Read MUKANDA WANZAMBI Deuteronoma 23 Bible Online

Deuteronoma 23 - MUKANDA WANZAMBI bible

Deuteronoma 23

¹Muntu akatishawu makutwa, hela wachikeka, hela aketulawuwusonyi windi, kwijila muchipompelu chaYehova nehi.

²Mwana wamuchiŋuta kwijila muchipompelu chaYehova nehi; helakwikipu dekumi mwanindi kwijila muchipompelu chaYehova nehi.

³KaAmoni hela kaMowabi kwipila muchipompelu chaYehova nehi; hela kwikiŋu dekumi hosi wawu wamba keŋila muchipompelu chaYehovaku hayanyaka;

⁴muloŋa abulili kuyikinkilila nayakudya nameji munjila himwa fumini muEjipitu; muŋa akukwatilili Balami mwana kaBeyori wakuPetori mukala wamuMesopotamiya kulonda akakushiŋi.

⁵Hela chochu, Yehova Nzambi yeyi hamutiyililili Balamuku; Yehova Nzambi yeyi wakubalumwinini ishiŋu hidikwikala nkisu, muloŋa Yehova Nzambi yeyi wakukeŋeli.

⁶Bayi wakayila jakuyikwasha kumona kumwena hela jakumona kuhetaku nyaka yeyi yejima haya nyaka.

⁷Bayi wakamúumba kaEdomuku, muŋa himana kweyi; bayi wakamúumba kaEjipituku, muloŋa eyi wadiŋi mwenyi mwituŋa dindi.

⁸Anyanawu akavwalawu akwikiŋu damu chisatu akeŋilaŋa tuhu muchipompelu chaYehova.

⁹Chiwakayaŋa muchilombu chakudasa njita nawayilumbu jeyi wakadi hembaŋa kuyuma yatama yejima.

¹⁰Neyi hakachi kenu hakekala iyala nabuli kujila nansaŋu jina muwaninawufuku, akafumi hachilombu, bayi akenza muchilombuku;

¹¹chikwila melela hiyakutachika, akaweli mumeji, chidikuholoka itaŋwa hakwinza cheŋi muchilombu.

¹²Kunsa yachilombu wakekalaŋa neluŋa dakuyilaŋa kumpata.

¹³Hayuma yeyi yakwasa nachu njita wakekalaŋa nakafwosholu kulonda chiwakayaŋa nakushakama kumpata wakapundaŋa nachu, wakabalumukicheŋi nakushikila yikufuma mudeyi;

¹⁴muloŋa Yehova Nzambi yeyi hakwendujola muchilombu cheyi kulonda akupulwishaŋa, akwinkaŋa ayilumbu jeyi kuwukuyaŋa; dichi chilombu cheyi chakekalaŋa chajila, kulonda akabulaŋa kumona mudeyi chuma chamajilu, wakenza kakufuma.

¹⁵Nduŋu napuluki kudi nkaka yindi nenzi kudeyi bayi wakamufuntisha cheŋi kudi nkaka yinduku;

¹⁶akashakamaŋa naneyi mukachi kenu, hamukalaweyi wumu, kwonsu kwakatondayi kwanamoniyi kuwaha; bayi wakamukabishaŋaku.

¹⁷Hadi anyana kaIsarela awambanda bayi hakekalaŋa kabolaku, hela hadianyana kaIsarela amayala bayi hakekalaŋa akwilaŋa wutumwaku.

¹⁸Mwitala dayehova Nzambi yeyi kuletamu nyondamu yachivumbi, hela ndanduyakawa hiwukuhana hansaŋu yakudishiila, chinjila; muloŋa yejimiyi yiyedi kudi Yehova Nzambi yeyi hikushimana.

¹⁹Kusondamisha mana kweyi chakudiilamu nŋalanyi chinjila, hela tuhuhinŋalanyi yamali, hela tuhu hinŋalanyi yayuma yakudya, hela tuhu hinŋalanyiyachuma hichuma chasondamishaŋawu chakudiilamu nŋalanyi, chinjila.

²⁰Muntu wakwacheŋi wukutwesha tuhu kumusondamisha chakudiilamu nŋalanyi; kwinza mana kweyi kumusondamisha chakudiila munŋalanyi chinjila; kulonda Yehova Nzambi yeyi akakukoolekeshi muyumayejima yiwakakwata chikasa mwituŋa diwakaya nakuheta.

²¹Chiwakadishiila kumwinka Yehova Nzambi yeyi chuma, bayi wakalabajala kuchihanaku, muloŋa Yehova Nzambi yeyi wakachikeŋa kudeyi; chakenza kakubalumukila hinshidi.

²²Ilaŋa neyi wakaleka kudishiila hichakekala nshidi kudeyuku.

²³Chuma chikufuma kukanwa keyi chiŋa wakashaku muchima nakwilamu; muwadishiilili kumwinka Yehova Nzambi yeyi, hihimulambu wakulambula chakumuchima weyeyi aweni wamukanininakanwa keyi.

²⁴Neyi wunashiki mwitempa damukwenu danyivinyu wakadiila tuhuvinyu mwonsu muwunakeŋeli wikuta nikwikuta; ilaŋa kusha yikwa wumwibaŋu deyi chinjila.

²⁵Neyi wunashiki mutidiku yamukwenu yemana wakadikotwela nyitu nachikasa cheyi hohu; ilaŋa kutwala chikwa kwakutidiku yamukwenu yemana, chinjila.