Read MUKANDA WANZAMBI Maroma 13 Bible Online

Maroma 13 - MUKANDA WANZAMBI bible

Maroma 13

¹Antu ejima ovwahili anyanta; muloŋa kwosi wanta wabula kufuma kudi Nzambuku; mawanta ekalamu anayishumu kudi Nzambi.

²Dichi muntu wadikaŋaŋa namwanta, wadikaŋaŋa nanshimbi jaNzambi, niwena akudikaŋa akamona muloŋa.

³Muloŋakwakuyula hiyatiyishaŋa ntu woma nanyidimu yayiwahuku, chiŋa nayatama. Wunakeŋi neyi wubuli kutiya mwanta woma, tahindi? Ilaku chachiwahi, nineyi akakuhameka kudi yena.

⁴Muloŋa niyena hiŋamba yaNzambi kulonda akukwashi. Ilaŋa neyi welaŋa chatama, tiyaku woma, muloŋa hanavwali mpoku yakabali tuhuku; yena hiŋamba yaNzambi, hintendi wakuzuwila wakoŋaŋa chatama.

⁵Dichi kuminenu dakwovwahila, bayi nakwakama kuzuwa hohuku, chiŋa nimwalejaŋa chinleji chamuchima.

⁶Hansaŋu iyi dihu hafumaŋa kulambula nawa, Muloŋa wena hiyaloŋamba akalakalaŋa mudimu waNzambi, atalilaŋa chuma chochenichi mafuku ejima.

⁷Inkenu antu ejima yatela kuyinka; akwanyilambu yinkenu nyilambu yawu; akwanyombu yinkenu nyombu yawu; muntu wuteji kutiya woma mutiyenu woma; muntu wuteji kulemesha mulemeshenu.

⁸Bayi mwikala namukudi namuntuku, chiŋa yowu kukeŋaŋana. Muloŋa muntu wakeŋa aŋa mukwawu namanishi nshimbi.

⁹Nshimbi jakwila nawu, Kwila wuvumbi chinjila; kujaha muntu chinjila; kwiya chinjila; kwikala nalwisu chinjila; hela neyi kwekala nshimbi jikwawu, jejima jahwila mwizu idi nawu, Keŋaku mukwenu neyi chiwadikeŋa eyi aweni.

¹⁰Kukeŋa hikwakoŋaŋa mukwawu chatamaku; dichi kukeŋa kwamanishaŋa nshimbi.

¹¹Muneluki dehi mpinji yakuhinduka namutulu hiyi kuya nakupandakana; muloŋa katataka kuhanda kwetu kunaswili dehi kwakwihi, hitwetiyili kwadiŋi kwakulehi.

¹²Wufuku wamana dehi hanalehi, mwaana keŋa wuchi; dichi tulekenu nyidimu yamwidima, tuvwalenu yitwa yamwaana.

¹³Twendenu chalumbuluka neyi chahamwaana; bayi nayisela nakushetaku, bayi nawusenji nakubajamaku, bayi nandombu nechimaku.

¹⁴Ilaŋa divwikenu Mwanta Yesu Kristu; bayi mukeŋa yakukwasha nachu chisemwa chaheseki, kulonda muwanishi kufwila kwachuku.