Read MUKANDA WANZAMBI Deuteronoma 12 Bible Online

Deuteronoma 12 - MUKANDA WANZAMBI bible

Deuteronoma 12

¹Tiyenu yidika nawuŋaji, wumwakasha muchima wakwilamu mafuku ejima imwakahanda hamaseki, omu mwituŋa danayinkiyi Yehova Nzambi yawankakulula jeyi kudiheta.

²Kunyuzoyu yimwakaheta, hejima hakapeshaŋawu akishi awu, hela hampidi jamaneni, hela hampidi janyanya, hela mumashina anyitondu yituuta yejima, chiŋa mwakakisaŋanahu shatichikupu;

³mwakahumoni tumeŋa twawu, mwakafumpoli nituposhi twawu twakupeshela puchi puchi, ninyiyombu yawu mwakayochi mukesi, niakishiakusoŋa kufwikŋa akishi awu mwakayitemi; mwakajiyishi ijina dawuchikupu kwenoku.

⁴Bayi mwakamwilaŋa Yehova Nzambi yenu chochochuku.

⁵Ilaŋa chipela chakatondayi Yehova Nzambi yenu mukachikanyuza yenu yejima nindi ashuku ijina dindi, kafwampi kwokwashakamayi yena, diku kumwakakeŋa, diku kumwakaya;

⁶diku kumwakatwalaŋani nyilambu yenu yakushita, niyimuna yenu yakuketula, niyenu yamwikumi, ninyilambu yenu yakuleleka yimwakalambulaŋa, nikudishiila kwenu, ninyilambu yenu yakuhana chakunyichima yenu, nawedi akumataŋenu nakumayi ndenu;

⁷diku kumwakadiila kumesu aYehova Nzambi yenu, ninenu niakumatalenu, himwakazaŋalala nayuma yejima yimwaka kwatachikasa yakayikoolekeshelayi Yehova Nzambi yeyi.

⁸Bayi mwakelaŋayuma yejimiyi yitwelaŋa kunu lelu, yakoŋaŋa antu ejima iwu mwanamoniyikuloŋa, iwu mwanamoniyi kuloŋaku;

⁹muloŋa muchidi kanda mushikikukunooka nikuwuswana wakukwinkayi Yehova Nzambi yeyuku.

¹⁰Ilaŋa chimukuzambuka Yodana nakushakama mwituŋa dakuyinkayi Yehova Nzambi yenu nindi mudiswani, chakayinookeshayi kudi ayilumbujenu ejima ayinyeŋumuka kwi-ndo, neyi munashakami dehi chakadi woma;

¹¹mwakatwalaŋa kuchipela chakatondayi Yehova Nzambi yenu, nindiashakamishuku ijina dindi, yejima yinakayilejaŋa; ninyilambu yenu yakushita, niyimuna yenu yakuketula, niyenu yamwikumi, ninyilambu yenu yakuleleka yimwakahanaŋa, nikudishiila kwenu kwejima kwasweja kuwahakumwakadishiila kudi Yehova.

¹²Himwakazaŋalalaŋa kumesu aYehova Nzambi yenu, ninenu ni anyanenu amayala ni anyanenu awambanda, niaŋambajenu amayala, ni aŋamba jenu awambanda, nikaLevi wakekala hamukalawenu, muloŋa yena hakweti hela iseka hela wuswana hamu nanenuku.

¹³Babalaku wakenza kalambula nyilambu yeyi yakushita kwonsu kuwunamoni kwoku;

¹⁴chiŋa chipela chakatondayi Yehova kumuza wenu wumu, diku kwenoku hohu kuwakatwalaŋa nyilambu yeyi yakushita, dikukuwakelaŋa mwejima munakakulejaŋa.

¹⁵Kwinza kujaha mbiji nakuyidya, mwakajahaŋa tuhu nakudya munyikalayenu yejima, mwonsu mwakeŋa ela nyichima yenu, mwakayikoolekeshelayi Yehova Nzambi yenu nakuyinka; niamajilu niatooka akatweshaŋa kudya neyi chadyaŋawu mbaala nankayi.

