Read MUKANDA WANZAMBI Joani 17 Bible Online

Joani 17 - MUKANDA WANZAMBI bible

Joani 17

¹Yesu chanahoshiyi mwenimu, hakufumbula mesu kwiwulu, hakwila nindi, Tata, mpinji yinashi ki dehi. Lemesha Mwaneyi, kulonda Mwana akulemesheyi.

²Chiwunamwinki wanta hadi antu ejima, kulonda ejima wunamwinki ayinki wumi wahaya nyaka.

³Wumi wahaya nyaka woweniwu, wakukwiluka eyi Nzambi walala wumu hohu, niYesu Kristu watemesheli.

⁴Ami nakulemeshi hamaseki, namanishi dehi mudimu wanyinkeli kwila.

⁵Ichi dinu, eyi Tata, anlemesheli kumu naneyi aweni nakulema kunadiŋi naku hadiŋi mpata yamunu mwishina yichidi kanda.

⁶Namwekeshi ijina deyi kudi antu wanyinkeli mukachi kawakwampata yamunu mwishina; adiŋi eyeyi, yeyi wanyinkeluwu, niwena anahembi mazu eyi.

⁷Ichi dinu aneluki dehi nawu yuma yejima yiwunanyinki yinafumi kudeyi;

⁸muloŋa mazu wanyinkeli ami nayinki wena; nlwena anayitambuli; aneluki chalala nawu ami nafumini kudeyi, anetiyi nawu yeyi wantemesheli.

⁹Ami nukuyilombela wena; hinukulombela akwampata yamunu mwishinaku, chiŋa wowu antu wunanyinki, muloŋa wena hiyantu eyi.

¹⁰Yuma yamami yejima yeyeyi, niyeyi diyi yamami; ninami hinukulemena mudi wena.

¹¹Hinukwikala nawa cheŋi mumpata yamunu mwishinaku, ilaŋa awa adi mumpata yamunu mwishina; ami hinukwinza kudeyi. Eyi Tata Wajila, yihembi mwijina deyi awa wunanyinki, kulonda ekali wumu neyi chitwekaletu.

¹²Chinadiŋi nawu, nayihembeli awa wunanyinki mwijina deyi. Nayihembi; kwosi niwumu nakisikuku, chiŋa yowu mukwakunoŋa, kulonda mukanda wajila wulumbuluki.

¹³Ichi dinu hinukwinza kudeyi. Hinukuhosha mwenimu hinichidi mumpata yamunu mwishina, kulonda muzaŋalu wami wuwanini mudi wena.

¹⁴Ami nayinki mazu eyi; akwampata yamunu mwishina anayiheli nanichi chanabuluwu kwikala ampata yamunu mwishina, neyi chineli ami nawa hinidi wampata yamunu mwishinaku.

¹⁵Hinalombi nami wuyifumishi mumpata yamunu mwishinaku, ilaŋa nami wuyihembi kudi watama.

¹⁶Wena hiyampata yamunu mwishinaku, neyi chineli nami hinidi wampata yamunu mwishinaku.

¹⁷Yŋiliki munsaŋu yalala. Mazu eyi hinsaŋu yalala.

¹⁸Chiwantemeshelami mumpata yamunu mwishina, dichi chinayitemeshi niwena mumpata yamunu mwishina.

¹⁹Ami hinukudiŋilikilawu wena, kulonda awenawu akekali ajila munsaŋu yalala.

²⁰Hinukukumina dakuyilombela wena hohuku; ilaŋa nukulombela niwena akunkuhwelela namazu awu;

²¹kulonda wejima wawu akekali wumu, neyi chiwekala eyi Tata mudami ninami mudeyi; kulonda niwena akekali mudetu, kulonda akwampata yamunu mwishina aketiyi nawu yeyi wantemesheli.

²²Ni kulema kuwunanyinki nayinki wena, kulonda akekali wumu neyi chitwekaletu wumu.

²³Ami mudi wena nineyi mudami, kulonda chakwikalawu wumu hohu eli alala chikupu, kulonda akwampataya munu mwishina akeluki nawu yeyi wantemesheli; akeluki nawu wayikeŋeli neyi chiwankeŋelami.

²⁴Tata, nakeŋi nami antu wunanyinki akekali chimu nanami kunakekalami, kulonda akabanjilaŋa lubanji lwakulema kwami kuwunanyinki, nanochu chiwankeŋeli helili chikuku champata yamunu mwishina chichidi kanda.

²⁵Eyi Tata waloŋa, antu ampata yamunu mwishina hiyakwilukiluku, ilaŋa ami nakwilukili; ninawa aneluki nawu yeyi wantemesheli.

²⁶Nayileji ijina deyi kulonda adiluki, namba kayilejadu nawa kulonda akadiluki; kulonda kukeŋa kuwankeŋeli nachu kwakekali mudi wena ninami nakekali mudi wena.