Read MUKANDA WANZAMBI Deuteronoma 9 Bible Online

Deuteronoma 9 - MUKANDA WANZAMBI bible

Deuteronoma 9

¹Tiyenu, enu aIsarela; lelu himukuzambuka Yodana mwiŋili nakuhetanyuza yayibadika nikutoha ninovu, ninyikala yamaneni yikweti mpwembu jakwata nimwiwulu.

²Niantu amaneni ataluka, wowu anyana kaAnaki iweluka, lwatiya kuyitena nawu, Watweshaŋa kwimana nawanyana kaAnaki hinyi?

³Ilukaku dinu lelu, neyi, Yehova Nzambi yeyi diyi wukutwamina ŋaku kuwukuyeyi neyi kesi kanoŋeshaŋa; wakayijilumuna, wakayizeyesha kuwukuyeyi; nineyi hiwakayitemunamu, hiwakayijilu munachaswayi hohu, mwomwanahoshiyi Yehova naneyi.

⁴Hakela neyi Yehova Nzambi yeyi nayitemunumu dehi kuwukuyeyi, bayi wakahosha mumuchima weyi neyi, Yehova naŋiŋiji nakaheti ituŋidinakuloŋa kwamuku; komana muloŋa wakutama kwanyuzoyu diwu wanayi temwiniyi Yehova kuwukuyeyi.

⁵Chiwukwijila nakuheta ituŋa dawu, hiwukwijila nanochu chiwaloŋa, indi kwiji nanochu chiwoloka muchimaku, ilaŋa nanochu chatama nyuzoyu dichi chakuyite mwinayi Yehova Nzambi yeyi kuwukuyeyi, kulonda akakoleshi izu dasanyikililiyi Yehova ankakululajeyi, Abarahama, naIsaka, naYakoba.

⁶Dichi ilukaku neyi, Yehova Nzambi yeyi hadi nakukwinka ituŋididadiwahi nindi wudiheti nanochu chiwalonaku; muloŋa enu mumuzawachinchika.

⁷Anukaku, bayi wakavulamena chiwamuvulokeli Yehova Nzambi yeyi azuwi muna mwisaŋaku; kufumisha kwifuku diwafumini mwituŋa daEjipitu, ninichi chimwashikili kunu, mwadikaŋili naYehova hohu.

⁸Hela kuHorebi mwamuvulokeli Yehova azuwi, Yehova wazuwilinanenu nindi ayijilumuni.

⁹Chinakandukili mpidi nakutambula malola awubasa, wowu malola awubasa achitiyaŋenu chatiyaŋeniyi Yehova nanenu, nashakamini hampidi mafuku makumi awana nimwaana niwufuku; hinadiiliyakudya, hela kunwa mejuku.

¹⁰Yehova wanyinkeli malola awubasa ayedi akusoneka namunu waNzambi; asonekeluhu mwaya mazu ejima ahosheliyi Yehova nanenu hampidi, izu dindi difumaŋa mukesi ifuku dakupompa.

¹¹Chelili mafuku makumi awana nimwaana niwufuku anamani dehi, Yehova hakunyinka malola awubasa ayedi, wowu malola awubasa achitiyaŋenu.

¹²Yehova hakuŋila nindi, Nyamukaku, wufumi kunuwukunkumuki swayi; muloŋa antu eyi iwafumishili muEjipitu anaditamishi dehi; anafumi dehi swayi munjila yinayilejeli; aneli dehi mukishi wawu wakusuŋununa.

¹³Yehova hakuŋila henahana, nindi, Iwu muza nawumoni dehi komana himuza wachinchika;

¹⁴nleki kwami niyijilumuni, nŋimi ijina dawu difumi munu mwishina dewulu; eyi nikwili muza wakuyibadika wena niŋovu nikutoha.

¹⁵Nochu nabalumukili nakunkumukili mpidi, mpidi yidi nakubidimakesi; nimalola awubasa achitiyaŋenu ayedi adi mumakasami ayedi.

¹⁶Naminitali, hinukumona komana munamuvulumuni dehi Yehova Nzambi yenu; munadilili dehi mwana kaŋombi wakusuŋununa; munafumi dehi swayimunjila yayilejeliyi Yehova.

¹⁷Nakwatili malola awubasa ayedi, nayinatili mumakasami ayedi nayifumpili kumesu enu.

¹⁸Nadinatili chamesu hamaseki kumesu aYehova mafuku makumi awana nimwaana niwufuku, neyi chinelili hakusambila; hinadiili yakudya hela kunwa mejuku; muloŋa wanshidi yenu yimwavulumwini, chimwelili chatama kumesu aYehova, himukumuvuloka azuwi.

¹⁹Ami natiyili woma wakuzuwa nikutatashana kwayizuwililiyi nachu Yehova, nindi ayijilumuni. Ilaŋa Yehova kwindi wantiyililili henohu nawa.

²⁰Yehova waswejeli kuzuwa naAroni, nindi amujilumuni; namulombeleli Aroni henohu nawa.

²¹Ami nanoneni nshidi yenu, yowu mwanakaŋombi imwelili, namwocheli mukesi, namutwili, namuchikili, wahehelineyi lunkuŋu hohu; nakuwili lunkuŋu lwindi mukakaloŋa kafumini hampidi.

²²NikuTabera, nikuMasa, nikuKibiroti Hatava mwamuzuwishili Yehova.

²³Chayitemesheliyi Yehova nindi mufumi kuKadeshi Baraneya, wayililinindi, Yenu mwakaheti ituŋa dinayinki; himukudikaŋa nezu daYehova Nzambi yenu, himwamwitiyili hela kutiyilila mwizu dinduku.

²⁴Kufumisha kwifuku dinayiilukili mwadikaŋa naYehova hohu.

²⁵Dichi nadinatili chamesu hamaseki kumesu aYehova mafuku makumi awana nimwaana niwufuku; muloŋa Yehova welili nindi wukuyijilumvma.

²⁶Nalombeli kudi Yehova, nami, Eyi Mwanta Nzambi, bayi wujilumunaantu eyi, niwuswana weyi wakúulili nakutoha kweyi, wafumishili muEjipitu nachikasa cheyi chaŋovuku.

²⁷Anukaku ambuŋeyi aAbarahama, naIsaka, naYakoba; bayi wutalaŋa kuchinchika kwawantu awa, hela kutama kwawu, hela nshidi yawuku;

²⁸antu amwituŋa diwatufumishili akenza kelanawu, Yehova akaŋenyi kuyiŋi mwituŋa dayikanininiyi, wayilieleli, dichi chayifumishililiyi nindi ayijahili mwisaŋa.

²⁹Kutoŋa diwu antu eyi, diwu wuswana weyi, wafumishili naŋovu jeyi jeneni, nachikasa cheyichakwolola.