Read MUKANDA WANZAMBI Joani 8 Bible Online

Joani 8 - MUKANDA WANZAMBI bible

Joani 8

¹Ayili wejima wawu, iwu kwitala dindi, iwu kwitala dindi. Ilaŋa Yesu wayili kumpidi yaOliveta.

²Hakwijila cheŋi mutembeli budidi yayeni; antu ejima hiyakwinza kudi yena, yena hakushakama nakuyileja.

³Ansoneki nawaFwarisi hiyakumuletela mumbanda akwatawu dehi nakwila wuvumbi.

⁴Chanamushuwu mukachi hiyakumwila nawu, Eyi Nkuluŋaŋa, mumbandiwu anamukwati nakwila wuvumbi, anamushintakeshi wakushintakesha.

⁵Kunshimbi jaMosi atuleja nawu muntu wudi ichi chiŋa kumwasa malola; indi eyi neyi tumwili ŋahi?

⁶Chahosheluwu chenochu alondeli kumweseka, kulonda amoni hakumwinkela muloŋa. Ilaŋa Yesu hakubandama, hakusoneka namunu windi hamaseki.

⁷Chanamwihuluwu ihule-e, hakubanduka, hakuyila nindi, Muntu nabuli nshidi hakachi kenu asambili kunona ilola amwasi.

⁸Hakubandama cheŋi nakusoneka namunu windi hamaseki.

⁹Wena chanachitiyuwu, hiyakwidikamu, wumu, wumu, kutachikila kudi mukulumpi, ndo nikudi kansi. Yesu yoshala nikanka windi, namumbanda saŋa adiyi mukachi.

¹⁰Yesu hakubanduka, hakumwihula nindi, Eyi mumbanda, antu anakwinki muloŋa adi kudihi? Kwosi muntu nakuhishuku?

¹¹Mumbanda nindi, Kwosi Mwanta. Yesu nindi, Hela ami hinakuhishuku; yaloŋa kweyi, kufumisha kulelu bayi wufuntilamu cheŋuku.

¹²Dichi Yesu hakuhosha cheŋi nawena, nindi, Ami yami chejeji champata yamunu mwishina, muntu wukunlondelami hakendela mumwidimaku, ilaŋa wakekala nachejeji chawumi.

¹³Dichi aFwarisi hiyakumwila nawu, Wadishimunaŋa eyi aweni; wunsahu weyi hiwalalaku.

¹⁴Yesu hakuyakula nindi, Hela neyi nadishimunaŋa ami aweni, wunsahu wami walala; muloŋa neluki kunafumini nikunukuya, ilaŋa enu himweluka kunafumini hela kunukuyaku.

¹⁵Enu mwasompeshaŋa mwasompeshaŋawu antu. Ami hinasompeshaŋa muntuku.

¹⁶Chalala, hela neyi nasompeshana, kusompesha kwami kwalala; Muloŋa hinekala kanka wamuku, nidi naTata wantemesheli.

¹⁷Chalala, hela munshimbi jenu anasoneki nawu, Wunsahu wawantu ayedi walala.

¹⁸Ami nadishimunaŋa ami aweni, niTata wantemesheli hakunshimuna wunsahu.

¹⁹Dichi hiyakumwihula nawu, Tata yeyi wekala kudihi? Yesu hakwakula nindi, Hela ami, hela Tata yami himwatwilukaku; neyi mwaŋilukami mwadi kwiluka niTata yami.

²⁰Mazu awa wayihosheleli mwitala dakuswekela mali, chadiŋi nakuyilejayi mutembeli. Hi kwadiŋi muntu wamukwatiluku, muloŋa henohu mpinji yindi kanda yishiki.

²¹Dichi hakuyila cheŋi nindi, Ami hinukufumahu, enu mwakankeŋakeŋa, mwakafwa nanshidi yenu. Kunukuyami himukutwesha kushika kwoku.

²²AYudeya hiyakwila nawu, Chaneliyi nindi, Kunukuyami himukutwesha kushika kwoku, keŋa adŋahi, tahindi?

²³Yena hakuyila nindi, Enu mudi antu ampata yamunu mwishina, ami nidi wamwiwulu; enu mudi ampata yinu, ami hinidi wampata yinuku.

²⁴Dichi chinayili nami, Mwakafwa nanyiloŋa yenu. Muloŋa neyi mukubula kuŋitiya nenu diyi ami, mwakafwa nanyiloŋa yenu.

²⁵Dichi hiyakumwihula nawu, Ochu yeyinyi? Yesu hakuyila nindi, Nayileja dehi kufumisha kutachi.

²⁶Nidi nayuma yayivulu yakuhosha nakusompesha hansaŋu yenu; hakwila yena wantemesheli walala, ami nahoshaŋa nawantu ampata yamunu mwishina mazu inatiyili kudi yena.

²⁷Wena hiyelukili nawu nateni Tata yinduku.

²⁸Dichi Yesu hakuyila nindi, Chimwamba kanyamuna Mwana kamuntu kwiwulu, henohu dihu mwamba kelukila nenu diyi ami; nenu hinelaŋa chuma chakanka wamuku, ilaŋa nahoshaŋa mazu awa mwomwanlejeluwu kudi Tata.

²⁹Yena wantemesheli nekala hamu nindi, hananshiyi kanka wamuku; muloŋa nelaŋa yuma yamutiyishaŋa kuwaha mafuku ejima.

