Read MUKANDA WANZAMBI Deuteronoma 13 Bible Online

Deuteronoma 13 - MUKANDA WANZAMBI bible

Deuteronoma 13

¹Neyi mukachi kenu mwakamwekana kaprofwetu, indi kwiji mukwakulota malota, wakayileja chinjikijilu hela chihayamisha,

²ochu chinjikijilu hela chihayamisha chahosheliyi naneyi hichikumwekana, hakwila nindi, Tulondelenu akishi lwabulili kwiluka, tuyipeshenu;

³bayi wakatiyilila mazu anowu kaprofwetu hela anowu mukwakulota malotaku; muloŋa Yehova Nzambi yenu wudi nakuyeseka, eluki neyi mwamukeŋa Yehova Nzambi yenu nanyichima yenu yejima, nawumi wenu wejima.

⁴Mwakendaŋa mwakuyayi Yehova Nzambi yenu, mwakamutiyaŋa woma, mwakelaŋ mwakuyilejayi, mwakovwahilaŋa izu dindi, mwakamukala kelaŋa, mwakamulamati mbe.

⁵Owu kaprofwetu, hela owu mukwakulota malota akamujahi, muloŋa nahoshi dehi jakuleta winyi naYehova Nzambi yenu wayifumishili mwituŋa daEjipitu, wayikuulili mwitala dawuduŋu, nalondikukufumisha munjila yakulejeliyi Yehova Nzambi yeyi nindi endakumu. Dichi chimwakafumishaŋa chuma chatama mukachi kenu.

⁶Neyi mana kweyi, mwana kamama yeyi, hela mwaneyi weyala, helamwaneyi wamumbanda, hela iŋodeyi wakunyima, hela ibwambu deyi wudineyi muchima weyeyi aweni, neyi wukukudimbeka hambadi, nindi, Tuyinakupesha akishi iwabulili kwiluka hela eyi, hela ankakulula jeyi;

⁷owuakishi anyuza yanyeŋumuka kwakwihi naneyi kwi-ndo, hela yidi kwakulehinaneyi, kufumisha kunsa yeseki yimu ndo nikunsa yeseki yi kwawu;

⁸bayi wakamwitiji hela kumutiyililaku; disu deyi bayi dakamutala naluwuku, bayi wakamwanakena hela kumuswekaku;

⁹chiŋa wakamujahi hohu; chikasa cheyeyi dichi chakasambilaŋahu dehi kumujaha, makasa awantu ejima akakumininuku.

¹⁰Wakamwasi malola afwi; muloŋa wakeŋa a kukufumisha kudi Yehova Nzambi yeyi wakufumishili mwituŋa daEjipitu, mwitala dawuduŋu.

¹¹AIsarela ejima akachitiya, akatiya woma, akabuli kwila cheŋi kutama kudi chochochu mukachi kenu.

¹²Nyikala yakakwinkayi Yehova Nzambi yeyi kushakamamu, neyiakakushi mwinahu mukala wumu,

¹³nawu, Mukachi kenu munafumi amayala amukunkulwayi anadimbeki dehi akwamukala wawu, nawu, Tuyenu twakapeshi akishiimwabulili kwiluka;

¹⁴mwakehulamu, mwakashinshika muchachiwahi, mwakehujolamu chakashinshi; himwakamoni dimuchalala, chumochu chakumona chikupu, chumochu chakushimana anachikoŋi mukachi kenu;

¹⁵akwamukalowu chiŋa mwakayitapi nampoku yakabali, mukalowu mwakawujilumuni shati chikupu, niyuma yekalamu yejima, niyimuna yawu, nawumwemu wampoku yakabali.

¹⁶Yumayawu yimunapupi yejima mwakayipompesheli mukachi kamukwakwawa mumukalowu, mwakamwocheli Yehova Nzambi yeyi mukalowu niyumayawu yimunapupi yejima mukesi, nikamu kakashalahu nehi; wakekalaŋa mulumba wahaya nyaka; hiyamba kawutuŋiulula nawa cheŋuku.

¹⁷Bayichuma chashiŋewa chakakulamati kuchikasa cheyuku; kulonda kuzuwakwa Yehova kunasweji kufwomoki, akutiyili luwi niwushona, wusemununi, mwomwasanyikililiyi ankakulula jeyi;

¹⁸chiwakatiyilila mwizu daYehova Nzambi yenu hiwukuhemba kuleja kwindi kwejima kunakuleji lelu hiwukwilachaloŋa mumesu aYehova Nzambi yeyi.