Read MUKANDA WANZAMBI Likezo 25 Bible Online

Likezo 25 - MUKANDA WANZAMBI bible

Likezo 25

¹Chanenziyi Fesitusi muwulopu owu, chimunahiti mafuku asatu hakufuma kuKesareya, hakuya kuYerusalema.

²Akulumpi jawatupristu niakulumpi jawaYudeya alema, hiyakumusoŋelela Pawulu kudi yena.

³Hiyakumulembelela nawu, Atwanakeni mwani, atukwashuku; namutumeshi Pawulu enzi kuYerusalema. Elili nawu amubelamini, akamujahili munjila.

⁴Ilaŋa Fesitusi hakwakula nindi, Pawulu wudi mukaleya kuKesareya, ami aweni keŋa niyi kwenoku.

⁵Dichi niyi nawakwenu alumbuluka; neyi hadi chuma chatama chaneliyi akamuholokeli tuhu.

⁶Chimunahiti dehi mafuku atanu nasatu indi kwiji ikumi, hakuya kuKesareya. Chikunachi, hakushakama hetanda dakusompela, hakuleja antu kumuleta Pawulu.

⁷Chanenziyi, owu aYudeya afumini na Fesitusi kuYerusalema hiyakwimana kudi Pawulu kwi-ndo, nakumwinka nyiloŋa yatama yayivulu. Hela chochu, hiyatwesheli kumuhishaku.

⁸Pawulu hakudihakwila nindi, Hela nshimbi jawaYudeya, hela tembeli, hela Kesari, hinayitamishi nihantuku.

⁹Ilaŋa Fesitusi, wakeŋa a dehi kuyitiyisha aYudeya kuwaha, hakumwihula Pawulu nindi, Wukwiteja kukanduka kuYerusalema, akakusompesheluku yumiyi kumesu ami, tahindi?

¹⁰Pawulu hakwila nindi, Nemani kwami kwitanda daKesari dakusompela, kwateji kunsompeshelawu. Hinakoŋeli aYudeya chatamaku; hela eyi aweni wunelukumu chikupu.

¹¹Neyi ami nakoŋaŋa chatama, hela neyi nela dehi chuma chatela kufwa, naleki kufwa wanyi. Ilaŋa neyi yananholokeluwu yakutwamba, hikudi muntu wukutwesha kunhana kudi wenaku. Niyi kudi Kesari.

¹²Fesitusi, chanashakamiyi hampùŋa nachota chindi, hakwakula nindi, Chiwuna lombi kuya kudi Kesari, wakaya kudi Kesari.

¹³Chimunahiti mafuku antesha, Agripa hakushika kuKesareya naBerenisi, nawu amwimwishi Fesitusi.

¹⁴Chaneluwu achidi kulabalaba mafuku amavulu, Fesitusi hakumwawila mwantowu nsaŋu yaPawulu, nindi, Kunu kudi iyala alekelawu munyonji kudi Felisi.

¹⁵China diŋi kuYerusalema, awakulumpi jawatupristu niakulumpi jawaYudeya hiyakumusopelela kudami, nawu nimuhishi.

¹⁶Hinukuyakula nami, kusha muntu mukaleya chakadi kudi mona nawakwakumuholokela mesu namesu, amoni jakudihakwila nansaŋu yanamuholokeluwu, hichaaku chetwetu aRomaku.

¹⁷Chapompeluwu kunu, hinalabiluku, ilaŋa dodifuku ŋalondelumu, hinukushakama hetanda dakusompela; hinukuleja antu kumuleta yenowu iyala.

¹⁸Chanemanuwu akwakumuholokela, hiyateneni nyilona yatama yidi neyi munatoŋojokeluku;

¹⁹komana anamuholokeli tusaŋu twayijila yawu, nimuntu ijina dindi Yesu wafwili, atenaŋayi Pawulu nindi wamumi.

²⁰Chinelili nami ŋŋinoki mwakwihwila nsaŋu iyi, hinukumwihula nami, Wukwiteja kuya kuYerusalema, akusompesheluku nsaŋu iyi, tahindi?

²¹Ilaŋa chaneliyi Pawulu nalombi dehi nindi amuhembaŋa nichamba kamuketwilawu muloŋa kudi Agusitusi, hinukuleja antu nami amuhembi tuhu mukaleya, nichinakamona jakumutemesha kudi Kesari.

²²Agripa hakumwila Fesitusi nindi, Ninami nakeŋi kumutiya yeniwu iyala. Fesitusi nindi, Kumaciki wakamutiya.

²³Chikunachi Agripa hakwinza naBerenisi, nawanta waweni; hakwijila mwitala dakuhoshela nyiloŋa, hamu nawawakulumpi anjita, niantu amuŋanda alema. Fesitusi hakuleja antu kuleta Pawulu.

²⁴Fesitusi hakuhosha nindi, Eyi mwanta Agripa, ninenu amayala ejima tudi nenu munu, iwu iyala munamoni iwu, anamuholokeli kudami kudi aYudeya ejima. KuYerusalema, nikunu nawa, hiyakumbidika nawu hatela kuhanda nawa cheŋuku.

²⁵Ami hinamumoni namuloŋa wakutela kufwaku; dichi chaneliyiyo mweni nalombi dehi nindi ayi kudi Agusitusi hohu, ami hinukwila nami nimutemeshituhu.

²⁶Hinamoni nsaŋu yalumbuluka yinukusoneka kudi mwanta wamuku; dihu hanafumi kumuleta kumesu enu, nankashi kumesu eyeyi mwanta Agripa, kulonda tumwihujoli, tumoni mwakusoneka.

²⁷Muloŋa natoŋojoki nami hichikweti maana kutemesha muntu wamukaleya chakadi mukanda wakushimuna nyiloŋa yamuholokelelu wuku.