¹⁶Hakwinza mashi bayi mwakayidyaku; mwakayimwaŋilaŋa hamaseki neyi meji.

¹⁷Yamwikumi yatidikuyeyi, hela yavinyu yeyi, hela yamanji eyi, hela tuhu awedi akwitaŋa deyinakwiyinda deyi, hela kudishiila kuwakadishiila, hela nyilambu yeyi yakulambula chakumuchima weyi, hela himulambu wakuleleka wuwakalambulaŋa, kutwesha kuyidiila kumukala weyi nehi;

¹⁸chiŋa wakayidiila kumesu aYehova Nzambi yeyi kuchipela chakatondayi Yehova Nzambi yeyi, wakadya nineyi, nimwaneyi weyala, nimwaneyi wamumbanda, niŋambayeyi weyala, niŋamba yeyi wamumbanda, nikaLevi wakekala hamukalaweyi; hiwakazaŋalala kumesu aYehova Nzambi yeyi nayuma yejima yiwakakwata chikasa.

¹⁹Babalaku wakabuli kumúumba kaLevi nyakaye jima yiwakashakama mwituŋa deyi.

²⁰Chakatoheshayi Yehova Nzambi yeyi ŋinza yeyi mwakukaniniyi hiwakela neyi, ami nakeŋi kudya mbiji; ochu chiwunakeŋi mumuchimaweyi kudya mbiji, wakadya tuhu mwonsu mwakeŋa ela muchima weyi.

²¹Neyi kuchipela chakatondayi Yehova Nzambi yeyi kushaku ijina dindikunakuleheli, wakajahi yanakwinkiyi Yehova hela yakwitaŋa deyi helayakwiyinda deyi, mwomu munakuleji, wakadiili tuhu hamukala weyimwonsu munakeŋi muchima weyi.

²²Mwakadyi neyi chimwadyaŋa mbaala nankayi, niamajilu niatooka fakudya tuhu hohamu.

²³Helachochu, chiŋa wakashinshikaŋa wakabuli kudya mashi; muloŋa mashi diwuwumi, bayi wakadiila wumi hamu nambŋuku.

²⁴Bayi wakayidyaŋaku, wakayimwaŋilaŋa hamaseki neyi meji.

²⁵Bayi wakayidyaŋaku kulonda wakashakami chachiwahi, nianyaneyi akalondelaŋamu, chiwakelaŋa chaloŋa kumesu aYehova.

²⁶Ilaŋa yuma yeyi yajila yiwukweti niyiwadishiila wakayisendi, wakayi nayu kuchipela chakatondayi Yehova.

²⁷Nyilambuyeyi yakushita, wakalambuli nimbiji nimashi, hakameŋa kaYehova Nzambi yeyi; mashi ayimuna yeyi yiwakaketulaŋi wakayi mwaŋilaŋa hakamena kaYehova Nzambi yeyi, mbiji wakadya.

²⁸Shaku muchima wutiyi mazu awa ejima inukukuleja, kulonda wakashakami chachiwahi nineyi nianyaneyiamba kakulondelaŋa, chiwakelaŋa chachiwahi chaloŋa kumesu aYehova Nzambi yeyi.

²⁹Chakela Yehova Nzambi yeyi nafumishi dehi nyuza kuwukuyeyi, okukuwukuya nakuyiheta, chiwakela wunayiheti dehi wunashakami dehi mwituŋa dawu;

³⁰hakela anayijilumuni dehi, wakababalaŋa kuchina kufwamumuhetu wakulondela mwelaŋawu; kuchina kwihujola akishi awu, hiwakela neyi, Indi nyuziyi yapeshaŋa ŋahi akishi awu? Ninami nilumunawa.

³¹Bayi wakamwilaŋa Yehova Nzambi yeyi chochochuku; muloŋayejima yahelaŋayi Yehova yamonaŋayi nindi yakushimana, diyi yelilaŋawu akishi awu; muloŋa hela anyanawu amayala hela anyanawu awambanda ayochelaŋa tuhu akishi awu mukesi.

³²Chonsu chinukuyileja chiŋa mwakashaku muchima wakwilamu; bayi mwakalunjika kwokuku, hela kufumishaku nehi.