Read MUKANDA WANZAMBI Deuteronoma 17 Bible Online

Deuteronoma 17 - MUKANDA WANZAMBI bible

Deuteronoma 17

¹Bayi wakamuketwila Yehova Nzambi yeyi hela ŋombi hela mukokuwukweti hindi hataminayi, wukweti kutama nikwantuku; muloŋachenochu kudi Yehova Nzambi yeyi hikushimana.

²Neyi mukachi keyi hamukala wumu wanakwinkiyi Yehova Nzambi yeyi, akawanamu iyala hela mumbanda wudi nakukoŋa chatama kumesu aYehova Nzambi yeyi, wudi nakumotoka chitiyaŋenu chindi,

³hakuya nakupeshaakishi, hakudifukula kudi wena, hela itaŋwa, hela kakweji, hela yileŋaleŋa yamwiwulu, yinabuhli kuyileja;

⁴hiyakakulejamu, hiwunachitiyi dehi, henohu wakehujolamu chachiwahi, hiwutali neyi chalala, chumochu chakumonaŋika, kushimana oku anakukoŋi muIsarela;

⁵henohu owu iyala, helabawu mumbanda, nakoŋi chumochu chatama wakamwidishi, wakamushikŋi kuyenzelu yampwembu yeyi, owu iyala hela owu mumbanda; wakayasimalola, akafwi.

⁶Mukwakufwa kumujaha chiŋa mukanwa kawayinsahu ayedi, hela ayinsahu asatu; kumujaha mukanwa kachinsahu wumu nehi.

⁷Makasa awayinsahu diwu akasambilaŋahu dehi kumujaha, makasa awantu ejima akakumininuku. Mwenomu dimu muwakafumishilaŋa kutamamukachi keyi.

⁸Neyi kwakasoŋa nsaŋu yakakukalila muwusompelu, hela yambandu nambandu, hela yakudiholokela, hela yakudeta, jansaŋu jakufwilaŋena munyikala yeyi; henohu wakanyamuki wakayi kuchipela chakatondayi Yehova Nzambi yeyi;

⁹wakenzi kudi atupristu aLevi, nikudi nsompeshiwakekalaku hamafuku owu, wakehuli; akakuleja muwuketwilu wawuŋaji;

¹⁰wakeli mwanaketwiluwu, mwanakulejuwu kuchipela chakatondayi Yehova; wakashi muchima wakwila mwonsu mwanakulejuwu;

¹¹munayinshimbi jakakulejawu, nimunayi wuŋaji wakakulejawu, dimu muwakeli; bayi wakasenuka muwuketwilu wanakulejuwu, wuya kuchikasa chachidiilu, hela kuchimunswaku.

¹²Muntu wakaleta Ŋovu jákubula kutiyilila kapristu wakemanaŋa nakukalakala kwenoku kumesu aYehova Nzambi yeyi, helajákubula kutiyilila nsompeshi, yenowu muntu wakafwa; wakafumishikutama muIsarela.

¹³Antu ejima akachitiyi, akatiyi woma, akabuli kuletacheŋi Ŋovu.

¹⁴Chiwakashika mwituŋa dakakwinkayi Yehova Nzambi yeyi, chiwakadiheta, hiwakashakamamu, hiwakela neyi, Tali nidiishumu mwanta wamiwalukanu, neyi chidi nyuza yejima yannyeŋumuka kwi-ndo;

¹⁵mwantaweyi walukanu iwakadiishamu chiŋa yowu akatondayi Yehova Nzambi yeyi, wakadiishumu mwanta weyi walukanu wahadi ana kweyi; muntu wakwacheŋi wákubula kwikala mana kweyi kutwesha kumwilisha mwantaweyi nehi.

¹⁶Hela chochu bayi akadivulishila tuwaluku, hela kufuntisha cheŋi antu kuEjipitu kulonda akavulishi tuwalu nehi; muloŋa Yehova nayili dehi nindi, Kufumisha hanu bayi mwakafunta cheŋi njiloyuku.

¹⁷Helakuvulisha ambanda bayi akadivulishilawuku, akenza kamuteŋulula muchima windi; hela kuvulisha siliva nawuru, bayi akasweja kudivulishila yuku.

¹⁸Chakela neyi nashakami dehi hetanda dawanta windi, akasonekina kukoŋa nshimbiji mumukanda, mwaya owu wekala kudi atupristu aLevi;

¹⁹wakekalaŋa nawu, wakataŋaŋamu mafuku indi ejima akahandayi, kulonda akadizaŋa kumutiya Yehova Nzambi yindi woma, kulonda akahemba ŋamazu ejima anshimbiji niyidikiyi, kulonda kwilamu;

²⁰kulonda akabuli kudivwimba kwakudibadisha hadi ana kwindi, akabuli kusenuka mwayakuleja, ayi kuchikasa chachidiilu hela kuchimunswa; kulonda akavulishi mafuku indi muwanta windi, niyena ni anyanindi muIsarela.