Read MUKANDA WANZAMBI Deuteronoma 2 Bible Online

Deuteronoma 2 - MUKANDA WANZAMBI bible

Deuteronoma 2

¹Henahana twabalumukili, twaholokeleli munjila yetu, twayili mwisaŋa njila yakuKaluŋalwiji Kachinana, mwomwahosheliyi Yehova nanami; twanyeŋumukili mpodi yaSeyiri mafuku amavulu.

²Yehova wahosheli nanane,

³nindi, Mpidiyi munayinyeŋumuki hanalehi dehi; balumukenu muyi kukabeta kakuchimunswa.

⁴Yileji antu, neyi, Mukuhita muŋinza yawana kwenu anyana kaEsawu ashakama kuSeyiri; akayitiya woma. Dichi dinu babalenu;

⁵bayi mwakazuŋa nawuku, muloŋa ami hinakayinka ituŋa dawuku, hela tuhu kachibalu kakudatila muntuidachiluku; muloŋa mpidi yaSeyiri nayinki dehi Esawu yawu.

⁶Yakudya yimwakadya mwakalanda kudi wena chakulanda namali, meji akunwa mwakalanda kudi wena chakulanda namali.

⁷Muloŋa Yehova Nzambi yeyi nakukoolekeshi dehi kunyidimu yakumakaseyi yejima; yena nelukikwenda kweyi kuwunendi mwisapidi dasweja kutoha; nyaka makumi awana iyi Yehova Nzambi yeyi wadiŋi naneyi, hiwunabuli chumaku.

⁸Tuŋandakana hadi ana kwetu anyana kaEsawu ashakamini kuSeyiri, hitukuya njila yachana, tufuma nikuElati nikuEziyoni Geberi. Hitukubalumuka, hitukuhitila njila yesaŋa daMowabi.

⁹Yehova waŋilili nindi, Bayi wuyikabisha aMowabuku, bayi wudasanawu njitaku; muloŋa ami hinakakwinka ituŋa dawu nami wakadihetuku, muloŋa anyana kaLoti nayinka dehi Ari himpata yawu.

¹⁰AEmi diwu ásambilili kushakama kwenoku, adiŋi antu amaneni amavulu, ataluka neyi chadiŋuwu aAnaki;

¹¹niwena nawa ayesekejelinawu aRefwa neyi chadiŋuwu aAnaki; ilaŋa aMowabi kwawu ayiteneninawu aEmi.

¹²AHori nawa niwena ashakamini muSeyiri hásambilili, mwalondeli anyana kaEsawu; chenjiluwu ayijilumwini to-o kwayiluwu, ashakamini mwadiŋuwu; neyi cheliluwu aIsarela netuŋa daheteluwu, dayinkeluwu kudi Yehova.

¹³Ichi dinu nyamukenu mwakazambuki kakaloŋa Zeredi. Tuzambu kanikakaloŋa Zeredi.

¹⁴Mafuku itwafumini kuKadeshi Baraneya nakushikahitwa zambukili kakaloŋa Zeredi, ashikili munyaka makumi asatu nayitanunayisatu; ninichi chanoŋeli ikiŋu dawakwanjita to-o muchilombu, mwomwayisanyikililiyi Yehova.

¹⁵Ninochu chikasa chaYehova chadiŋi hadiwena nakuyijilumuna muchilombu ninichi chanoŋeluwu to-o

¹⁶Chelili akwanjita ejima ananoŋi dehi nakufwa to-o mukachi kawantu,

¹⁷Yehova hakuhosha nanami,

¹⁸nindi, Lelu wukumotoka Ari ŋinza yaMowabi;

¹⁹chiwakashika kwakwihi nakwatalaŋana nawanyana kaAmoni, bayi wakayikabishaku, bayi wakazuŋa nawuku; muloŋa ami hinakwinki ituŋa dawanyana kaAmoni nami wakadihetuku; muloŋa nadinka dehi anyana kaLoti dawu.

