Read MUKANDA WANZAMBI Deuteronoma 33 Bible Online

Deuteronoma 33 - MUKANDA WANZAMBI bible

Deuteronoma 33

¹Tiyenu nkisu yakiswililuwu anyana kaIsarela kudi muntu waNzambi Mosi, kwakwihi nakufwa kwindi.

²Nindi, Yehova wafumini kuSinayi, wanyamukili kuSeyiri, wenjili kudi wena; wayitoŋekeleli kumpidi yaParani, wafumini kumakumi amakombakaji awakwakujila, wadiŋi nalushimbi lwawu lwakesi kuchikasa chindi chachidiilu.

³Eŋaŋi, wakeŋa a nyuza yawantu, antu eyi ajila ejima adimu chikasa cheyi; ashakamini kunyendu yeyi; atambwili mazu eyi.

⁴Mosi watulejeli nshimbiji, hiwuswana wachipompelu chaYakoba.

⁵Wadiŋi mwanta walukanu muYeshuruni, hapompeluwu ayilolu, hapompeli ninyichidi yaIsarela yejima.

⁶Rubeni ahandi kwindi, bayi afwaku; hela chochu antu indi ekaliantesha.

⁷Tiyenu nkisu yaYuda, nindi, Eyi Yehova tiyaku izu daYuda wumushikŋi kudi ayindi; wadilwilili yemweni namakasindi; yeyi wakekala nkwashiyindi hakadasayi nawakwankunyi nindi.

⁸Wamwilili Levi, nindi, Tumimi yeyi niWurimi yeyi, yidi naweyi wajila iwesekeli kuMasa, lwafwilaŋeni nindi kumeji aNdombu;

⁹welili tata yindinamama yindi nindi, Hinamumonuku, hela ana kwindi hatŋiluku, hela anyanindi yemwenindi hayilukiluku; anashi muchima kwizu deyi, ahembaŋa chitiyaŋenu cheyi.

¹⁰Akalejaŋa Yakoba muwuŋaji weyi, akalejaŋa niIsarela nshimbi jeyi; akakushila insensi kumesu eyi; nihimulambu wakushita wamukuma akawisha hakameŋa keyi.

¹¹Eyi Yehova kiswilakuyuma yindi nkisu, tambula nimudimu wakmnakasindi; adikaŋa nindiyeteli hankuma, ninawa amuhela, bayi amona jakunyamuka cheŋuku.

¹²Wamwilili Benjamini, nindi, Akeŋawu kudi Yehova wakashakama kudiyena chakadi kwakama; wamubutaŋa mwaana wejima, eŋaŋi, washakamaŋa habulakena mafwŋi indi.

¹³Wamwilili Yosefu, nindi, Ituŋa dindi adikiswili nkisu kudi Yehova, amoni yuma yalema yamwiwulu, niwuumi, niyidi mwakunama mwakumakwishina,

¹⁴amoni niyuma yalema yameneshaŋa itaŋwa, niyuma yalemaya kulishaŋa tukweji,

¹⁵niyuma yabadikamu yakumapidi ahashankulu, niyuma yalema yakutupidi twahaya nyaka,

¹⁶amoni niyuma yalema yahamaseki muyavulila, nikumutiya kuwaha kudi washakamini muchiputa; nkisu iyi yinzi hanamutu waYosefu, mwishina danamutu wayena aambwilu wukudi ana kwindi.

¹⁷Wawaha neyi chawaha ŋombi yindi wawedi; nseŋu jindi jidi neyi nseŋu jaŋombi wampata; wakahuma nachu nyuza yejima kumu nikwakumina iseki; kudi Efweremi kudi makombakaji makumina makumi, kudi Manase kudi makombakaji.

¹⁸Wamwilili Zebuluni, nindi, Zaŋalalaku, eyi Zebuluni, muwendaŋa; nineyi Isakari mumatenti eyi.

¹⁹Akatambika nyuza yawantu kwinza kumpidi; kwenoku akaketwilaku yimuna yakuloŋa; muloŋa wena akaamwayuma yayivulu yanamutuluŋa lwŋi, niyuma yalema yaswamana yamuwusekulula.

²⁰Wamwilili Gadi, nindi, Wukutohesha mpata yaGadi akekali wakisulewa; washakamaŋa neyi mukaji wamutupa, watabulaŋa chikasa, niishina danamutu kumu.

²¹Waambwiluku iseka dakusambila nindi dami, dikukwatentekeluwu iseka damukwakuhana nshimbi; wenjili nawayilolu, welilimwaya wuŋaji waYehova, nimwasompesheliyi aIsarela.

²²Wamwilili Dani, nindi, Dani himwenzi wamutupa, wafumaŋa kuBashani nakutumboka.

²³Wamwilili Nafwatali, nindi, Eyi Nafwatali, wunekuti wuselewa, wunenzali nkisu yaYehova mbe; hetaku nimujika nikabeta kakuchidiilu.

²⁴Wamwilili Asheri, nindi, Asheri amukiswili nkisu yakusema; amumoni kuwaha kudi ana kwindi, atumpi mwendu windi mumanji;

²⁵nyikomenuyeyi yakekala chikuŋu nawuneŋu; mwakekalila mafuku eyi dimu mwakekalila niŋovu jeyi.

²⁶Eyi Yeshuruni, hikudi wadifwana naNzambuku, wendelaŋa kwindihamawulu kulonda akukwashuku, wendelaŋa haluzwizu chawanta.

²⁷Nzambi wakunyaka dihu hawushakaminu weyi, makasa ahaya nyakaakuma kwishina; chilumbu wamutemwini kuwayili eyi, welili nindi, Jilumunenu.

²⁸Isarela washakama chakadi kwakama, kasulu kaYakoba kanka waku, mwituŋa datidiku navinyu; eŋaŋi, mawulu indi asotokaŋawuumi.

²⁹Eyi Isarela, O chiwamona kuwaha! Wudi neyi eyi hinyi? Muza wakwamwina kudi Yehova nkebu yeyi yakukwashaŋa, diyi mpoku yeyi yakabali yawanta weyi. Ayilumbu jeyi akakufwomokela; wakadata hayinaŋanaŋa yawu.