Read MUKANDA WANZAMBI Joani 20 Bible Online

Joani 20 - MUKANDA WANZAMBI bible

Joani 20

¹Ifuku damulungu damuchimu, Mariya Mandaleni hakuya kwijamu habudidi kuchidi mwidima, hakumona ilola anadifumishi dehi kwijamu.

²Hakuya lufuchi kudi Shimona Petulu nikudi owu kambanji mukwawu akeŋeluwu kudi Yesu; hakuyila nindi, Anafumishi dehi Mwanta mwijamu, etu kwiluka kwanamukamikuwu nehi.

³Dichi Shimona Petulu hakwidika nayenowu kambanji mukwawu, hiyakuya kwijamu.

⁴Hiyakuyila hamu lufuchi; kambanji mukwawu hakumushiyamu Petulu, hakusambila ŋahu dehi kushika kwijamu.

⁵Hakubandama, hakutalamu, hakumona kwamahina atooka adi heseki awa, ilaŋa yena kwijila nehi.

⁶Shimona Petulu wadiŋi nakumulondela, ashika nikushika, epila nimwijamu. Hakumona kwamahina atooka adi heseki awa,

⁷niihina dadiŋi kunamutu windi hididi hamu nanowu mahina atookaku, Ilaŋa dakuvuna hakanka wadu.

⁸Dichi owu kambanji mukwawu, wasambihli kushika kwijamu, hakwijila mu niyena, hakumonahakwitiya.

⁹Muloŋa henohu adiŋi kanda eluki mukanda wajila welili nawu chiŋa asaŋuka mudi afu.

¹⁰Atumbanji hiyakufunta cheŋi kwaawu.

¹¹Hakwila Mariya chochemanayi hanzi yejamu nakudila. Chadiŋi nakudilayi hakubandama, hakutala mwijamu,

¹²hakumona aŋelu ayedi anavwali yitooka, anashakami wumu kunyitu mukwawu kunyendu, kwakamini mujimba waYesu.

¹³Hiyakumwihula nawu, Eyi mumbanda wudi nakudiladi? Hakuyila nindi, Muloŋa natwali dehi Mwanta wami, ami kwiluka kwanamukamikuwu nehi.

¹⁴Chanahoshiyi ochu, hakutala munyima, hakumona Yesu nemani, kwiluka nindi diyi Yesu nehi.

¹⁵Yesu hakumwila nindi, Eyi mumbanda wudi nakudiladi? Wudi nakukeŋanyi? Yena hakutoŋojoka nindi kwiji hindimi yetempodu. Hakumwila nindi, Eyi mwanta, neyi yeyi wunamusendi, nleji kuwunamukamiki, nimufumishuku.

¹⁶Yesu hakumwila nindi, Mariya. Yena hakubalumuka, hakumwila muHeberu nindi, Raboni; daya mukwila nawu, Nkuluŋaŋa.

¹⁷Yesu hakumwila nindi, Bayi wunkunkaku, Muloŋa nichidi kanda nikandami kudi Tata. Yaŋa kudi ana kwami, wuyileji neyi hinukukandama kudi Tata yami ninenu Tata yenu, kudi Nzambi yami ninenu Nzambi yenu.

¹⁸Mariya Mandaleni hakwinza kudi atilmbanji, hakuyileja nindi, Namumoni Mwanta. Hakuyileja nawa nimwanamulejiyi.

¹⁹Denodu ifuku odu damuchimu damulungu, chikuneli melela, anaŋati dehi yenzelu yamwadiŋi atumbanji muloŋa atiyili aYudeya woma, Yesu hakwinza hakwimana mukachi; hakuyila nindi, Kuwunda kwikali nanenu.

²⁰Chanahoshiyi ochu hakuyileja makasindi nikabavu kindi. Dichi atumbanji chanamonuwu Mwanta, atiya nikuwaha.

²¹Yesu hakuyila cheŋi nindi, Kuwunda kwikali nanenu; chantemesheluwu kudi Tata, ninami nawa hinukuyitemeshenu.

²²Chanahoshiyi ochu hakuyonena, hakuyila nindi, Tambulenu Spiritu Wajila.

²³Antu mukwanakena nyiloŋa yawu, anayanakeniyu; antu mukulekela nyiloŋa yawu, anayilekeliyu.

²⁴Ilaŋa Tomasi wahekumi nayedi, atenaŋawu nawu Mpamba, chenjiliyi Yesu hadiŋi nawuku.

²⁵Dichi akwawu atumbanji hiyakumwila nawu, Tunamumoni Mwanta. Ilaŋa yena hakuyila nindi, Chiŋa nimona yilonda yambwambu mumakasindi, niiŋa nimunu wami muyilondoyu yambwambu, nisha nichikasa chami kukabavu kindi; mukunkulwayi hinukwitiyaku.

²⁶Chimunahiti mafuku atanu nasatu, atumbanji twindi adiŋi cheŋi mwitala, Tomasi wadiŋi hamu nawu niyena. Yesu hakwinza, kuyenzelu saŋa apatilaku; hakwimana mukachi, hakuyila nindi, Kuwunda kwikali nanenu.

²⁷Hakumwila Tomasi nindi, Letaku kunu munu weyi wumoni makasami, ololaku chikasa cheyi wiŋiji kukabavu kami. Bayi wikala nantaduku, itiyaku.

²⁸Tomasi hakumwakula nindi, Mwanta wami! Nzambi yami

²⁹Yesu hakumwila nindi, Wunetiyi nanichi chiwunanmoni. Anetiyi chakadi kumona anakooleki.

³⁰Yesu welili yinjikijilu yi kwawu yayivulu kumesu awatumbanji twindi, hiyanayisoneki mumukanda iwuku.

³¹Ilaŋa yeniyi anayisoneki kulonda mwitiyi nenu Yesu diyi Kristu, Mwana kaNzambi, kulonda chimukwitiya chakukuhwelela mumoni wumi mwijina dindi.