Read MUKANDA WANZAMBI Deuteronoma 30 Bible Online

Deuteronoma 30 - MUKANDA WANZAMBI bible

Deuteronoma 30

¹Chakela yuma yejimiyi yinakushikeni dehi, ninkisu niishiŋudinukukushila kumesu eyi, wamba kaanuka mukachi kanyuza yejima kwanakutemwiniyi Yehova Nzambi yeyi,

²wamba kafunta cheŋi kudi Yehova Nzambi yeyi, wamba kovwahila izu dindi dakwila mwejima munakulejilelu, nineyi nianyaneyi, namuchima weyi wejima, nawumi weyiwejima;

³henohu Yehova Nzambi yeyi wakabalumuna wuduŋu weyi, wakakutiyila wushona, wakafunta cheŋi nakukupompesha mukachi kanyuza yejima mwakupalaŋesheliyi Yehova Nzambi yeyi.

⁴Hela tuhu, neyi kudiantu eyi ayoŋela dehi kwakumina iwulu, Yehova Nzambi yeyi wakayakwenoku nakukuleta nakukupompesha.

⁵Yehova Nzambi yeyi wakakuletacheŋi mwituŋa daheteluwu ankakulula jeyi, wakadiheta; wakakwila chachiwahi, wakakuvulisha, wakabadika mwadiŋi ankakulula jeyi.

⁶Yehova Nzambi yeyi wakakwalamisha kumuchima weyi nikunyichima yawanyaneyi, kulonda wakakeŋi Yehova Nzambi yeyi namuchima weyi wejima, nawumiweyi wejima, kulonda wakahandi.

⁷Yehova Nzambi yeyi wakasha mashiŋuawa ejima hadi ayilumbu jeyi, nihadi akuhela, akukabishili.

⁸Hiwakafuntacheŋi, wakovwahili izu daYehova, hiwakela mwaya kuleja kwindi kwejima kuna kuleji lelu.

⁹Yehova Nzambi yeyi wakakuvulishila nyidimu yakuchikasa cheyi yejima, nimuwakasemunwina, nimwakasemunwina yimuna yeyi, niyiwakadima, kulonda wakamoni kuwaha. Muloŋa Yehova Nzambi yeyi wakakutiya cheŋi kuwaha kukwila mwamuwahi, neyi chatiyiliyi ankakululajeyi kuwaha,

¹⁰neyi wakovwahilaŋa izu daYehova Nzambi yeyi, nakuhembanikuleja kwindi, niyidika yindi, yanasonekuwu mumukandiwu wanshimbi; neyi wakabalumuka hiwakafunta cheŋi kudi Yehova Nzambi yeyi namuchimaweyi wejima, nawumi weyi wejima.

¹¹Muloŋa izu dinukukuleja lelu hidakalaku, hididi kwakulehuku.

¹²Hididi mwiwulu mwaka wakeli neyi, Hinyi wakatukandaminamu akatu letelidu kulonda twakatiyumu twakelumuku?

¹³Hididi kwishinadi dakaluŋalwiji, mwaka wakeli neyi, Hinyi wakatuzambukila kaluŋalwiji akatu leteli dutwa katiyumu twakelumuku?

¹⁴Izu idi didi kwakwihi naneyi nankashi, didinimukanwa keyi nimumuchima weyi, kulonda wilumu.

¹⁵Tala nakushiii dehi lelu kumesu eyi niwumi nikuwaha, nikufwanikutama;

¹⁶nanichi chinakuleji lelu kukeŋa Yehova Nzambi yeyi, wendimunjila jindi, wuhembi nikuleja kwindi niyidika yindi, niwuŋaji windi, kulonda wakahandi, wakasemunwini, kulonda Yehova Nzambi yeyi akakukoolekeshi mwituŋa diwukuya nakuheta.

¹⁷Ilaŋa neyi muchima weyiwakabalumuka, kwonti kweyi kutiya, hiwakakokekela nimwacheŋi, hiwakadifukulakudi akishi nakuyipesha;

¹⁸hinukuyishimwinamu lelu nami, Chalala mwakajilu muka hohu, himwakashakama mafuku amavulu mwituŋa diwukuzambuka Yodana diwukuya nakuhetaku.

¹⁹Natambiki niiwuluni iseki ekali ayinsahu jenu lelu, ami nakushili dehi kumesu eyi niwuminikufwa, ninkisu niishipu; dichi dinu tondaku wumi kulonda wuhandi, nineyi nianyaneyi;

²⁰wukeŋi Yehova Nzambi yeyi, wovwahili mwizudindi, wumulamati, muloŋa yena diyi wumi weyi, diyi mafuku eyi amavulu; kulonda wakashakami mwituŋa dasanyikililiyi Yehova ankakulula jeyi aAbarahama, naIsaka, naYakoba kuyinka.