Read MUKANDA WANZAMBI Deuteronoma 28 Bible Online

Deuteronoma 28 - MUKANDA WANZAMBI bible

Deuteronoma 28

¹Neyi wakatiyilila chachiwahi mwizu daYehova Nzambi yeyi, hiwakashamuchima wakwila mwalejaŋavi mwejima munukukuleja lelu, wakamona Yehova Nzambi yeyi wakakumotwesha hewulu, wakabadikanyuza yahamaseki yejima.

²Ninkisu jejimŋi wakajimona, jakakulondela jakakuwana, neyi wakatiyilila mwizu daYehova Nzambi yeyi.

³Wakakoolekanimu mukala, wakakooleka nimwiha.

⁴Nianyaneyi, ninyikabuyaheseki deyi, ninyikabu yakuyimuna yeyi, mwakasemunwinawu aŋombi jeyi nianyana kanyikoku yeyi, yakakooleka hohu.

⁵Nimutoŋa weyi niiyandadeyi dakakooleka.

⁶Wakelaŋa hakwinza wukooleka, hakuya nawa wukooleka.

⁷Ayilumbu jeyi akakunyamukilaŋa Yehova wakayitapisha kumesu eyi; akakulotokelaŋa njila yimu, akakutemuka njila jitanu najiyedi.

⁸Yehova wakakukokela nkisu munkalaŋa jeyi nimuyuma yejima yiwakakwatachikasa; wakakukoolekesha mwitvuja dikukwinka Yehova Nzambi yeyi.

⁹Yehova wakakushimatisha, wakekali muza wajila wakumujilila yena, mwomwakusanyikilihyi; neyi wakahembaŋa mwanakulejiyi Yehova Nzambi yeyi nakwenda munjila jindi.

¹⁰Nyuza yahamaseki yejima akamona wunatiyakeni dehi ijina daYehova, hiyakakutiya niwoma.

¹¹Yehova wakakuvulishila nankashi anyaneyi, nianyana kawayimuna yeyi, ninyikabuyaheseki deyi, mwituŋa dasanyikiliyi Yehova ankakulula jeyi kukwinka.

¹²Yehova wakakujikwilaŋa luhetu lwindi lwaluwahi, dodiwulu, akakwinkaŋa nvula yamwituŋa deyi hachila aka chayu, akakiswila ninyidimu yakuchikasa cheyi yejima nkisu; wakasondamisha nyuza yayivulu, eyi kusondama nehi.

¹³Yehova wakakubalumuna kwikala namutu, bayi mukilaku; wakakumaŋahewulu hohu, eyi kukuma kwishina nehi; neyi wakatiyililaŋa kuleja kwaYehova Nzambi yeyi kunukukuleja lelu nakushaku muchima wakwilamu;

¹⁴nákubula kuteŋuluka mumazu inukuyileja lelu, nákubula kuya kuchikasa chachidiilu hela kuchimunswa, nákubula kulondela akishi himukuyipesha.

¹⁵Neyi wakabula kutiyilila mwizu daYehova Nzambi yeyi nákubulakushaku muchima wakwila mwalejaŋayi mwejima niyidika yindi yinukukulejalelu, wakamona mashiŋu ejimawa akakulondela, akakuwana.

¹⁶Wakashiŋewa mumukala, wakashiŋewa nimwiha.

¹⁷Nimutoŋa weyiniiyanda deyi dakashiŋewa.

¹⁸Nianyaneyi, ninyikabu yaheseki deyi, nimwakasemunwinawu aŋombi jeyi nianyana kanyikoku yeyi, akashiŋewa hohu.

¹⁹Wakela hakwinza wushiŋewa, hakuya nawa wushiŋewa.

²⁰Yehova wakakukunkwila ishiŋu, nikukala, nikubaya, muyuma yejima yiwakakwata chikasa yiwakakeŋa kwila, ninichi chiwamba kajilumuka, ninichi chiwamba kanoŋa chakadi nikuleha, nakutama kuwunakoŋi hiwunanlekami.

²¹Yehova wakakulamika chipúpu, ninichi chakakunoŋeshayi ji-i mwituŋa diwukuya nakuheta.

²²Yehova wakakweta nalunkonka, nayikatu yamashika, nikutotoloka yilonda, ninkanza yasweja, nimpoku yakabali, nikúumisha yuma yejima chau, nimbuwa; yakakuhaŋa haŋe-e ninichichiwakanoŋa.

²³Iwulu dahanamutu weyi akadumisha chau neyi wuneŋu, iseki damwishina deyi dakakola neyi chikuriu.

²⁴Yehova wakabalumuna nvula yamwituŋa deyi yakekala kwalunkuŋu hohu fuku-fuku; yakakuholokela mwiwulu holoke-e ninichi chiwakajilumuka.