³⁰Chadiŋi nakuhoshayi ochu antu amavulu amwitiya nikumwitiya.

³¹Yesu hakuhosha nawaYudeya amwitiyili nindi, Neyi mukushakama mumazu ami, mukwi kala atumbanji twami chalala;

³²mukwiluka nsaŋu yalala, ninsaŋu yalala yikuyifumisha muwuduŋu.

³³Wena hiyakumwakula nawu, Etu anyana kaAbarahama, kanda tushakamaŋahu dehi muwuduŋuku, indi eyi wunahoshi ŋahi neyi, Akuyifumisha muwuduŋu?

³⁴Yesu hakuyakula nindi, Chalala chalala, nukuvileja nami, antu ejima avulumunaŋa, diwu anduŋu janshidi.

³⁵Nduŋu hashakamaŋa mwitala haya nyakaku; mwana washakamaŋa haya nyaka.

³⁶Dichi dinu, neyi Mwana wukuyifumisha muwuduŋu mukufumamu chalala.

³⁷Neluki nami enu mudi anyana kaAbarahama; hela chochu, enu mwafwilaŋa kunjaha, muloŋa himukweti mwakutambwila mazu amuku.

³⁸Ami nahoshaŋa yinamweni kudi Tata yami, enu mwelaŋa yuma yimwatiyili kudi tata yenu.

³⁹Wena hiyakumwakula nawu, Tata yetu Abarahama. Yesu hakuyila nindi, Neyi mwadiŋi anyana kaAbarahama, mutenowu mwadi kwila nyidimu yaAbarahama.

⁴⁰Ilaŋa dinu enu mwafwilaŋa kunjaha, ami muntu nayileja dehi mwalala munatiyili kudi Nzambi; hidichi chelili Abarahamaku.

⁴¹Enu mwelaŋa nyidimu yatata yenu. Hiyakumwila nawu, Hitudi anyana amuchiputaku, tukweti tata yetu wumu, yowu Nzambi.

⁴²Yesu hakuyila nindi, Neyi Nzambi hitata yenu mwadi kukeŋami, muloŋa ami nafumini kudi Nzambi, diku nenjili; ami hinadinjila ami awenuku, yena diyi wantemesheli.

⁴³Munakaŋenyidi kwiluka munahoshaŋa? Chinafumi hákubula kutiya mazu ami.

⁴⁴Enu tata yenu diyabolu; mwakeŋa aŋa kwila mwafwilaŋayi tata yenu. Yena wadiŋi mbanji kufumisha kutachi; yena hemanaŋa munsaŋu yalalaku, muloŋa himwekala nsaŋu yalala mudi yenaku. Chahoshaŋayi yakutwamba wahoshaŋa yindi yomweni; yena hintwambi, hitata yachu.

⁴⁵Enu mwabulaŋa kuŋitiya muloŋa nahoshaŋ: nsaŋu yalala.

⁴⁶Mwinenwinyi wukunkonkolola nindi navulumuni Nzambi? Neyi nahoshaŋa nsaŋu yalala mwalekelaŋadi kuŋitiya?

⁴⁷Muntu waNzambi watiyaloŋa mazu aNzambi. Chimunabuli kwikala antu aNzambi, dihu lianafumi kubula kutiya mazu indi.

⁴⁸AYudeya hiyakwakula nawu, Chitwakutenaŋa netu eyi wukaSamariya wudi nademoni, hitwakutenaŋa mwalalaku?

⁴⁹Kuchinka Yesu nindi, Hinikweti demonuku; ami nalemeshaŋa Tata yami, enu mwansawulaŋa.

⁵⁰Ilaŋa hinakeŋi kudilemesha ami awenuku; wakeŋa aŋa kunlemesha yowu mukwakusompesha.

⁵¹Chalala chalala, nukuyileja nami, muntu wahembaŋa mazu ami hamba kamona kufwaku.

⁵²AYudeya hiyakumwila nawu, Ichi dinu tuneluki netu wudi nademoni. Abarahama wafwa dehi, niatuprofwetu nawa, hakwila eyi hiwukwila neyi, Muntu wahembaŋa mazu ami hamba katompa kufwaku.

⁵³Eyi wunabadiki tata yetu Abarahama niatuprofwetu afwili, tahindi? Wudi nakuditena neyi yeyinyi?

⁵⁴Yesu hakwakula nindi, Neyi nukudilemesha ami aweni, kulema kwami kwamukunkulwayi. Tata yami diyi wanlemeshaŋa, iwu mwatenaŋa nenu Nzambi yenu.

⁵⁵Enu himunamwilukuku, ilaŋa ami namwiluka. Neyi nukwila nami hinamwilukaku, nukwi kala ntwambi neyi enu. Ilaŋa namwiluka, nahembaŋa mazu indi.

⁵⁶Tata yenu Abarahama waluŋili chamweniyi ifuku dami; chadimweniyi hakuzaŋalala.

⁵⁷Dichi aYudeya hiyakumwila nawu, Kanda wushiki munyaka makumi atanu, wunamoni dehi niAbarahama?

⁵⁸Yesu hakuyila nindi, Chalala chalala, nukuyileja nami, hadiŋi Abarahama kanda avwaliki, ami nidi hohu.

⁵⁹Dichi hiyakunona malola nawu amwasi; Ilaŋa Yesu hakubatama, edika nimutembeli.