufumisha hakutachikila mwaka nihakumanina mwaka.

¹³Mona neyi mwakatiyilila chachiwahi kuleja kwami kunukuyileja lelu, nakumukeŋa Yehova Nzambi yenu nakumukalakela nanyichima yenu yejima, nawumi wenu wejima,

¹⁴nakayinka nvula yamwituŋa denu hachilaakachayu, ninvula yakusambila ninvula yakukuminina, wakakuŋulinitidiku yeyi, nivinyu yeyi, nimanji eyi.

¹⁵Nakamenesha mumpata yeyi matahu awayimuna yeyi, wakadya, wakekuta.

¹⁶Babalenu kuchina nyichima yenu kuyidimba, himukusenuka hambadi nakupesha akishi, himukudifukula kudi wena;

¹⁷niYehova hakayizuwila, hakajika iwulukulonda nvula yibuli kunoka, niituŋa dibuli kusoŋa mbutu yadu; himwakajilu mukachakadi nikuleha mwituŋa dadiwahi dakuyinkayi Yehova.

¹⁸Dichi dinu mwakaswekaŋa mazu ami munyichima yenu nimuyitoŋojoka yenu; mwakayikasilaŋa kumakasenu ekalaŋa chinjikijilu, mwakayivwalaŋa haneli disu iku, disu iku.

¹⁹Mwakalejaŋamu ni anyanenu, akekalaŋampanji yenu, nichiwakashakamaŋa mwitala deyi, nichiwakendaŋamunjila, nihakukama nihakuhinduka.

²⁰Wakayisoneki hayiŋamba yakwitala deyi, nikuyenzelu yakuyiŋaŋu yeyi;

²¹kulonda nimafuku enu nimafuku awanyanenu akavulaŋa mwituŋa dasanyikililiyi Yehova ankakulula jenukuyinkadu, neyi chekala mafuku amwiwulu dichi chakekala nihamaseki.

²²Muloŋa neyi mwakahembaŋa chachiwahi kulejiku kwejima kunukuyileja, himukwilamu, himukukeŋa Yehova Nzambi yenu, himukwenda mwayanjila jindi jejima, himukumulamata mbe;

²³henohu Yehova hakatemunamunyuzoyu yejima kumukuya, himwakaheta ninyuza yayibadika nikutoha niŋovu.

²⁴Hejima himwakadata nyendu yenu hakekala henu; ŋinza yenu yakekala kufumisha kwisaŋa, niLebanoni, nikufumisha kukaloŋa, yowukaloŋa Yufurati, lusu nikukaluŋalwiji kakumujika.

²⁵Hosi iyala wakemanananenuku; ituŋa dejima dimwakadata, Yehova Nzambi yenu wakatiyisha antu woma wenwenu, akayizaala hohu, mwomwanahoshiyi nanenu.

²⁶Talenu, lelu hinukuyishila kumesu enu ninkisu niishiŋu;

²⁷nkisu, yokutiyilila kuleja kwaYehova Nzambi yenu kunukuyileja lelu;

²⁸ishiŋu, yokubula kutiyilila kuleja kwaYehova Nzambi yenu, himukusenuka munjilayinukuyileja lelu, mulondeli akishi imwabulili kwiluka.

²⁹Chakela neyi Yehova Nzambi yeyi nakwiŋiji dehi mwituŋa diwukuyanakuheta, nkisu wakayisha hampidi yaGerizimi, ishiŋu wakadisha hampidi yaEbali.

³⁰Hijidi kwishinadi daYodana kumbadi yanjila yaya kwahuminaŋa itaŋwa, mwituŋa dawaKenani ashakama muChana kwatalaŋana naGiligali, kwakwihi nanyikula yaMoreku?

³¹Muloŋa enu keŋa muzambuki Yodana, mwiŋili nakuheta ituŋa dakuyinkayi Yehova Nzambi yenu, ninodumwakadiheta, mwakashakamamu.

³²Mwakashaŋaku muchima wakwilanimuyidika yejima nimuwuŋaji wunukuyishila kumesu enu lelu.