Read MUKANDA WANZAMBI Deuteronoma 29 Bible Online

Deuteronoma 29 - MUKANDA WANZAMBI bible

Deuteronoma 29

¹Tiyenu mazu achitiyaŋenu chalejeluwu Mosi kudi Yehova kutiya Ijana nawanyana kaIsarela mwituŋa daMowabi, chakulunjika hachitiyaŋenu chatiyaŋeniyi dehi nawu kuHorebi.

²Mosi watambikili aIsarela ejima, wayilili nindi, Enu munamoni yumayejima yeliliyi Yehova kumesu enu mwituŋa daEjipitu, yamwililiyi Fwaro, niambuŋindi, niituŋa dindi dejima;

³kweseka kweneni kuwamweni namesueyi, niyinjikijilu, niyihayamisha oyu yamaneni.

⁴Hela chochu, Yehova hanayinki muchima wakwiluka, hela mesu akumona, hela matu akutiyaku, nikulelu.

⁵Ami nayilombweli mwisaŋa nyaka makumi awana; mahinenu hiyakulilili hanyijimba yenuku, nkwabilu jeyi hijakulilili kunyendu yeyuku.

⁶Enu himwadiili mankenduku, himwanwini hela vinyu hela walwaku; kulonda mwakeluki nenu yami Yehova Nzambi yenu.

⁷Chimwenjili kunu Sihoni mwanta wakuHeshiboni, niOgi mwanta wakuBashani atulotokeleli nanjita, twayitapili;

⁸twatambwili ituŋa dawu, twadinkeli aRubeni, nawaGadi, namuchidi wawaManase wachibalu, dawu dakuswanaŋa.

⁹Dichi dinu hembenupa mazu achitiyaŋenu ichi kulonda mwakamonikuwaha muyuma yejima yimwakelapa.

¹⁰Lelu munemani wejima wenu kumesu aYehova Nzambi yenu; nianyanta jenu, ninyichidi yenu, niakulumpi jenu, nitulala twenu, amayala aIsarela ejima,

¹¹niatwansi twenu, niapodi jenu, nienyi eyi adi muyilombuyeyi, akufumishila hadi mukwakuchaya nchawa jeyi, kushikŋa nikudimukwakutaha meji eyi;

¹²kulonda wakeŋili muchitiyaŋenu chaYehova Nzambi yeyi, nimukusanyika kwindi kwana kusanyikiliyi Yehova Nzambi yeyi lelu;

¹³kulonda akushimatishi lelu wikali muza wambala wayena hohu; kulonda wakamumoni neyi komana hiNzambi mwomwahosheliyi naneyi, mwomwasanyikililiyi ankakulula jeyi, aAbarahama, naIsaka, naYakoba.

¹⁴Ichi chitiyaŋenu, niniku kusanyika, hinidi nakwilenu hohuku;

¹⁵nidinakwila niniwu nemani kunu hamu nanetu kumesu aYehova Nzambi yetulelu, niwunabuli kwikala kunu hamu nanetu lelu.

¹⁶Muŋa enu munelukichitwa shakamini mwituŋa daEjipitu, ninichi chitwahanukili mukachi kanyuza mutwahitili;

¹⁷munamoni mwashimanaŋawu, niakishi awu atuji, anyitondu namalola nasiliva nawuru adiŋi mukachi kawu.

¹⁸Kuchina kumwekana mukachi kenu lelu hela iyala, hela mumbanda, hela chisaka, helamuchidi, wukweti muchima wakutepuluka lelu, wakufuma kudi Yehova Nzambi yetu, wakuya nakupesha akishi anyuzoyu. Kuchina kumwekanamukachi kenu muji wakusopa wulembi mwaaji;

¹⁹wakenza kamona hakatiyayi mazu eshipwidi, hakadikisula nkisu mumuchima windi, nindi, Helanakenda tuhu mwonsu mwakadikapila muchima wami, nakukisaŋana kumuniyituuta niyawuma, nakamona tuhu kwami kuwunda hohu,

²⁰Yehova hakamwanakenaku, kuzuwa kwaYehova nimukawu windi wakamufwindashanina muntu owu, niishiŋu dejima danasonekuwu mumukandiwu dakamushikena, Yehova wakajiyisha niijina dindi mwishina dewulu.

²¹Yehova wakamwambula mukachi kanyuza yawaIsarela yejima wakamonaŋa kutamamwomwaya mashipu ejima achitiyaŋenu chanasonekuwu mumukandi wuwanshimbi.

²²Niikipu dakalondelamu, wowu anyanenu akahiŋa mudenu, niantu acheŋi akafuma kwituŋa dadilehi, chakamonawu yipúpu yetuŋodu, niyikatu yakayikatishayi nachu Yehova;

²³ituŋa dejima himakala namuŋwahohu, dasukuma dehi, hiyadidimaŋaku, hidasoŋapaku, himwamenaŋa matahuku, dakisika dehi neyi chakisikili Sodoma naGomora, naAdima, naZeboyimi, akisaŋeniyi Yehova hazuwiliyi, haleteliyi ndombu;

²⁴kafwampinyuza yejima akahosha nawu, Yehova nakoŋelidi ituŋidi chochichi? Ikukuzuwa kukumaha kwasweja kwaya mudihi?

²⁵Henohu antu akahoshanawu, Muloŋalekeli chitiyaŋenu chaYehova Nzambi yawankakulula jawu, chatiyaŋeniyi nawu hayifumishiliyi mwituŋa daEjipitu;

²⁶ayili nakupeshaakishi, hiyakudifukula kudi wena, akishi akadi kwiluka wena, abulili kuyilejayi;

²⁷dihu hanafumi kuzuwa kwaYehova hikukusaŋumukila ituŋidi, hafumi nikudiletela ishiŋu dejimidi danasonekuwu mumukandiwu;

²⁸mwaka Yehova ayibwitaŋa mwituŋa dawu nakuzuwa, nandombu, nakutatashana nankashi, hakuyinatila mwituŋa dacheŋi neyi ichi chimunamoni leluidi.

²⁹Yuma yakujinda yambala yaYehova Nzambi yetu; ilaŋa yumayana mwekeshuwu yetwetu nawanyanetu chahaya nyaka, kulonda twakelaŋamazu ejima anshimbiji.