Read MUKANDA WANZAMBI Likezo 21 Bible Online

Likezo 21 - MUKANDA WANZAMBI bible

Likezo 21

¹Chituna ambuki nawu, hitukutachika kwenda muwatu, hitukwimakana nikuKosi zwa; chikunachi tushika nikuRodi, kufuma oku tuyani kuPatara.

²Hitukuwana watu wacheŋi wudi nakuzambukila kuFwenisiya, hitukwijila mu, tutachika nikwenda muwatu owu.

³Chitunashiki kwela chitutu chaKipirosi hichikumwekana, hitukuchibakila kuchikasa chachimunswa, hitukuyaloŋa tuhu muwatu kuSiriya. Hitukushika kuTira, tufuma nimuwatu; muloŋa kwenoku diku kwakeŋa eli kuloŋololawu yuma yadiŋi muwatu.

⁴Chitunawani atumbanji, hitukulabila kwenoku mafuku atanu nayedi. Wenawa hiyakumwila Pawulu mudi Spiritu nawu bayi akadata mwendu muYerusalemaku.

⁵Chinamani mafuku owu, hitukunyamuka nakuya mulwendu lwetu; akwetu ejima, ni aŋodi jawu ni anyanawu, hiyakututwalaku munjila yetu. Chitunafumi muŋandoyu, hitukufukama kuchi kumu nakulomba.

⁶Chitunadishaliki dehi chachiwahi, hitukuya cheŋi muwatu owu; wena afunta nikumatalawu.

⁷Chitunakumishi lwendu lwetu lwamuwatu lwakufuma kuTira, tushika nikuTolemayi. Hitukuyimwisha ana kwetu, tujiŋilaku niifuku dimu.

⁸Chikunachi hitukunyamuka, tushika nikuKesareya. Kwenoku hitukwijila mwitala damukwakushimuna nsaŋu yayiwahi Fwilipu, diyi wadiŋi wanawa ankoŋi atanu nayedi atondeluwu; hitukushakama nindi.

⁹Yenowu iyala wadiŋi nawanya nindi awambanda ajiki awana, aprofwetelaŋa.

¹⁰Chitunalabili kwenoku mafuku amavulu, kuYudeya hikukufuma kaprofwetu wumu, ijina dindi Aŋabusi.

¹¹Hakwinza kudetu, hakukwata muya waPawulu, hakudikasawu kunyendu nikumakasa; hakwila nindi, Spiritu Wajila nindi, Dichi chakakasilawu muntu wukweti muyiwu kudi aYudeya akuYerusalema; akamuhana nikudi aJentili.

¹²Chitunatiyi mwenimu, etu nawakwetu akwenoku hitukumulembelela Pawulu, netu bayi akanduka kuYerusale maku.

¹³Pawulu hakwakula nindi, Aka! Mudi nakudiladi? Mukumbalula muchima? Neteji kwami hela kunkasa, hela kukumina dakufwa kuYerusalema, kuko-ola ijina daMwanta Yesu.

¹⁴Chaneliyi kumulekesha kwonti kwindi, hituku mwena netu, Eli muchima waMwanta.

¹⁵Mafuku alondelumu, hitukuloŋeja yuma yetu, tukanduka nikuYerusalema.

¹⁶Hitukuya nawakwetu atumbanji akuKesareya, nimuntu wumu wakuKipirosi, ijina dindi Manasoni, kambanji wamukulu itwakeŋa a kushakama nindi.

¹⁷Chitunashiki kuYerusalema, akwetu hiyakutiya kuwaha kututambula.

¹⁸Chikunachi hitukuya naPawulu kwaYakoba; mwadi ŋuwu niakulumpi ejima.

¹⁹Chanayi mwishiyi, hakuyishi mwinamu mwejima mwakoŋeliyi Nzambi mukachi kawaJentili kumudimu windi, hachuma hachuma.

²⁰Wena chanachitiyuwu, hiyakulemesha Nzambi. Hiyakumwila nawu, Eyi mana kwetu, wunamoni chanetiyuwu aYudeya makombakaji namakombakaji; wejima wawu asweja Ŋovu yakudijilika nanshimbi jawu.