²⁰Nidena ituŋodu nawa adeseka dehi nawu dawaRefwa; hásambilili aRefwa ashakaminumu; ilaŋa aAmoni kwawu ayiteneni nawu aZamizumi;

²¹adiŋi antu amaneni, amavulu, ataluka neyi chadiŋuwu aAnaki; Ilaŋa Yehova wayijilumwini kumesu awu, ahiŋilumu, ashakamini mwadiŋuwu.

²²Neyi chayilililiyi anyana kaEsawu ashakama muSeyiri hajilumwiniyi aHori kumesu awu; ahiŋilumu, ashakamini mwadiŋuwu nikulelu;

²³niaAvi ashakamini munyikala yashika nikuGaza, wowaKafwatori afumini kuKafwatori, ayijilumwini, ashakamini mwadiŋuwu.

²⁴Nyamukenu, muholokeli munjila yenu, mwakahiti muchinekine kichaArinoni zwa nikwishinadi, talenu nayinkiyi dehi Sihoni kaAmori, mwanta wakuHeshiboni, niituŋa dindi; tachikenu kudiheta; kadasenunindi njita.

²⁵Lelu nukutachika kusha munyichima yawantu ashakamamwishina dewulu dejima nikukwakama nikukutiya woma, yowu wakatiyampuhu yeyi wakazaala woma, wakatiya nikumuchima lezu hansaŋu yeyeyi.

²⁶Ami natemesheli antemesha, afumini mwisaŋa dakuKedemoti ayilikudi Sihoni mwanta wakuHeshiboni namazu amawahi,

²⁷nami, Nlekinihiti mwituŋa deyi, nakahita kwamumukwakwa, hinakasenukamu niyahela kuchikasa chachidiilu hela kuchimunswaku.

²⁸Wakanlandisha yakudya namali kulonda nakadyi; wakanyinka meji akunwa namali; kumina dakunleka nihitumu kwananyendu yanji hohu;

²⁹mwomwaŋililuwuanyana kaEsawu ashakama muSeyiri, nawaMowabi ashakama muAri; ninichi chinakazambuka Yodana nakuya mwituŋa dakutwinkayi Yehova Nzambi yetu.

³⁰Ilaŋa Sihoni mwanta wakuHeshiboni hatwitiyili kwindi kuhitila kudiyenaku, muloŋa Yehova Nzambi yeyi wachinchikishili spiritu yindi, washilŋkudikaŋ kumuchima windi kulonda amuhani kudeyi neyi chimunamoni lelu ichi.

³¹Yehova waŋilili nindi, Tala natachiki dehi kuhana niSihoni niituŋa dindi kudeyi; tachikaku kudiheta, kulonda wuswani ituŋa dindi.

³²Henahana Sihoni wenjili nakutwasa njita, niyena niantu indi ejima, kuYahazi.

³³Yehova Nzambi yetu watwinkeliyi kutwayili; twamutapiliniyena ni anyanindi amayala, niantu indi ejima.

³⁴Henahana twatambwilinyikala yindi yejima, twajilumwini chikupu nyikala yejima yashakaminuwu antu, niambanda nianyana anyanya kumu; hitwashiyili hoku muntuniwumuku;

³⁵twatambwiluku kwayimuna hohu netu yuma yakupuŋa, niyuma yamunyikala yitwapupili.

³⁶Hitwamweni mukala wutwakaŋenyina mpwembu kulehaku, kufumisha kuArowenai wekala kunsa yachinekineki chaArinoni, nikumukala wekala muchinekineki, lusu nikuGileyadi; Yehova Nzambi yetu watwinkeliyi yejima kutwayili;

³⁷ituŋa diwabulili kuswilakwakwihi dodawanyana kaAmoni dodishinadi daYaboki dejima, ninyikalayamwituŋa damapidi nikwejima kwatulekesheliyi Yehova Nzambi yetu.