Read MUKANDA WANZAMBI Deuteronoma 25 Bible Online

Deuteronoma 25 - MUKANDA WANZAMBI bible

Deuteronoma 25

¹Neyi kudi antu kudi kufwilaŋana, akaholoki kuchota, akayisompeshi; akayipishi waloŋa, akahishi watama;

²neyi owu muntu watamanateli kumweta akamukamiki kudi nsompeshi hamaseki, akamweteli kumesuindi mwashikila kuluwa kwindi, chakuchinda.

³Wakatwesha kumweteshanyinkakambu makumi awana, kumotweshamu nehi, kuchina kwila neyi wunamotweshumu dehi, wunamweti dehi nyinkakambu yayivulu yakubadikiyi, mana kweyi wakenza kamwekana kudeyi neyi wamukunkulwayi.

⁴Bayi wakakasa kukanwa kaŋombi hakuhulayi tidikuku.

⁵Neyi antu evumu dimu akushakama hamu, hafwa wumu wabula mwanaweyala, iŋodamufu bayi akasumbukila kwacheŋi kudi mwenyuku; manakwanfumwindi akeŋili mwadiyi yena, akamusumbuli, akamwilili mudimuwatela kwila mana kwanfumwindi.

⁶Owu wedi akavwalayi akaswani ijina damana kwindi wafwa, kulonda ijina dindi dakabuli kujiya muIsarela.

⁷Neyi owu iyala kukeŋa kutambula iŋodamana kwindi nehi, owu iŋodamana kwindi akayi kuchisu champwembu kudi awakulumpi, akayili nindi, Manakwanfumwami naleki kumusaŋwila mana kwindi ijina muIsarela, kwonti kwindi kuŋilila mudimu watela kwila mana kwanfumwami.

⁸Henohu awakulumpi amumukala wawu akamutambiki, akahoshi nindi; neyi yena wakakakelamu nindi, Ami kwami hinakeŋi kumutambulaku;

⁹henohu iŋoda mana kwindi akenzi kudi yena kumesu awawakulumpi, akamusubuli nkwabilu kumwendu windi, akamufwŋili mazeŋi mumesu; akamwakuli nindi, Dichi chakamwilawu iyala wukubula kutuŋa mukala wamana kwindi.

¹⁰Akanamutumbi ijina dindi muIsarela nawu, Itala dawasubwiluwu nkwabilu.

¹¹Neyi amayala ayedi adi nakuzuŋa, iŋodawumu hakukundama kwakwihi, nindi amwamwini nfumwindi kudi mukwawu wudi nakumweta, hakwolola chikasa chindi hakumukwatila kuwusonyi,

¹²wakamuteti chikasa, disudeyi bayi dakamutala naluwuku.

¹³Bayi wakekala napezu jacheŋi najacheŋi niyeneni niyanyanya munjekiyeyuku.

¹⁴Bayi wakekala namabapu akweseka nachu acheŋi niacheŋi, nideneni nidanyanya, mwitala deyuku.

¹⁵Wakekalaŋa napezu yalalayashikilamu ndwa; wakekalaŋa nebaŋu dakweseka nachu dalala dashikilamundwa; kulonda mafuku eyi akavuli mwituŋa dikukwinka Yehova Nzambi yeyi.

¹⁶Muloŋa antu ejima akwila yuma yidochu, antu ejima akwilaŋa mwaheŋa, Yehova Nzambi yeyi wayimona hiyakwakushimana hohu.

¹⁷Anukaku chakukoŋeliyi Amaleki munjila himwafuminaŋa muEjipitu;

¹⁸chakubula keniyi munjila hakutapa antu eyi asheli munyima, wowu antu ejima abulili Ŋovu adiŋi munyima yeyi, hiwelili wazeya dehi, wakatala dehi; yena kumutiya Nzambi woma nehi.

¹⁹Chiwakela neyi Yehova Nzambi yeyi nakunookeshi dehi kudi ayilumbu jeyi ejima akunyeŋumuka kwi-ndo, mwituŋa dikukwinka Yehova Nzambi yeyi dawuswana wakudihetela, henohu wakajiyisha Amaleki mwishina dewulu nikuyanuka nawa cheŋi nawumwadiŋi Amaleki nehi; bayi wakavulamenaku.