Read MUKANDA WANZAMBI Deuteronoma 22 Bible Online

Deuteronoma 22 - MUKANDA WANZAMBI bible

Deuteronoma 22

¹Neyi wunamoni ŋombi yamana kweyi, hela mukoku windi najimbalibayi wuyifutalelaku, chiŋa wakayitwala cheŋi kudi mana kweyi.

²Neyi mana kweyi hadi kwakwihi naneyuku, indi kwiji hiwamwilukaku, wakamutwali kwitala deyi, akashakami kudeyi ninichi chakamutondayi mana kweyi, hiwakamufuntishilayi cheŋi.

³Dichi chiwakela nachimbulu chindi; dichi chiwakela nehina dindi; dichi chiwakela nayuma yawanakweyi yejima yakajimbala yakajimbeshayi yiwakanona, kutwesha kujindanehi.

⁴Neyi wunamoni chimbulu chamana kweyi hela ŋombi yindi nadimbukilikunjila, bayi wakayifutalelaku, chiŋa wakamukwashaku kuyihindwisha cheŋi.

⁵Mumbanda bayi akavwala chuma cheyalaku, hela iyala bayi akavwala ihina damumbandaku; muloŋa wukwila chumichi nashimani kumesu aYehova Nzambi yeyi.

⁶Neyi wunakasumuki chisakala munjila, kwiji chidi kumutondu, indi kwiji chidi hamaseki, mudi nyana hela mateta, nimama yawu nafutami hanyana hela hamateta, bayi wakakwatila mama yawu hamu nanyanaku;

⁷mama yawu chiŋa wakamuleka aya, nyana hiwakadikwatila kweyi; kulonda wakashakami chachiwahi wakavulishi mafuku eyi.

⁸Chiwakatuŋa itala dadiha, chiŋa wakahitishaku ikoli kwiwulu, kulondawubuli kudikojeja mashi kwitala deyi neyi kunaholoki muntu.

⁹Mwitempa deyi danyivinyu bayi wakatumbamu nyitundu yambutu yiyeduku, kuchina nyikabu yambutu yiwunadimi, niniyi yikusoŋa mwitempa danyivinyu yakatamina kumu.

¹⁰Bayi wakadimaŋa naŋombi nachimbulu hamuku.

¹¹Bayi wakavwala ihina dakubombabomba nimavuji niwandaku.

¹²Wakashaŋa nzombu kunsa jejima jiwana jehina deyi dakudibuta.

¹³Neyi muntu wakasumbula mumbanda, wakeŋa ila mwadiyi kumukeŋanehi,

¹⁴hakumushimuna shimuna mwatama, hakumutiyakesha mpuhuyatama, nindi, Chinamusumbula mumbandiwu, nami nikundami kudi yena, hinamuwani nayuma yakwiluka nachu wujiki winduku.

¹⁵Henohu tata yanowu chaŋadima nimama yindi, akanoni yakwiluka nachu wujiki wanowumujiki, akatwali kudi awakulumpi amumukala kuchisu champwembu.

¹⁶Tatayanowu chaŋadima wakayila awakulumpi nindi, Mwanami wamumbandanamwinkayi iwu iyala nami amusumbuli, kumukepa kwindi nehi;

¹⁷talenu, namushimuni dehi mwatama, nindi, Mwaneyi hinamuwani nayuma yakwiluka nachu wujiki winduku; hakwila yuma yakwiluka nachu wujiki windi, iyi. Ihinodu akaditandumuni kumesu awawakulumpi amumukala.

¹⁸Akulumpi amumukalowu akamukwati owu iyala akamweti;

¹⁹akamufutishi nkulakaji yasiliva, hiyakamwinka tata yanowu chapadima, natiyakeshi dehi mpuhu yatama mujiki wamuIsarela; wakekala ipodindi, kutwesha kumuseŋanehi nyaka yindi yejima.

²⁰Ilaŋa neyi chumichi chalala, niyuma yakwiluka nachu wujiki kumwekana kudi owu chapadima nehi;

²¹henohu owuchapadima akamwidishi kuchisu chetala datata yindi, amayala ahamukala wawu akamwasi malola afwi kwindi; muloŋa nasupishi dehi muIsarela nawuvumbi wanakoŋiyi mwitala datata yindi; dichi chiwakafumisha chuma chatama mukachi kenu.

²²Neyi akawana iyala wudi nakukama namumbanda wasumbuka dehi nanfumwindi, akafwi mwayedi wawu, niiyala nakami namumbanda, nimumbanda; dichi chiwakafumisha chuma chatama muIsarela.

²³Neyi hakekala chaŋadima wamujiki, anamwoti kudi iyala, iyala wacheŋi hakumuwana hamukala, hakukama nindi;

²⁴mwakayitwali mwayedi wawukuchisu chamukalowu, mwakayasi malola afwi; mumbanda, muloŋa hatambekeluku, kutoŋa wadiŋi hamukala; iyala, muloŋa nasawishi dehi iŋodamukwawu; dichi chiwakafumisha chuma chatama mukachi kenu.

²⁵Ilaŋa neyi chaŋadima otawu dehi akamuwana kudi iyala mumpata, iyala hakumukwata naŋovu hakukama nindi; iyala akamayi nindi diyiwakafwa hohu;

²⁶chaŋadima kwindi kumwila chuma nehi; chapadimowu hakweti kwindi chitela chakufwilaku; chidi neyi muntu wukunyamukila mukwawu hakumutaŋa, dimu mwaya ninsaŋu iyi;

²⁷muŋa wamuwana mumpata, nichaŋadima otawu watambeka, hikwadiŋi wakumwamwinaku.

²⁸Neyi iyala wakawana chapadima wamujiki, abula kwotawu, hakumukwata, hakukama nindi, hiyakayiwana;

²⁹yenowu iyala wakama nindiwakenki tata yanowu chapadima makumi asiliva atanu, hakekalaŋa Iŋodindi, muloŋa namusawishi dehi; kutwesha kumuseŋa nehi nyaka yindi yejima.

³⁰Muntu kutambula iŋodatata yindi chinjila; kuvúula ihina datatayindi chinjila.