Read MUKANDA WANZAMBI Deuteronoma 3 Bible Online

Deuteronoma 3 - MUKANDA WANZAMBI bible

Deuteronoma 3

¹Twabalumukili, twakandukilili njila yakuBashani. Oŋi mwanta i wakuBashani wenjili nakulwa netu njita kuEdereyi, niyena niantu indi ejima.

²Yehova waŋilili, nindi, Bayi wumutiya womaku muloŋa namuhani dehi kudeyi, niyena niantu indi ejima niituŋa dindi; wakamwilaneyi chiwamwilili Sihoni mwanta wawaAmori washakamini kuHeshiboni.

³Ninochu Yehova Nzambi yetu waheni kudetu niOgi mwanta wakuBashani nawa niantu indi onsu; twamutapili to-o niwindi wumu wakushalahunehi.

⁴Henahana twatambwili nyikala yindi yonsu; hosi mukalawutwabulili kuyitambulawuku; nyikala makumi atanu nadimu, yoyi mpataya Arigobi yejima, wowanta waOŋi wamuBashani.

⁵Nyikala yejimiyi yadiŋi yakuhata mumpwembu jajilehi jikweti niyenzelu ninyikomenu yayu; ninyikala yi kwawu yakadi mpwembu yayivulu nankashi.

⁶Twayijilu mwini chikupu, neyi chitwamwilili Sihoni mwanta wakuHeshiboni, twajilu mwini chikupu nyikala yejima yatuŋiluwu antu, niambanda nianyana anyanya kumu.

⁷Hakwila yimuna yejima niyitwapupili munyikala twatambwilinetu hiyuma yetu.

⁸Henahana dihu twatambwili ituŋa kudi anyanta awaAmori ayedi adiŋi kwishinadi daYodana, kufumisha kuchi nekineki chaArinoni lusu nikumpidi yaHerimoni;

⁹diyi Herimoni atenaŋawu aZidoni nawu Siriyoni, atenaŋawu Amori nawu Seniri;

¹⁰nyikala yamuchana yonsu, niGileyadi wejima, niBashani wejima lusu nikuSaleka naEdereyi, nyikala yamuwanta waOgi wakuBashani.

¹¹Muloŋa Ogi mwanta wakuBashani kanka windi hohu diyi washeluhu hadi aRefwa asheluhu; tiyenu, kadidi kindi kadiri kadidi kachikuŋu; hikashala muRabawa wanyana kaAmonuku? Mukuleha kwaku munkotweli jachikasa jitanuna jiwana, mukutoha munkotweli jachikasa jiwana, munkotweli yeyala.

¹²Hamafuku ana twatambwili ituŋodu, tudiheta nikudiheta; kufumisha kuArowenai wakuma kuchinekineki chaArinoni, nichibalu chetuŋa daGileyadi damapidi, ninyikala yekalamu, nenkeli aRubeni nawaGadi;

¹³chibalu chaGileyadi chasheluku, niBashani wejima, wowanta waOŋi nenkeli muchidi waManase wachibalu; yoyi mpata yaArigobi yejima, kafwampi Bashani wejima. Dodatenaŋawu nawu ituŋa dawaRefwa.

¹⁴Yayiri mwana kaManase watambwili mpata yaArigobi yejima, lusu nikuŋinza yawaGeshuri nawaMakati; watumbili Bashani ijina dindi yemweni, nindi, Havoti Yayiri, nilelu.

¹⁵Makiri namwinkeli Gileyadi.

¹⁶ARubeni nawaGadi nayinkeli mpatayakufumisha kuGileyadi lusu kuchinekineki chaArinoni, hohakachika chinekineki, niŋinza yayu; lusu nikukaloŋa Yaboki, yoyi ŋinza yawanyana kaAmoni;

¹⁷nichana nawa, niYodana niŋinza yaku, kufumisha kuKineretilusu nikwijiya dakuchana, dodu ŋiya Damuŋwa, kwakunkumukila Pisiga, nikumusela.

¹⁸Nayilejeli henohu nami, Yehova Nzambi yenu nayinki dehi ituŋidi mwakadiheti; mwakazambukaŋahu dehi kumesu awana kwenu anyana kaIsarela, enu ayilobu ejima.

¹⁹Hakwinza aŋodi jenu ni anyanenu anyanya niyimuna yenu, muloŋa neluki nami mukweti yimuna yayivulu, akashala munyikala yenu yinayinki;

²⁰ninichi chamba kanookeshayi Yehova anakwenu neyi chanayinookeshiyi enu, hamba kahetawu niwena nawa ituŋa dakuyinkayi Yehova Nzambi yenu mwishinadi daYodana; dihu himwakafunta enu amayala ejima kumpata yenu yimunaheti yinayinki.

²¹Hena hanana mulejeli Yoshuwa nami, Wunamoni namesu eyi mwejima mwanakoŋiyi Yehova Nzambi yenu awa anyanta ankanu ayedi; ninochu dimu mwakakoŋayi Yehova mawanta ejima oku kuwukuya.

²²Bayi wakayitiya womaku, muloŋa Yehova Nzambi yenu diyi wayilwilaŋa.

²³Henahana namulembeleleli Yehova,

²⁴nami, Eyi Mwanta Yehova wuna tachiki dehi kunmwekeshela ami kambuŋeyi nikutoha kweyi nichikasacheyi chaŋovu; ochu kudi mukishinyi hela mwiwulu hela hamaseki wukutweshakukoŋa nyidimu yakweseka nayeyeyi, hela kwila yuma yaŋovu yidi neyi welaŋeyi?

²⁵Aŋitiji mwani nizambuki nimonuhu ituŋa didi mwishinadi daYodana, odu ituŋa dadiwahi damapidi, niLebanoni.

²⁶Ilaŋa Yehova wanzuwilili hanyijimba yenwenu, hapitiyiluku. Yehova wapilili, nindi, Kunahu dehi; bayi wuhosha cheŋi nanami nsaŋu iyuku.

²⁷Kandamaku hewulu daPisiga, wakafumbuli mesu eyi wakatali nikumujika nikukabetana kabeta, nikumusela, wakamoni namesu eyi, muloŋa eyi hiwakazambuka iwu Yodanaku.

²⁸Chiŋa wumuleja Yoshuwa, wumukundeji, wumukoleshi; muloŋa yena diyi wakazambukaŋahu dehi kumbidi yawantu awa, wakayiswanisha ituŋa diwakamona.

²⁹Hitukushakama muchinekinekic hatalaŋana naBetipeyori.