Read MUKANDA WANZAMBI Deuteronoma 20 Bible Online

Deuteronoma 20 - MUKANDA WANZAMBI bible

Deuteronoma 20

¹Chiwakanyamuka nakuya nakulwa nawayilumbu jeyi, neyi wakamonanituwalu, nimakálu, niantu akubadikeyi kuvula, bayi wakayitiyawomaku; muloŋa Yehova Nzambi yeyi wakufumishili mwituŋa daEjipitu wudi nindi.

²Chakela neyi munakundami dehi kwakwihi nanjita, kapristu akenzi nakuhosha nawantu,

³akayili nindi, Tiyenu, enu aIsarela, leluhimukukundama kunjita mulwi nawayilumbu jenu; bayi muzeya munyichimayenuku, bayi mutiya woma, hela kuzaala, hela kuyakamaku,

⁴muloŋa Yehova Nzambi yenu diyi mudi nakuya nindi, ayasili njita nawayilumbu jenu, ayamwini.

⁵Atulala akahoshi nawantu nawu, Hadi iyalanyi natuŋiitala dadiha, nabuli kudikunjika kudi Nzambi? Ayi kwindi, afunti kwitala dindi, wakenza kafwila tuhu kwindi kunjita, iyala wacheŋi hakadikunjika.

⁶Hadi iyalanyi nadimi itempa danyivinyu, nabuli kudi ilamu nyikabu yadu? Ayi kwindi, afunti kwitala dindi, wakenza kafwila tuhu kwindi kunjita, iyala wacheŋi hakamudiila nyikabu yadu.

⁷Hadi iyalanyi noti mumbanda, nabuli kumutambula? Ayi kwindi, afunti kwitala dindi, wakenza kafwilatuhu kwindi kunjita, iyala wacheŋi hakamutambula.

⁸Atulala akanuŋuku cheŋi kuhosha nawantu, akayili nawu, Hadi iyalanyi natiyi woma, nazeyimumuchima? Ayi kwindi, afunti kwitala dindi, nyichima yawana kwindi yakenza kasuŋunukila kumu namuchima windi.

⁹Chakela neyi atulala anakumishi dehi kuhosha nawantu, akaambulumu awakulumpi amajita akutwaminaŋa kumbidi yawantu.

¹⁰Chiwakakundama kwakwihi namukala nakulwa nawu, wakasambilakuwubidikisha jakumwena.

¹¹Chakela neyi anakwakuli jakumwena, neyianakwenzulwili, antu ejima wakawana mwenomu akekala ayilolu jeyi, akakukalakelaŋa.

¹²Neyi wena kwonti kwawu kuhosha jakumwena naneyi, anakeŋi kwawu kudasa njita naneyi, hiwakawukuchika.

¹³Chakakuhanawu kudi Yehova Nzambi yeyi, wakatapa amayala ejima ekalamu nawumwemu wampoku yakabali;

¹⁴ilaŋamba nda nawanyana anyanya nayimuna, niyuma yejima yekala mumukala, kafwampi yoyuma yakupupa yejima, wakapupi yeyi aweni; yuma yakupupa kudi ayilumbu jeyi yanakwinkiyi Yehova Nzambi yeyi wakayidyi.

¹⁵Mwenimu dimu muwakela nyikala yejima yekala kwakulehi nankashi naneyi, yakadi kwikala nyikala yanyuzoyu.

¹⁶Kwinza nyikala yanyuzoyu yikukwinka Yehova Nzambi yeyi kuswana, bayi wakahandisha mwoku wonaŋaku;

¹⁷chiŋa wakayijilumuna chikupu; nikaHiti, ni kaAmori, nikaKenani, nikaPerizi, nikaHivi, nikaYebusi; mwomwanakulejiyi Yehova Nzambi yeyi;

¹⁸akenza kakuleja kwila mwashimanaŋawu mwejima, mwayililaŋawu akishi awu; himwakamuvulumu naYehova Nzambi yenu.

¹⁹Chiwakakuchika mukala haleha, nakulwa nawu neyi wuwutambuli, bayi wakakisaŋana nyitondu yawu nakutapaku chizembuku, muloŋa diyiwadyaŋa, bayi wakayitemaku; ochu mutondu wamumpata himuntu mwakawuwukuchiki?

²⁰Nyitondu yiweluka neyi hinyitondu yakudyaku yoyuwaka kisaŋana nakutema; mukalowu wukukwasa njita hiwakawutuŋilayitamba kulonda wakawuzeyeshi.