²¹Nsaŋu akwetu aYudeya, kulonda nakayi mulwendu lwa kuDamakasa, nakaleti akwakwitiya munyonji kuYerusalema, kulonda akayibabeshi, yeyi yatiyakana dehi, anatiyi nawu walejapa aYudeya ejima ekala mukachi kawaJentili, neyi aleki Mosi. Nawu wayilejaŋa neyi bayi aalamishaga anyanawu, hela kwenda mwaya yijila yaMosuku.

²²Tukwila pahi dinu? Chalala izaza kepa ditiyi nawu wenza dehi.

²³Dichi ilaku mutukukuleja. Tukweti amayala awana anadishiilumu dehi;

²⁴twalaku wenawa wudijiliki nawu hamu, wuyikwashuku kufweta kulonda atewuli nyitu yawu. Mwenomu antu ejima eluki nawu nsapu yeyi yanayilejuwu yakutwamba; komana eyi aweni wendaga chachiwahi mwaya nshimbi.

²⁵Hakwila chansapu yawaJentili etiya dehi, twasonekeli dehi. Twaketwili dehi netu aleki yuma yakupesha nachu akishi, nimashi, nianyama akushotomona, niwuvumbi.

²⁶Pawulu hakutambula wenowu amayala; chikunachi hakudijilika nawu hamu, hakwipila mutembeli kulonda aleji mwakamanina mafuku akudijilikila; hakayikwashayi namulambu wawu wejima wawu.

²⁷Chaneluwu mafuku atanu nayedi hiyakuya nakumana, aYudeya afumini kuAsiya, chanamonuwu Pawulu mutembeli, hiyakusaŋumuna izaza dawantu dejima, amukwata nikumukwata.

²⁸Hiyakubilela nawu, Enu akwetu amayala aIsarela, tukwashenuku! Yeniwu diyi iyala walejaga antu ejima kwejima, nakutugula niaIsarela ninshimbi nitembeli iyi. Nabombeluku chuma chikwawu nawa, ncŋiji aHeleni mutembeli; najiloli dehi munu mwajila.

²⁹Muloga henohu amumona dehi mupanda hamu nakaEfwesesa, Tirofwimusa; anatogojoki nawu Pawulu namwigiji mutembeli.

³⁰Ŋanda yejima yivwakuka niipumba; antu hiyakupompa lufuchi, hiyakumukwata Pawulu, hiyakumukokela hanzi yatembeli. Enzela niyenzelu hohenohu.

³¹Heliluwu hiyakukena kumujaha, nsagu oyu yishika nikudi mukulumpi wamashidika ikombakaji, nawu Yerusalema yejima yavwakuka dehi kwepumba hohu.

³²Hakusenda mashidika nimasenturinu hohenohu. Hiyakukunkumukila lufuchi kudi wena; chanamonuwu mukulumpi muneni nimashidika, aleka nikumweta Pawulu.

³³Mukulumpi muneni hakwinza kwakwihi, hakumukwata, hakuyila nindi mukasenu namalepi ayedi. Hakwihula nindi, Yeniwu hinyi? Neli pahi?

³⁴Amwizaza amakwawu hiyakubideka chuma chimu, amakwawu nawa chuma chikwawu. Chanabuliyi kwiluka chakashinshi nepumba dadipuku, hakuyileja nindi mutwalenu mwitala damashidika.

³⁵Chanashikuwu kuwukandaminu, hiyakumweleka Pawulu kudi mashidika, nanochu chaswejeluwu antu kuzuwa.

³⁶Mulopa izaza dawantu hidikuyilondela nakubideka nawu, Waadi! Waadi!

³⁷Hakepeluwu kumwigija mwitala damashidika, Pawulu hakumwila owu mukulumpi muneni, nindi, Wukupiteja nikuleji chuma chimu? Yena nindi, Komana wahoshaŋa idimi daHeleni?

³⁸Ami nami kwiji yeyi kaEjipitu wafumbili njita mafuku awa adipuku, watweli atupondu makombakaji awana mwisaga.

³⁹Pawulu hakwakula nindi, Ami yami kaYudeya wakuTarusa muSilisiya, nimwinipanda yalerna. Nakulembeli nami agiteji mwani nihoshi nawantu.

⁴⁰Chanamwitejiyi, Pawulu hakwimana hawukandaminu, hakuyolwela antu chikasa kwiwulu; chanamwenuwu chacheni zo, hakuhosha nawena mwidimi daHeberu.