²⁵Yehova wakakutapisha kumesu awayilumbu jeyi; wakayilotokelanjila yimu, wakayitemuka njila jitanu najiyedi; wakaluluta nakukimboka mwahita mawanta ejima ahamaseki.

²⁶Chibimbi cheyi akachidya kudiatujila ejima ahaluzwizu, nikudi anyama ahamaseki, niwakuyitemuna hosi.

²⁷Yehova wakakweta nehuti damuEjipitu, natusuŋuhuti, niyilonda, nimukuli, kutwesha kukuuka nehi.

²⁸Yehova wakakweta nakuzaluka, nawuputamesu, nimutentu mumuchima.

²⁹Wakapapata hakachi kamwaana mwiwulu neyi chapapataŋayi mputamesu mumwidima, hiwakamona kushakama chachiwahuku; akakukabishaŋa nakukubuwabuwa mafuku ejima, niwakakuhandisha kwosi.

³⁰Neyi woti mumbanda, iyala wacheŋi hakukama nindi. Neyi wutuŋi itala, kushakamamu nehi. Neyi wudimi itempa danyivinyu, kudidya nehi.

³¹Ŋombi yeyi akakujahilayi kumesu eyi, eyi aweni kumudya nehi. Chimbulu cheyi akakuhukwilayi kumesu eyi, kukufuntishilayi nehi. Nyikokuyeyi akayinka ayilumbu jeyi, hiwakamona wakukuhandishaku.

³²Anyaneyi amayala nawambanda akayinka antu acheŋi, mesu eyi akatalila talile-e, eyila nibwi nakuyifwila mwaana wejima; hiwakamona nimwakwilaku.

³³Yakudya yeyi yiwakadima, ninyidimu yeyi yejima, akayidya kudi muza wacheŋi wabula kwiluka. Akakukabisha nakukuchikachika mafuku ejima.

³⁴Wakazaluka nayuma yiwakamona namesu eyi.

³⁵Yehova wakakweta nimumanuŋu nimunyendu nehuti dakala dakaŋanya nikuuka, kufumisha kumadachilu eyi mujimba wejima ndo nimwishina damutu weyi.

³⁶Yehova wakakutwala nineyi nimwanta weyi walukanu iwakadiishamuwanta kudi muza wabulili kwiluka hela eyi hela ankakulula jeyi; kwenokuwakapesha akishi, nyitondu namalola.

³⁷Mukachi kanyuza yejima kwakakutwalayi Yehova hiwakekala wakuhayama hohu, wuchishimu, niwakutenamwatama.

³⁸Wakela kuya kwiha wakaya nambutu jajivulu, hakukuŋula wakakuŋulajantesha, muloŋa akajidya kudi atubola.

³⁹Wakadima matempa anyivinyu, wakachipachipamu, eyi kunwinamu vinyu nehi, hela kudi ilamu nyikabunehi, akayidya kudi atububu.

⁴⁰Wakekala nanyitondu yanyiolive mwahitaŋinza jeyi jejima, kuwaya manji nehi, muloŋa muolive weyi wakahuluka.

⁴¹Wakavwala anyana amayala nawambanda, hiwakashakama nawuku, muloŋa akaya muwuduŋu.

⁴²Ninyitondu yeyi yejima niyuma yiwa kadi maya kekala yawatubola.

⁴³Mwenyi wakatuŋa naneyi wakakumotokaŋa ayaŋa kwiwulu hohu, eyi wakayaŋa nakushala mwishina hohu.

⁴⁴Wakakusondamishaŋeyi, eyi kumusondamisha yena nehi. Yena diyi wakekala namutu, eyi wakekalamukila.

⁴⁵Mashipu ejimawa akakuwana, akakuhaŋa, akakukwata, ninichi chiwakajilumuka; muloŋa wabulili kutiyilila mwizu daYehova Nzambi yeyi, wabulili kuhemba nikuleja kwindi, niyidika yindi yakulejeliyi.

⁴⁶Mashiŋuowu wakekala nawu achinjikijilu akuhayamisha nineyi nianyaneyi akekalanawu haya nyaka;

⁴⁷nanochu chiwabulili kumukalakela Yehova Nzambi yeyi namuzaŋalu, nikutiya kuwaha mumuchima weyi, chiyalu mbamini yuma yejima.

⁴⁸Dichi hiwakakalakela ayilumbu jeyi akakutemeshelayi Yehova, wakayikalakela nanzala, nampwila, niwuvu, nikubula yuma yejima; wakakusha mpanda yachikuŋu hanshiŋu yeyi ninichi chakakujilu munayi.

⁴⁹Yehova wakakuletela muza wakwakulehi wakunsa yeseki neyi chatúukaŋambuulu, muza wukweti idimi diwabula kwiluka;

⁵⁰muza womahamesu, wabulaŋa kwakama atushinakaji, hela anyana anyanya kuyitoŋanehi.

