Read MUKANDA WANZAMBI Deuteronoma 24 Bible Online

Deuteronoma 24 - MUKANDA WANZAMBI bible

Deuteronoma 24

¹Neyi muntu natambuli mumbanda namusumbuli, kumumona kuwaha nehi, muloŋa nawani mudi yena chuma chakubula kutela, akamusonekeli mukanda wakumuseŋa nachu hakamwinkawu muchikasachindi, akamufumishi mwitala dindi.

²Chakelayi nafumi dehi mwitala dindi akayi hakasumbuka tuhu kwindi neyala wacheŋi.

³Neyi nfumwindi wakukuminina niyena kumukeŋa nehi, namusonekeli mukanda wakumuseŋa nachu, namwinkuwu muchikasa chindi, namufumishi mwitala dindi; helaneyi nfumwindi wakukuminina wamusumbwili nafwi;

⁴owunfumwindi wakusambila wamuhaŋili bayi akamuhilukila cheŋi nakumusumbula, hakwila anamutamishi dehuku; muloŋa chumochu kumesu aYehova hikushimana; wakabuli kukojeja ituŋa kuvulumuna, dodituŋa dakukwinkayi Yehova Nzambi yeyi kudiswana.

⁵Neyi iyala wuchidi mwomukusumbula Iŋodindi, bayi akayaŋa kunjitaku, kiunukunjika mudimu nehi; akashakamaŋa kwitala dindi chakubula nsaŋumwaka wumu, akatiyishaŋa kuwaha Iŋodindi anasumbuliyi.

⁶Kwosi muntu wakakwatila mukwawu ilola dakuhala hela mpandishina mukudi winduku; muloŋa hikukwatila wumi wamukwawu.

⁷Neyi akawana muntu wudi nakuwombesha mana kwindi wumu wahadianyana kaIsarela, hakumuheta ekali nduŋu yindi, hela kumulandisha; owuikombi akafwi; dichi chiwakafumisha kutama mukachi kenu.

⁸Babelaku musoŋu wambumba, wakashinshikaŋa nankashi wakelimwejima mwakayilejawu atupristu aLevi; munayilejeli wena dimu muwakashamuchima wakwilamu.

⁹Anukaku mwamwililuwu Miriyami kudi Yehova Nzambi yeyi, munjila yimwafuminaŋi muEjipitu.

¹⁰Neyi wunamusondamishi mukwenu, bayi wiŋila mwitala dindi nakukwatilachuma chinduku.

¹¹Chiŋa wakemanaŋa hanzi, owu muntu wasondamishiliakakwidishili chuma chiwakakwatila.

¹²Neyi hikazwepi, ochuchuma chindi chiwunakwatili bayi wakakama nachuku;

¹³ochu chuma chiwunakwatili chiŋa wakachifuntisha hakuholoka itaŋwa, kulonda akakami nehina dindi, akakukiswili nkisu; akakufuukwilichu kuloŋa kudi Yehova Nzambi yeyi.

¹⁴Bayi wakakabisha ŋamba wakazweŋi wabula yuma, hela wahadi anakwenu, hela wahadi enyi amwituŋa deyi wahamukala weyuku;

¹⁵wakamwinkaŋa wufwetu windi mwifuku dindi, bayi itaŋwa dakawuholokelaku; muloŋa yena hikazweŋi, nashuhu muchima windi; wakenza kakudilila kudi Yehova, hiwakawana muloŋa.

¹⁶Kujahila atata jawantu hanshidi jawanyana nehi, nianyana kuyŋahila hanshidi jawatata jawu nehi, antu ejima akayijahila hanshidi jawu awenawuhohu.

¹⁷Bayi wakaheŋesha muloŋa wamwenyi, hela wanshonaku, bayi wakakwatilaihina dantuluwaku;

¹⁸wakaanukaŋa chiwadiŋi nduŋu muEjipitu, ninichi chakukúuliluwu kudi Yehova Nzambi yeyi mwenomu; dichi chinukukulejelakwila chumichi.

¹⁹Neyi wudi nakwaŋula mwiha deyi, hiwukuvulamena chita chimumwiha, bayi wakafunta cheŋi nakuchinonaku, chinekali dehi chamwenyi, nanshona, nantuluwa; kulonda Yehova Nzambi yeyi akakukoolekeshi munyidimu yakumakaseyi yejima.

²⁰Neyi wudi nakukupula mutondu weyi wamuolive, bayi wakahitulukamu cheŋi hamutayi hamutayuku; akekalaŋa amwenyi, nanshona, nantuluwa.

²¹Neyi wudi nakukumuna nyikabu yamwitempa deyi danyivinyu, bayi wakahitulukamu cheŋi nakuhuhujolaku; yakekalaŋa yamwenyi, nanshona, nantuluwa.

²²Wakaanukaŋa chiwadiŋi nduŋu mwituŋa daEjipitu; dichichinukukulejela kwila chumichi.