Read MUKANDA WANZAMBI Deuteronoma 4 Bible Online

Deuteronoma 4 - MUKANDA WANZAMBI bible

Deuteronoma 4

¹Ichi dinu, enu aIsarela, tiyililenu yidika nawuŋaji wunukuyileja kulonda kwilamu; kulonda muhandi, mwipili muheti ituŋa dakuyinkayi Yehova Nzambi yawankakulula jenu.

²Mazu inukuyileja bayi mwakalunjikakwokuku, hela kufumishaku nehi, kulonda mwakahembaŋa chachiwahi kuleja kwambala kwaYehova Nzambi yenu kunayilejaŋa.

³Enu aweni munamoni namesu enu cheliliyi Yehova hansaŋu yaBayali Peyori; muloŋa mayala ejima amulondeli Bayali Peyori ayijilumwini kudi Yehova Nzambiyenu mukachi kenu.

⁴Ilaŋa enu mwakakeleli Yehova Nzambi yenu saŋa mwahandila nilelu.

⁵Talenu ntahi, nayileji dehi yidika nawuŋaji, mwomwanlejeliyi Yehova Nzambi yami, kulonda mwakelaŋamu mwituŋa dimukuya nakuheta.

⁶Mwakahembaŋa chachiwahi mwakelaŋamu; muloŋa diwu maana enu nikashinshi kenu kumesu awantu ejima, chakatiya wuyidika iyi yejima, akahosha nawu, Chalala iwu muza weneni hiyantu akweti maana nakashinshi.

⁷Indi kudi muza weneni wukwawu wukwetimukishi kwakwihi nawena, neyi chadiyi Yehova Nzambi yetu hejimatwa mutambikaŋa?

⁸Indi kudi muza wukwawu weneni wukweti yidi kana wuŋaji waloŋa, neyi chi loŋa nshimbiŋi jinukuyileja lelu?

⁹Chiŋa wubabalaŋa wakahembaŋa muchima weyi chachiwahi nankashi, kuchina kuvulamena yuma yiwamweni namesu eyi, yakenza kafuma kumuchima weyi nyaka yeyi yejima yiwamba kahandaŋa; wakalejaŋamu nianyaneyinianyana kawanyaneyi;

¹⁰niifuku diwemeni kumesu aYehova Nzambi yeyi kuHorebi, hapililiyi Yehova, nindi, Mpompesheli antu niyileji mazu ami atiyi, kulonda adizi kuntiya woma nyaka yejima yamba kahandaŋawu hanuhamaseki, kulonda akalejaŋa anyanawu.

¹¹Enu mwaswilili kwakwihi, mwemeni kwishina dampidi; nimpidi yabidimini kesi kashikili nimukachi kewulu, kwadiŋi nimwidima, niivu, nikushishita bwi chikupu.

¹²Yehova mwadiŋiyi mukesi hakuhosha nanenu; mwatiyili izu damazu, himwamweni chifwiki jaku, mwatiyili kwezu hohu.

¹³Wayishimwinini mwaya chitiyaŋenu chindi chayilejeliyi kukoŋamu, joju nshimbi ikumi; wajisonekeli kwindi hamalola awubasa ayedi.

¹⁴Henahana Yehova wanlejeli kuyilejayidika nawuŋaji, nindi mwakelaŋamu mwituŋa dimukuya nakuheta.

¹⁵Dichi babalenu nankashi, muloŋa denodu ifuku diŋa dahosheliyi Yehova nanenu kuHorebi mukesi, himwamweni hoku chifwikijaku;

¹⁶mwakenza kaditokesha tuhu bu-lu-lu nakudilila mukishi wakusoŋa wakufwikŋa mwekalilayi muntu wakwesekeja, hela iyala hela mumbanda,

¹⁷hela wakwesekeja kanyama hikanyama wekala hamaseki, hela wakwesekeja kajilahikajila wukweti mpuula watúukaŋa haluzwizu,

¹⁸hela wakwesekeja chuma hichuma chazalalaŋa hamaseki, hela wakwesekeja inshi hinshi wekala mumeji mwishina damaseki;

¹⁹wakenza kafumbula mesu eyi kwiwulu, chiwakamona niitaŋwa, nikakweji, nitutumbwa, yoyileŋaleŋa yamwiwulu yejima, wakenza kakokekelamu, hiwukudifukula kudi wena, nakuyipesha, yoyumaya anjaŋeneniyi Yehova Nzambi yeyi nyuza yejima yekala mwishina dewulu dejima.

²⁰Enu Yehova nayitambuli dehi, wayifumishili mulutepulwa chikupu, mwomuEjipitu, kulonda mwakekali antu indi, wuswana windinilelu.

²¹Hakwila ami Yehova wanzuwilili hanyijimba yenwenu, wasanyikilinindi ami kuzambuka Yodana nehi, hela kwijila mwituŋa odu dadi wahi daku kwinkayi Yehova Nzambi yeyi dawuswana nehi;

²²chiŋa nifwila mwituŋa dinu, ami kutwesha kuzambuka Yodana nehi, hakwinza enu yenu mukuzambuka, mwakaheta ituŋodu dadiwahi.

²³Babalenu mwakenzakavula mena chitiyaŋenu chaYehova Nzambi yenu chatiyaŋeniyi nanenu, mwakenza kadilila mukishi wakusoŋa wakufwikŋa chuma hichuma chanakulekeshiyi Yehova Nzambi yeyi.

²⁴Muloŋa Yehova Nzambi yeyi hikesikanoŋeshaŋa, hiNzambi wukweti mukawu.

