Read MUKANDA WANZAMBI Joani 14 Bible Online

Joani 14 - MUKANDA WANZAMBI bible

Joani 14

¹Bayi mwakama munyichima yenuku. Mwamukuhwelelaŋa Nzambi, nkuhwelelenu ninami nawa.

²Mwitala daTata yami mwakushakama mwekala mwamuvulu; neyi himwadiŋi chochochuku nadi kuyileja. Nukuya nakuyiloŋeshela mwakushakama.

³Chineli nami nukuya nakuyiloŋeshela mwakushakama, ami aweni nakenza cheŋi nakuyitambula; kulonda kunakekalami, diku mwakekali ninenu nawa.

⁴Njila yakunukuyami mwayiluka dehi.

⁵Tomasi hakumwila nindi, Mwanta, hitweluka kuwukuyaku; indi njila tukuyiluka ŋahi?

⁶Yesu hakumwila nindi, Ami yami njila, yami walala, yami wumi. Kwosi muntu niwumu wukwinza kudi Tata chiŋa hadami.

⁷Neyi mwaŋilukili, mutenowu mwadi kwiluka niTata yami nawa; kufumisha kulelu munamwiluki, munamumoni dehi.

⁸Fwilipu hakumwila nindi, Mwanta, tuleji Tata; dimu tunakeŋi hohu.

⁹Yesu hakumwila nindi, Eyi Fwilipu, munashakami nenu mwejimimu, wubuli kuŋiluka? Muntu nanmonami namoni Tata. Wunelilidi neyi, Tuleji Tata?

¹⁰Chinekalami mudi Tata, niTata mudami, eyi kwitiyamu nehi? Awa mazu nayilejaŋa, himazu akumuchima wamami awenuku, Tata washakama mudami diyi wudi nakukalakala nyidimu yindi.

¹¹Ŋitiyenu nenu nekala mudi Tata niTata wekala mudami; hela neyi omu nehi, ŋitiyilenu kwanyidimu yayeni.

¹²Chalala chalala, nukuyileja nami, muntu wukunkuhwelela, nyidimu yinukukoŋa niyena wakayikoŋa; wakakoŋa niyakubadika iyi, nanichi chinukuya kudi Tata.

¹³Chonsu chimukulomba mwijina dami nukuchila, kulonda Tata amulemesheli mudi Mwana.

¹⁴Neyi mukulomba chuma mwijina dami nukuchila.

¹⁵Neyi mwankeŋa, mukuhembaŋa munayilejaŋa.

¹⁶Ami nakamulomba Tata, wakayinka Nkwashi mukwawu akekali nanenu nyaka yejima.

¹⁷Yowu Spiritu wansaŋu yalala, abulaŋa kutwesha kutambulawu kudi antu ampata yamunu mwishina; muloŋa abulaŋa kumumona, hela kumwiluka hiyamwilukaku; ilaŋa enu mwamwiluka muloŋa washakama nanenu, wakekala mudenu.

¹⁸Hinakayishiya neyi anshonaku; nakenza kudenu.

¹⁹Kunashali kapinji kantesha hohu, antu ampata yamunu mwishina hiyakanmona nawa cheŋuku; ilaŋa enu mwakanmona; chinahandaŋami, dichi chimwakahandaŋa ninenu.

²⁰Ifuku odu mwakeluka nenu ami nekala mudi Tata yami, ninenu mwekala mudami ninami mudenu.

²¹Muntu wukweti mazu inayilejaŋa nakuyihemba, diyi wankeŋa; ninowu wankeŋa akumukeŋa kudi Tata yami, ninami nukumukeŋa, nukudimwekeshaŋa kudi yena.

²²Yuda wacheŋi, hiIsakarotuku, hakumwihula nindi, Eyi Mwanta, ichi chiwukudimwekesha kudetu, wubuli kudi mwekesha kudi antu ampata yamunu mwishina, chikufuma hanka?

²³Yesu hakumwakula nindi, Muntu wankeŋa wukuhemba mazu ami; Tata yami wukumukeŋa, ninetu tukwinza kudi yena tukushakama nindi.

²⁴Muntu wabula kunkeŋa hahembaŋa mazu amuku; nimazu imukutiya hiyamuku, aTata wantemesheli.

²⁵Nasambilaŋahu dehi kuyileja mazu awa hohanu nichidi kushakama nanenu.

²⁶Ilaŋa Nkwashi, diyi Spiritu Wajila, akatemeshawu kudi Tata mwijina dami, diyi wakayileja yuma yejima, wakayanukisha yinayileji yejima.

²⁷Kuwunda nayishiyih; kuwunda kunawundaŋami nayinki. Hinayinki neyi chahanaŋawu antu ampata yamunu mwishinaku. Bayi mwakama munyichima yenuku, bayi mutiya hela womaku.

²⁸Munatiyi chinayili nami nukuya kwacheŋi, nakenza kudenu. Neyi mwankeŋa, mutenowu munazaŋalali nanichi chinukuya kudi Tata, muloŋa Tata wambadikami.

²⁹Nayilejaŋahu dehi hohanu hichichidi kanda chinzi, kulonda chichakenza mwaketiyi.

³⁰Hinukuhosha cheŋi nanenu mazu amavuluku; muloŋa mwanta wayulaŋa mpata yamunu mwishina hakwinza; niyena hakweti chuma mudamuku.

³¹Ami nelaŋa mwanlejeli Tata, kulonda antu ampata yamunu mwishina akeluki nawu nakeŋa Tata. Nyamukenu tuyenu kwacheŋi.