Read MUKANDA WANZAMBI Deuteronoma 19 Bible Online

Deuteronoma 19 - MUKANDA WANZAMBI bible

Deuteronoma 19

¹Chakafumishayi Yehova Nzambi yeyi nyuzoyu yikweti ituŋa dikukwinkayi Yehova Nzambi yeyi, nineyi hiwukuhiŋamu, hiwukushakamanimunyikala yawu nimumatala awu;

²mwituŋa deyi dakukwinkayi Yehova Nzambi yeyi kudiheta wakaambulumu nyikala yeyi yisatu.

³Wakaloŋeshinjila yeyi, ŋinza jetuŋa deyi dakukuswanishayi Yehova Nzambi yeyi wakadibalula yibalu yisatu, kulonda mbanji akatemukiluku.

⁴Tiya nsaŋu yambanji wakatemukilaku hakuhanda; yowu wukujaha mukwawu chakuluwukila, wabulili kumukwatila nkunyi hadiŋiyi wamumi.

⁵Chidi neyi muntu wukuya mwisaŋa namukwawu nakutema nyitondu, chakwilayi nindi anonaŋa chizembi atapi mumutondu awutemi, chizembi hichikuzokoka mumuhinyi, hichikukwata mukwawu, hakufwa; wakatemukilakumukala wumu wayena nyikaloyu, wakahanda;

⁶mukwakutendamashi wakenza kamuhapa mbanji hachidiyi neyena kumuchima, hakumukwata nanochu chiyinalehi njila, hakumutaŋa, hakufwa; kutoŋa yena hateleleli kufwaku, muloŋa hadiŋiyi wamumi hadiŋi nindi nankunyuku.

⁷Dichi chinukukulejela nami wakaambulumu nyikala yeyi yisatu.

⁸Neyi Yehova Nzambi yeyi wakakutoheshela ŋinza yeyi mwasanyikililiyi ankakulula jeyi, hakakwinka ituŋa dejima dakaniniyi kwinka ankakululajeyi;

⁹neyi wunalami mukuleja kwejimiku kunukukuleja lelu nakwilamu, nakukeŋa Yehova Nzambi yeyi, nakwenda munjila jindi haya nyaka, henohuwakalunjikuku nyikala yeyi yisatu yakubombela hayeniyi yisatu;

¹⁰kulondaakabuli kupwekesha mashi amuntu wakadi muloŋa, mwituŋa deyi dakukwinkayi Yehova Nzambi yeyi kudiswana; kuchina kukoola mashi.

¹¹Ilaŋa neyi hadi muntu wukukwatila mukwawu nkunyi, wukumubelamina, hakumunyamukila, hakumutapila hawumi, hakufwa, niyenahakutemukila kumukala wumu wayena nyikaloyu;

¹²henohu awakulumpi akumukala wawu akatemeshi nakumutambwilaku, akamuhani kudi mukwakutendamashi kulonda akafwi.

¹³Disu deyi bayi dakamutala naluwuku, mashi amuntu wakadi muloŋa chiŋa wakayifumisha muIsarela, kulondawakashakami chachiwahi.

¹⁴Bayi wakatutulula chinjikijilu chakwiluka nachu ŋinza yamukwenu, chashiluwu dehi ahashankulu muwuswana weyi iwakaswana mwituŋa dakukwinkayi Yehova Nzambi yeyi kudihetaku.

¹⁵Chinsahu wumu kumunyamukila muntu nansaŋu yakuluwa nehi, hela namuloŋa himuloŋa wanavulumuniyi; nsaŋu akayikoleshela kutunwatwawayinsahu ayedi, hela kutunwa twawayinsahu asatu.

¹⁶Neyi chinsahuwakutwamba wakamunyamukila muntu nakumushimuna wunsahu wakwilanindi neli chuma chatama;

¹⁷henohu wenowu antu ayedi, asamuŋanasa muloŋa, akemani kumesu aYehova ni kumesu awatupristu nawansompeshiakekalaku hamafuku owu;

¹⁸ansompeshi akehujoli chachiwahi; neyi akamona chinsahu hichinsahu wakutwamba, nashimuni dehi wunsahuwakutwambila mana kwindi,

¹⁹henohu mwakamwili mwomwakeŋa eliyi kumwila mana kwindi; dichi chiwakafumisha chuma chatama mukachi keyi.

²⁰Anashali akachitiya akatiya woma, akabuli kwila cheŋi mukachi keyichuma chatama chidi neyi ochu.

²¹Disu deyi bayi dakatala naluwuku; wumi nawumi, disu nadisu, ŋi neji, chikasa nachikasa, mwendu namwendu.