Read MUKANDA WANZAMBI Deuteronoma 15 Bible Online

Deuteronoma 15 - MUKANDA WANZAMBI bible

Deuteronoma 15

¹Mwaka wakujikishaŋa muyitanu nayiyedi, yitanu nayiyedi, kudeyi wakekalaŋa wakuleka.

²Tiya muwakalekelaŋa; antu ejimaasondamisha yuma yawu akaleka yuma yasondamishiluwu akwawu; hiyakakala yuma yawu kudi akwawu hela kudi ana kwawuku; muloŋanashimuni dehi kuleka kwakulekela Yehova.

³Muntu wakwacheŋiwukumukala tuhu; kwinza chadiiliyi mana kweyi wakachileka.

⁴Helachochu, kudeyi hikwakekala atuzweŋuku; muloŋa Yehova wakabadika kukukoolekesha mwituŋa dakukwinkayi Yehova Nzambi yeyi dawuswana wakuheta;

⁵neyi wakatiyilila chachiwahi mwizu daYehova Nzambi yeyi nakusha muchima wakwila kulejiku kwejima kunukukuleja lelu.

⁶Muloŋa Yehova Nzambi yeyi wakakukoolekesha mwakukaniniyi; eyi wakasondamishaŋa nyuza yayivulu, ilaŋa eyi kusondama nehi; eyiwakayulaŋa nyuza yayivulu, ilaŋ wena hiyakayuleyuku.

⁷Neyi hamukala wumu wetuya deyi dakukwinkayi Yehova Nzambi yeyi hakekala mana kwenu wumu kazweŋi, bayi wakamuchinchikishila muchimaweyi hela kumukamatila chikasa cheyi owu mana kweyi kazweŋuku;

⁸chalala chiŋa wakamukamunwina chikasa cheyi, eŋa chalala chiŋa wakamusonda mishahohu, wakawanishi yanabuliyi yanakaŋanyiyi.

⁹Babalaku wakenzakatoŋojoka chuma chatama mumuchima weyi, chakwila neyi, Mwaka wamuchitanu nachiyedi, wowu mwaka wakuleka, wudi kwakwihi; nidisudeyi hidikumutamina mana kweyi wakazweŋi hiwukubula kumwinka chuma; niyena hakakudilila kudi Yehova, kudeyi hichakekala nshidi.

¹⁰Chalala chiŋa wakamwinkaŋa hohu, chiwukumwinka bayi wutiya kutama mumuchimaweyuku; muloŋa chena chumichi dichi chakakukoolekeshelayi Yehova Nzambi yeyi munyidimu yeyi yejima, nimuyuma yejima yiwaka kwata chikasa.

¹¹Muloŋa himwamba kabula kazweŋi mwituŋa ku; dichi chinuku kulejela nami, Chalala chiŋa wakamukamunwina mana kweyi chikasacheyi, niweyi wabula, nikazweŋi keyi, mwituŋa deyi.

¹²Neyi akakulandisha mana kweyi kaHeberu weyala, hela kaHeberu wamumbanda, nakukalakeli dehi nyaka yitanu nawumu, mumwaka wamuchitanuna chiyedi wakamuleki akadiyili kwindi, nafumi dehi muwuduŋu.

¹³Chiwaka muleka afumi muwuduŋu, bayi wakamuleka akayi makasakasaku;

¹⁴wakamwinki chachiwahi niyamwiyinda deyi niyahawuhulilu weyi, niyamuchikalaŋa cheyi, niyamuwukamwinu weyi wavinyu; mwanakukoolekesheliyi Yehova Nzambi yeyi dimu muwakamwinkela.

¹⁵Wakaanukaŋi chiwadiŋi nduŋu mwituŋa daEjipitu, hiyakukukuula kudi Yehova Nzambi yeyi; dichi chinukukulejela chumichi lelu.

¹⁶Hiwumoni hakukwila nindi, Ami kwami hinukufuma kudeyuku; nakukeŋi dehi nimutaŋa weyi, nanochuchanashakamiyi naneyi chachiwahi;

¹⁷henohu hiwakatambula mumba, hiwakamulokwela itu dindi kuchenzelu, hakekala ndupu yeyi wahaya nyaka. Ninduŋu yeyi wamumbanda wakamwilaŋa chochimu.

¹⁸Hiwakamonakukala kumuleka afumi muwudupuku, muloŋa yena nakukalakeli dehi nyaka yitanu nawumu, mwakwila neyi wadiŋi ŋamba wakukwata wadikukalakalamu maŋampa kayedi; niYehova Nzambi yeyi wakakukoolekeshamuyuma yejima yiwakela.

¹⁹Awedi amayala ejima akuvwalika nimwitaŋa deyi nimwiyinda deyi wakamujilikilaŋawu Yehova Nzambi yeyi; ŋombi yeyi weyala wawedi bayi wakakalakala nachuku, hela mukoku weyi wawedi bayi wakamutewulaku.

²⁰Wakamudiili, nineyi niakwitala deyi, kumesu aYehova Nzambi yeyi hamwaka hamwaka kuchipela chakatondayi Yehova.

²¹Neyi wukwetihindi hataminayi, kwiji wabalakataŋa, indi kwiji himputamesu, indi kwijiwatama ŋahi indi kwiji ŋahi, bayi wakamuketwila Yehova Nzambi yeyuku.

²²Wakamudiili hamukala weyi; akamudiila hamu niantu amajilu niatooka, neyi chimwadyaŋa mbaala nankayi.

²³Hakwila mashi awu bayi wakayidyaku; wakayimwaŋila hamaseki neyi meji.