⁵¹Yena wakadya nyana yakasema yimuna yeyi; niyuma yiwakadima, ninichi chiwakajilumuka; hakakushila hoku hela tidiku, hela vinyu, helamanji, hela nyana yakasema aŋombi jeyi, hela nyana kanyikoku yeyi, ninichichakakunoŋeshayi to-o.

⁵²Wakakukuchika njita kuyisu yakumpwembu jeyi jejima, ninichichika humuka mpwembu jeyi jajilehi jakuhata jiwakuhweleleli mwahita ituŋa deyi dejima. Wakakukuchika njita kuyisu yampwembu jeyi jejima, mwahita ituŋaŋa deyi dejima danakwinkiyi Yehova Nzambi yeyi.

⁵³Wakadyaanyana akudisemena eyi aweni mwivumu deyi, wakadya mbiji yawanyaneyi amayala niawambanda anakwinkiyi Yehova Nzambi yeyi nakukuchikakwaka kukuchikawu, nakukala kwakakukalishawu kudi ayilumbu jeyi.

⁵⁴Muntu wukweti wushona mukachi kenu wasweja wunyoji wakatala manakwindi niŋodindi wakunyima yindi nanyanindi akashalahu nanyiku hohu,

⁵⁵wakayikiisha nimbiji yawanyanindi akadyayi naniyi yikubula kushalaku, nakukuchika kwakaku kuchikawu, nakukala kwakakukalishayi chilumbu cheyimunyikala yeyi yejima.

⁵⁶Mumbanda wukweti wushona wasweja wunyoji, kutwesha kusha idachilu damwendu windi heseki nehi nanochu chaswejayi wushona nawunyoji, wakatala nfumwindi wahakadidi kamu nimwanindiweyala nimwanindi wamumbanda nanyiku hohu,

⁵⁷nipoji yindi yakafumamukachi kanyendu yindi, ni anyanindi akavwalayi, wakayitala nanyiku hohu; wakayidiila kumbadi nanochu chakabulayi yuma yejima, nakukuchika kwakakukuchikayi, nakukala kwakakukalishayi chilumbu cheyi munyikalayeyi.

⁵⁸Neyi wakabula kushaku muchima wakw ila mazu ejima anshimbiji jinasonekuwu mumukandiwu, kulonda ŋinidi dalema dazaalaŋawu woma daYEHOVA Nzambi Yeyi wakaditiyi woma;

⁵⁹Yehova wakakutoheshelayi ipúpuyeyi, antu akahayama hohu, niyipúpu yawanyaneyi, yakela yipúpu yamaneni yakutwalaŋahu hohu, niyikatu yatama yakutwalaŋahu hohu.

⁶⁰Wakakuletela cheŋi nyisoŋu yamuEjipitu yejima yiwatiyilaŋa woma, hiyakakulamata.

⁶¹Yehova wakakusaŋumwina nawa niyikatu yejima niyipúpu yejima yanabuli kusonekawu mumukanda anshimbiji, ninichi chiwakajilumuka.

⁶²Enu mwadiŋi amavulu neyi tutumbwa twamwiwulu mwakashala antesha hohu, nanochu chiwabulili kutiyilila mwizu daYehova Nzambi yeyi.

⁶³Mwakamona chatiyilaŋayi Yehova kuwaha nakuyila mwamuwahi nakuyivulisha, dichi chamba katiyayi nawa Yehova kuwaha nakuyinoŋesha nakuyijilumuna; akayihukula mwituŋa dimukuya nakuheta.

⁶⁴Yehova wakakumwaŋa mwa-mwa mwahita nyuza yejima, kufumishakunsa yeseki yimu ndo nikunsa yeseki yi kwawu; kwenoku wakapeshaakishi lwabulili kwiluka hela eyi, hela ankakulula jeyi, anyitondu namalola.

⁶⁵Munyuzoyu hiwakamwena mwoku kunooka, hiwakamona hakunookela idachilu deyuku; Yehova wakakwinka muchima wakulukuma, nimesuakuzeya, nimuchima wakaneŋu,

⁶⁶wakashakama nakululuta hohu; wakatiyaŋakwawoma hohu niwufuku nimwaana, hiwakamona nihawuhandiluku.

⁶⁷Nabudidi wakela neyi, Yayo! hikweyilaŋa hoku! Namelela wakela neyi, Yayo! hikwachaŋa hoku! nawoma wuwakatiya mumuchima weyi, nayumayiwakamona namesu eyi.

⁶⁸Yehova wakakufuntisha cheŋi muEjipitu mumaatu, njila yinakwilili nami, Hiwamba kayimona cheŋuku; kwenoku mwakadilanda kudi ayilumbu jenu mwikali anduŋu amayala nawanduŋu awambanda, hosi niniwu wakayilandaku.