Read MUKANDA WANZAMBI Deuteronoma 26 Bible Online

Deuteronoma 26 - MUKANDA WANZAMBI bible

Deuteronoma 26

¹Neyi wunenzi dehi mwituŋa dikukwinka Yehova Nzambi yeyi dawuswana, neyi wunadiheti dehi, wunashakamumu dehi;

²wakanoniyakudya yeyi yakahila yahamaseki yejima, yiwakakuŋula mwituŋa deyi dikukwinka Yehova Nzambi yeyi, wakayishi mwibapu, wakayi nayukuchipela chakatondayi Yehova Nzambi yeyi kushakamishaku ijina dindi.

³Wakenzi kudi kapristu wakekalaku mafuku owu, wakamwili neyi, Lelu hinukushimuna kudi Yehova Nzambi yeyi, nami, Nenza dehi mwituŋa dasanyikililiyi Yehova ankakulula jetu kutwinka.

⁴Kapristu akatambuli ibaŋu kuchikasa cheyi, akaditenteki kumesu akameŋa kaYehova Nzambi yeyi.

⁵Wakaakuli, wakahoshi kumesu aYehova Nzambi yeyi, neyi, Tatayami wadiŋi kaArameya wakeŋa eli kufwa, wakunkumukili kuEjipitu, washakaminikwenoku, hadiŋi wamuvuluku, wabalumukili hakwikala muzaweneni, waŋovu, wawuvulu;

⁶aEjipitu atukoŋeli chatama, atumwesheli ihuŋu, atukalakesheli nyidimu yawuduŋu yakala;

⁷twamudililili Yehova Nzambi yawankakulula jetu, Yehova hakutiya izu detu, wamweni yihuŋuyetu, ninyidimu yetu, ninichi chatukabishiluwu;

⁸Yehova watufumishili muEjipitu nachikasa chaŋovu, nachikasa chakwolola, namawoma amaneni, nayinjikijilu, nayihayamisha;

⁹natushikiji dehi mwenamunu, natwinki dehi ituŋidi, ituŋa datuloŋa twamayeli nawuchi.

¹⁰Ichi dinu talaku, naleti dehi yakudya yakahila yeseki diwunanyinki eyi Yehova. Wakayitenteki kumesu aYehova Nzambi yeyi, wakadifukula kumesu aYehova Nzambi yeyi;

¹¹nineyi, nikaLevi, ni mwenyi wekala mukachi kenu, himwakazaŋalalanayuma yayiwahi yejima yanakwinkiyi Yehova Nzambi yeyi, nineyi niakwetaladeyi.

¹²Mumwaka wamuchisatu, wowu mwaka wakuhana yamwikumi, ihiwakela wunakumishi dehi kuhana yamwikumi yejima yayuma yeyi yinasemununi, hiwakayinka kaLevi namweni, nanshona, nantuluwa, kulonda akadyaŋi munyikala yeyi, akekutaŋa.

¹³Wakahoshi kumesu aYehova Nzambi yeyi neyi, Nedishi dehi mwitala dami yuma yinajilikili, nayinki dehi nawa kaLevi, namweni, nanshona, nantuluwa, mwomwaya kuleja kuwanlejeli; hinamotoki muwaleja lejaku, hinavulameni mwokuku;

¹⁴chinadilaŋi hinadyi kwokuku, hinedishumu yatamaku, hinanonuhuyakuhana hansaŋu yamufuku; natiyilili mwizu daYehova Nzambi yami, neli muwanlejeli mwejima.

¹⁵Omu mwiwulu mwajila muwudi, noŋamakumesu wutali mwishina wukiswili antu eyi aIsarela nkisu, niiseki diwunatwinki, diwasanyikilili ankakulula jetu, ituŋa datuloŋa twamayeli nawuchi.

¹⁶Lelu Yehova Nzambi yeyi nakuleji dehi kwila yidikiyi nawuŋaŋawu; dichi dinu kahembaŋamu wakelaŋamu namuchima weyi wejima, nawumiweyi wejima.

¹⁷Lelu wunahoshi dehi neyi Yehova diyi Nzambi yeyi, neyiwukwendaŋ munjila jindi, wukuhembaŋa yidika yindi nikuleja kwindi, niwuŋaji windi, wukutiyililaŋa mwizu dindi.

¹⁸Yehova nahoshi dehi niyena lelu, nindi enu mudi antu ambala ayena hohu, mwomwayikaniniyi dehi, kulonda mwakahembaŋa mwayilejeliyi mwejima,

¹⁹kulonda ayibadishinankashi nyuza yelililiyi yejima kukuyishimeka, niijina, nikukuyilemesha; kulonda mwakekalaŋi antu akujilila Yehova Nzambi yeyi, neyichanahoshiyi dehi.