²⁵Chiwakawala nyana niezukulu, neyi munakashakami delii mwituŋa hanalehi dehi, hiwakaditokesha bu-lu-lu, hiwakadilila mukishi wakusoŋa wakufwikŋa chuma hichuma, hiwakakoŋa chatama kumesu aYehova Nzambi yeyi, wumuvuloki azuwi;

²⁶ami lelu hinukutambika niiwuluniiseki ekali ayinsahu enu, mwakajilumuka shati chakadi nikuleha mwituŋa dimukuya nakuheta mwishinadi daYodana; himwakashakama mwokumafuku amavuluku, mwakajilumuka tuhu shati.

²⁷Yehova wakayimwaŋa ndu-ndu mwahita nyuza yawantu, omu munyuza mwakayitwalayi Yehova mwakashala antesha hohu.

²⁸Kwenoku mwakapesha akishi akutuŋana makasa awantu, anyitondu namalola, abulaŋa hela kumona, hela kutiya, hela kudya, hela kutiya ivumba.

²⁹Ilaŋa neyi kwenoku wakamukeŋakeŋa Yehova Nzambi yeyi, wakamuwana, neyi wakamukeŋakeŋa namuchima weyiwejima, nawumi weyi wejima.

³⁰Chiwakamona yihuŋu, niyuma yejimiyi yina kuwani dehi, hamafuku akukuminina wamba kafunta cheŋi kudi Yehova Nzambi yeyi, wamba katiyilila cheŋi izu dindi;

³¹muloŋa Yehova Nzambi yeyi hiNzambi wawushona; hakakuumbaku, hakakujilumunaku, hakavulamena chitiyaŋenu chawankakulula jeyi chayisanyikililiyuku.

³²Ihulaku ntahi mafuku anahiti dehi ásambilili, kufumisha kwifukudaleŋeliyi Nzambi muntu hanu hamaseki, kufumisha kunsa yewulu yimulusu nikunsa yi kwawu, achimonahu dehi chuma cheneni neyi ichi, achitiyahu dehi, tahindi?

³³Kuduhu antu atiyahu dehi izu daNzambi diku hoshamukachi kakesi neyi chimunatiyenu, ahanda?

³⁴Nzambi wesekahu dehi kuya nakutambula muza mukachi kamuza wukwawu, nakweseka, nayinjikijilu, nayihayamisha, nanjita, nachikasa chaŋovu, nachikasa chakwolola, nayuma yeneni yakufwisha mutentu, neyi mwejima mwayikoŋeleliyi Yehova Nzambi yenu muEjipitu kumesu enu, tahindi?

³⁵Anayilejumu enu, kulonda mwiluki nenu Yehova diyi Nzambi, hikudi wacheŋuku.

³⁶Wahosheliizu dindi dafumini mwiwulu kulonda wuditiyi, kulonda akuleji maana; hela hanu hamaseki wakumwekesheleli kesi kindi keneni; eyi watiyili mazu indi akufuma mukachi kakesi.

³⁷Ochu chakeŋeliyi ankakulula jeyi, dichichatondeleliyi anyanawu alondelumu, hakukufumisha nimuEjipitu, ikusaŋa ekalilayi neyi naŋovu jindi jasweja;

³⁸kulonda atemuni kuwukuyeyinyuza yakubadikeyi nikutoha niŋovu, kulonda akwiŋiji, akwinki ituŋa dawudiikali wuswana weyi, neyi ichi chimunamoni lelu.

³⁹Dichi ilukaku lelu, wushi kumuchima, neyi Yehova diyi Nzambi, ninomu mumawulu, nimunu mwishina hamaseki; hikudi wacheŋuku.

⁴⁰Kahembaŋa chachiwahi yidika yindi nikuleja kwindi, kunukukuleja lelu, kulonda wakamoni kuwaha nineyi nianyaneyi akakulondela munyima, wakashakami mafuku amavulu mwituŋa dakukwinkayi Yehova Nzambi yeyi, haya nyaka.

⁴¹Henohu Mosi wa ambwili nyikala yisatu kwishinadi daYodana kwaselelaŋa taŋwa;

⁴²kwakutemukila mbanji najahi mukwawu chakuluwukila, chakadi kumuhela ŋahu dehi, kulonda chakutemukilayi kumukala wumuwanyikaloyu akahandi;

⁴³nyikaloyu, iwu Bezeri mwisaŋa, mumpata yachana, wawaRubeni; iwu Ramoti muGileyadi, wawaGadi; iwu Golani muBashani, wawaManase.

⁴⁴Dŋu nshimbi jashililiyi Mosi anyana kaIsarela;

⁴⁵dimu muwunsahu, nimuyidika, nimuwuŋaji, mwahosheliyi Mosi nawanyana kaIsarela hafuminuwu muEjipitu,

⁴⁶kwishinadi daYodana, muchinekineki chatalaŋana naBetipeyori, mwituŋa daSihoni mwanta wawaAmori walukanu washakamini kuHeshiboni, atapiluwu kudi aMosi nawanyana kaIsarela hafuminuwu muEjipitu;

⁴⁷atambwili ituŋa dindi hiyakudiheta, niituŋa daOgi mwantawa kuBashani walukanu, diwu anyanta awaAmori alukanu ayedi, adiŋi kwishinadi daYodana kwaselelaŋi itaŋwa;

⁴⁸kufumisha kuArowenai wekalakunsa yachinekineki chaArinoni, lusu nikumpidi yaZiyona, diyi Herimoni,

⁴⁹nachana chejima kwishinadi daYodana kumusela, lusu nikwijiya dakuchana, kwakunkumukila nyikandu yaPisiga.