Read MUKANDA WANZAMBI Deuteronoma 21 Bible Online

Deuteronoma 21 - MUKANDA WANZAMBI bible

Deuteronoma 21

¹Mwituŋa dakukwinkayi Yehova Nzambi yeyi kudiheta, neyi akawana muntu anamujahi, nakami mumpata, kwiluka namutapi nehi;

²henohu awakulumpi jeyi nawansompeshi jeyi akenzi, akeseki kunyi kalayina nyeŋu muki owu anajahuwu;

³owu mukala wakamonawu wudikwakwihi namuntu anajahuwu, awakulumpi amumukalowu akakwati iyoŋa daŋombi wamukaji wamwitaŋa, anabuli kukoŋahu dehi nachu mudimu, wabulahu dehi kukoka mpanda;

⁴awakulumpi amumukalowu akamukunkumwishi ŋombi owu muchinekineki chi kweti meji adi nakuhita, chakadi kudimahela kuti imbamu, akakotoli nshiŋu yaŋombi mwenomu muchinekineki.

⁵Atupristu anyana kaLevi akenzi kwakwihi; muloŋa diwu anatondiyi Yehova Nzambi yeyi nikumukalakela nikukisula nkisu mwijina daYehova; ninyiloŋa yejima nimwanadeteluwu antu mwejima akasompelaŋa kwokukanwa kawuwena;

⁶awakulumpi ejima amumukalowu wudi kwakwihi namuntu anajahuwu, akesukili haŋombi anakotoluwu nshipu muchinekineki;

⁷akaakuli, akelinawu, Makasetu hiyanapwekeshi mashi awaku, hela tuhu kuchimona hunamesu etu nehi.

⁸Eyi Yehova, yanakeni antu eyi aIsarela iwunakúuhi, bayi witŋi mashi akadi muloŋa kwikala mukachi kawantu eyi aIsarela ku. Nimashiowu akayanakenawu.

⁹Dimu muwakafumishila mashi akadi muloŋa mukachi keyi, chiwakela chaloŋa kumesu aYehova.

¹⁰Chiwakaya nakudasa njita nawayilumbu jeyi, niYehova Nzambi yeyi hakayihana kudeyi, hiwakayitwala nimuwukoli,

¹¹hiwakamona nimumbanda walubanji mukachi kawankoli, hiwakamukeŋa, neyi wumusumbuli;

¹²henohu kamutwali kumukala weyi, akatewuli namutu windi, akateti mazalindi;

¹³akavúuli wuvwalu windi wawukoli, akashakami mwitala deyi nakudila tata yindi namama yindi kakweji kamana chikupu; nkumininakuhiwakeŋa ila mwadiyi, hiwakekala nfumwindi, niyena hakekala iŋodeyi.

¹⁴Hiwumoni neyi hanakuwahiluku, wakamuleki tuhu akadiyili kwindi kwonsu kwanakeŋiyi kwoku; bayi wakamulandisha namaluku, bayi wakamwila mwamwilaŋawu nduŋuku, muloŋa wunamusawuli dehi.

¹⁵Neyi iyala wukweti ambanda ayedi, wakeŋa ahu wumu mukwawu kumukeŋa nehi, wejima wawu anamuvweli nyana, niwakeŋa ayi niwabulakukeŋayi, ni mwana weyala wawedi nekali wanowu abula kukeŋayi;

¹⁶ifuku dakaswanishayi anyanindi amayala akwetiyi, bayi akamwila mwanaka mumbanda akeŋayi akekali wedi wakubadika mwana kamumbanda abula kukeŋayi wudi dehi weduku;

¹⁷chiŋa akamwitiji mwana kamumbanda abula kukeŋayi kwikala wedi, akamwinki maseka ayedi ayuma yejima yakwetiyi; muloŋa diyi Ŋovu yindi yakutachika; mwadyaŋa wedi mwindiyena.

¹⁸Neyi muntu wukwi kala namwanindi weyala wachinchika, wadikaŋa, wabulaŋa kutiya mwizu datata yindi hela mwizu damama yindi, kumwetakutiya nehi,

¹⁹tata yindi namama yindi akamukwati, akamutwali kudi awakulumpi ahamukala wawu, kwokuchisu champwembu yamukala washakamayi;

²⁰akayili awakulumpi ahamukala wawu, nawu, Iwu mwanetu wachinchika, wadikaŋa, hatiyaŋa mwizu detuku, wabajama, washetaŋa walwa.

²¹Amayala ahamukala wawu ejima akamwasi malola, akafwi kwindi; dichichiwakafumisha kutama mukachi kenu; aIsarela ejima akachitiya, akati yawoma.

²²Neyi kudi muntu navulumuni nshidi yatela kufwa, anamujahi dehi, wunamukudiki dehi kumutondu;

²³bayi ajiŋila kumutondu wufuku wejimaku, chiŋa wakamujiika ifuku dodimu; muloŋa muntu wakukudikawashiŋewa kudi Nzambi; wakenza katamisha ituŋa deyi dakukwinkayi Yehova Nzambi yeyi dawuswana.